第一次納戈爾諾-卡拉巴赫戰爭
第一次納戈爾諾-卡拉巴赫戰爭 (阿塞拜疆文:Birinci Qarabağ müharibəsi,亞美尼亞文:Արցախյան ազատամարտ) 係一次位於納卡地區爆發嘅種族衝突,由1988年2月維持到1994年5月。當時呢個地區係公認為阿塞拜疆領土,但係人口主要係亞美尼亞人。當地嘅亞美尼亞人要求離開阿塞拜疆,建立阿爾察赫。呢場仗演變成爲長久嘅山地游擊戰,雙方都傷亡慘重,最終由亞美尼亞贏咗。
第一次納戈爾諾-卡拉巴赫戰爭 | |||||||||
---|---|---|---|---|---|---|---|---|---|
納卡衝突同埋蘇聯解體嘅一部分 | |||||||||
亞美尼亞士兵(左)同埋阿塞拜疆士兵(右)參與打仗 | |||||||||
| |||||||||
指揮官同領導者 | |||||||||
|
Gulbuddin Hekmatyar[14] | ||||||||
兵力 | |||||||||
3-4萬 (1993–94年)[15] | 4.3萬 (1993–94年)[15] | ||||||||
傷亡同損失 | |||||||||
平民死傷 平民失蹤 平民流離失所 |
過程
喺1991年,納卡地區嘅議會舉行咗獨立公投,俾人民決定獨立(之後加入亞美尼亞)定係留喺阿塞拜疆。因爲當地人口大多數係亞美尼亞人,所以即使阿塞拜疆人棄權,投票率都超過80%,而其中99.89%都投票同意納卡加入亞美尼亞[26][27]。喺公投通過之後,當地嘅人民舉行咗和平示威要求兩個國家尊重投票結果。但係,隨住蘇聯解體,兩個國家之間嘅敵意令已有嘅種族衝突暴力化。兩邊都曾經有殺害對方人口嘅大屠殺。納卡地區嘅人於是自己宣佈獨立,成立咗阿爾察赫共和國。
喺1992年初,土耳其為阿塞拜疆提供軍事援助,同時封鎖亞美尼亞,令場仗惡化[28]。有好多個國際組織都嘗試為情況降溫,但係未成功。到1993年頭,亞美尼亞成功控制納卡嘅周邊地區,而到1994年5月已經明顯贏咗。
喺打仗過後,大約72萬位阿塞拜疆人同埋30-50萬位亞美尼亞人流離失所[25]。喺戰後嘅時間,歐洲安全合作組織不斷有跟進亞美尼亞同阿塞拜疆之間嘅和談,但係唔能夠簽正式嘅和約。阿爾察赫成爲咗實際上獨立,但係法理上唔存喺嘅國家。納卡衝突仍然繼續,到2020年會再次爆發第二次納卡戰爭。