საირქიანო ოლიმპიური კომიტეტი
საირქიანო ოლიმპიური კომიტეტი (ფრანგ. Comité international olympique) — საირქიანო სპორტული ორგანიზაცია, 1894 წანას დარსხუ ბარონ პიერ დე კუბერტენიქ, ოლიმპიური ლაჸაფეფიშ ეპეულუაშოთ. კომიტეტიშ შტაბ-ორენი იდვალუაფუ ლოზანას, შვეიცარიას. ასე კომიტეტი არძაშე გოლინამი სპორტული ორგანიზაცია რე მოსოფელს.
კომიტეტი ორგანიზებას უკეთენს ალმახანურ ოლიმპიურ ლაჸაფეფს ზარხულს დო ზოთონჯის, ირ ოთხი წანმოწანას. მაართა ზარხულიშ ოლიმპიადა, ნამუშ ორგანიზება კომიტეტქ იდუდუნჷ, ათენს რდჷ, საბერძნეთის, 1896 წანას. მაართა ზოთონჯიშ ოლიმპიადა - ჩამონიქსის, საფრანგეთის, 1924 წანას. 1992 წანაშახ საზარხულო დო საზოთო ოლიმპიადეფი ართ წანას იტარებუაფუდჷ. 1994 წანაშე კომიტეტიქ ზოთონჯიშ ოლიმპიადეფი ზარხულიშ ოლიმპიადეფიშ შქაშა გეგნიღჷ, ოლიმპიური ლაჸაფეფიშ ორგანიზაფაშ დოგეგმუაშ გოლექინაფაშ ღანკით.
ოოკ-იშ პრეზიდენტრფი
| პრეზიდენტეფი | ქიანა | პრეზიდენტობაშ პრეზიდენტეფი | ხვილაფა |
|---|---|---|---|
| დემეტრიუს ვიკელასი |  საბერძნეთი | 1894—1896 | |
| ბარნი პიერ დე კუბერტენი |  საფრანგეთი | 1896—1916 დო 1919—1925 | სოკ-შ საპატიო პრეზიდენტი 1925-შე 1937-შახ |
| ბარონი გოდფრუა დე ფლონე |  შვეიცარია | 1916—1919 (მოღ. მასრ.) | |
| გრაფი ანრი დე ბაილე-ლატური | .svg){kind=small} ბელგია | 1925—1942 | |
| ზიგფრიდ ედსტრომი |  შვედეთი | 1946—1952 (მოღ. მასრ. 1942—1946) | |
| ევერი ბრენდეჯი |  ააშ | 1952—1972 | სოკ-შ მაართა პრეზიდენტი, ნამუთ წოხოლე ოკათუდჷ ოლიმპიურ ლაჸაფეფს მუჭოთ სპორტსმენინ |
| ლორდი მაიკლ მორისი, 3-ა ბარონი კილანინი |  ირლანდია | 1972—1980 | |
| მარკიზი ხუან ანტონიო სამარანჩი |  ესპანეთი | 1980—2001 | სოკ-შ საპატიო პრეზიდენტი 2001-შე 2010-შახ |
| გრაფი ჟაკ როგე | ბელგია | 2001—2013 | სოკ-შ მაართა პრეზიდენტი, ნამუთ მუსხირენშახ ოკათუდჷ ოლიმპიურ ლაჸაფეფს, მუჭოთ სპორტსმენი (1968, 1972 დო 1976) |
| თომას ბახი[1] |  გერმანია | 2013 წანაშე ამდღარშახ | სოკ-შ მაართა პრეზიდენტი, ნამუთ ოლიმპიურ ჩემპიონო გჷნირთჷნ (1976, ფარიკაობას) |
საირქიანო ოლიმპიური კომიტეტიშ პრეზიდენტი, მუჭოთ წესინ, ოლიმპიური ლაჸაფეფიშ გონწყჷმას და კილუეფს ოკათჷ.
