Internationals Olympischs Komitee

S Internationale Olympische Komitee (IOK; aber au im Dütsche wird hüfig die änglisch Abchürzig IOC bruucht) isch ä nitschtaatligi Organisation, wo sich um d Organisation und dr Ablauf vo de Olympische Schbiil kümmeret.

Rechtlig handlet es sich um ä Verein, wo im Handelsregischter iidrait isch noch em Art. 60 ff. vom Schwizer Zivilgsetzbuech. Er het si Sitz sit 1915 z Lausanne. S IOC leitet die Olympische Bewegig und het Aaschbruch uf alli Rächt an de olympische Symbol, wie Fahne, Mottos und Hymne, und au an de Schbiil sälber. Si Hauptverantwortig lit in der Betreuig und Organisation vo de Summer- und Winterschbiil.