罗宋汤
罗宋汤（上海闲话：lu·soŋtʰɑ̃、俄语、乌克兰语：борщ，波兰语：barszcz，也叫红菜汤）是发源于东欧个一种燉湯。来箇眼地区，罗宋汤大多数用甜菜作为主料[1]，擔洋山芋、红萝卜、菠菜跟斩成一块块个牛肉、酸奶油等等一道笃，所以是紫红颜色个。
名称来源
做法
最简单个罗宋汤只有甜菜、盐、糖、胡椒粉跟一点柠檬汁。别个经常加进去个蔬菜包括卷心菜、番茄、洋山芋、芹菜跟洋葱。成分来各地全弗一样。波兰人经常加卷心菜跟洋山芋，乌克兰人常加番茄。难板点也加牛肉块或者用牛肉清汤。欧洲跟美洲人经常加一点酸奶油。
跟上海个渊源
罗宋汤在20世纪初随着白俄难民来上海租界避难开始传进上海。因为甜菜弗适合来上海温暖个气候条件下头种植，所以讲上海人用卷心菜替代甜菜，用番茄酱调节汤个颜色，同时增加甜味道[2]。
上海罗宋汤个做法
- 上海个罗宋汤用番茄作为主料，有辰光也加眼番茄酱。一般性是先擔番茄酱用油煸一煸，去脱酸味道，再加眼白砂糖，昰然就好酸中带甜。有眼做法还会以牛肉汤为汤底，加眼红肠、洋山芋等等。来上海，罗宋汤尤其在德大西菜社跟天鹅阁出名，当然随着罗宋汤之后一点点家常化，罗宋汤个做法来上海人之间也随着弗同口味而千变万化。