拉丁字母

拉丁字母（粵拼：laai1 ding1 zi6 mou5；英文：Latin alphabet），又叫羅馬字母（英文：Roman alphabet），係英文同其他唔少語言用嘅一套字母，同時亦係世界上云云字母之中最流行嘅一套，目前粵語用嘅拼音就係用拉丁字母制定嘅方案。基本嘅成套字母有26個字母，但係有啲語言會用基本以外嘅其他字母，例如冰島文有 Þ 同 Ð。

拉丁字母
類型：	全音素文字
語言：	拉丁文同羅曼語族（意大利文、法文、西班牙文、葡萄牙文等）；日爾曼語族（英文、德文等）；多數歐洲語言（波蘭話等）；部分亞洲話言（土耳其話、越南話、印尼話等）；其他語言嘅拉丁化（漢語拼音等）
使用時期：	約公元前400年至目前
母書寫系統：	原始迦南字母  腓尼基字母   希臘字母    古意大利字母     拉丁字母
子書寫系統：	衍生拉丁字母
姊妹書寫系統：	西里爾字母 科普特字母 亞美尼亞字母 盧恩字母
Unicode 範圍：	見Unicode拉丁字母
ISO 15924 碼：	Latn

拉丁字母由希臘字母變出來，本來用嚟寫拉丁文，當時並唔係26個，J、U 同 W 都係後來先補加嘅。