Koronavirussiekte-2019
- Hierdie artikel handel oor die siekte. Vir die virus wat dit veroorsaak, sien Ernstige akute respiratoriese sindroom koronavirus 2 (EARS-KoV-2). Vir die pandemie, sien COVID-19 pandemie.
Koronavirussiekte-2019 (Engels: COVID-19) is 'n aansteeklike siekte veroorsaak deur Ernstige akute respiratoriese sindroom koronavirus 2 (EARS-KoV-2).[1]
Die siekte is die eerste keer in Desember 2019 in Wuhan, China geïdentifiseer, en het sedertdien wêreldwyd versprei, wat gelei tot die COVID-19 pandemie.[2][3] Teen 22 Mei 2020 is daar meer as 5,1 miljoen gevalle in 229 lande en gebiede aangemeld, wat gelei het tot meer as 335 000 sterftes. Meer as 1,95 miljoen mense het herstel.
Simptome
Algemene simptome sluit in koors, hoes, moegheid, kortasem, en die verlies van reuk en smaak.[4][5][6] Terwyl die meerderheid gevalle tot ligte simptome lei, vorder sommige tot akute respiratoriese noodsindroom (ARDS (en) ) waarskynlik veroorsaak deur 'n sitokiene storm,[7] multi-orgaanversaking, septiese skok en bloedklonte.[8][9] Die inkubasietydperk is gewoonlik ongeveer vyf dae, maar dit kan wissel van twee tot veertien dae.[4][10]
Verwysings
Eksterne skakels
Wikimedia Commons het meer media in die kategorie Koronavirussiekte-2019.
