羅宋湯

羅宋湯（俄文、烏克蘭文：борщ，波蘭文：barszcz）係一種東歐或中歐嘅濃菜湯。「羅宋」呢個名嘅根據係嚟自Russian soup嘅上海話音譯（羅宋即Russian，源自早年上海嘅洋涇濱英文，[lúsòŋ]），Russian borscht（borshch）係另一常用嘅名，但係源自烏克蘭。^[1][2][3][4]

所有羅宋湯都用紅菜頭湯做底，然後可以加入第啲菜。最簡單嘅羅宋湯只有紅菜頭、食鹽、糖、胡椒粉同一啲檸檬汁。其他經常加入嘅蔬菜包括椰菜、番茄、薯仔、芹菜同洋蔥。成分每個地方都有唔同。波蘭人經常加椰菜同薯仔，烏克蘭人就加番茄。間中又會加牛腩或用清牛肉湯做嘅。成湯之後凍熱飲都得。歐洲同美洲人經常加一啲酸淡忌廉。

羅宋湯起源自烏克蘭。^[5]正宗嘅羅宋湯係指嚟自俄羅斯^{[未記出處或冇根據]}嘅紅菜湯，近住俄羅斯嘅東歐國家好似波蘭、烏克蘭都流行呢種鮮甜濃郁嘅雜菜湯。亞洲嘅唔少西餐廳亦有供應。