Suid-Dakota

Suid-Dakota (Engels: State of South Dakota) is 'n deelstaat in die middeweste van die Verenigde State van Amerika. Dit is vernoem na die Lakota en Dakota inboorlingstamme. Suid-Dakota se hoofstad is Pierre en die grootste stad is Sioux Falls. Dit het 'n oppervlakte van 199 905 vierkante kilometer en 'n bevolking wat in 2019 op 884 659 beraam is. Suid-Dakota word in die noorde deur Noord-Dakota, in die ooste deur Minnesota en Iowa, in die suide deur Nebraska, en in die weste deur Montana en Wyoming begrens. Dit was die 40ste deelstaat wat tot die Unie toegelaat is.

Deelstaat Suid-Dakota
Vlag van Suid-Dakota Seël
Bynaam(e): The Mount Rushmore State, The Sunshine State
Amptelike taal(e)	Engels
Hoofstad	Pierre
Grootste stad	Sioux Falls
Area	17ste in die V.S.
- Totaal	199 905 km2
- Wydte	340 km
- Lengte	610 km
- Water	3 173 km2
- % water	1,6 %
- Breedtegraad	42° 29′ N tot 45° 56′ N
- Lengtegraad	96° 26′ W tot 104° 03′ W
Bevolking	46ste in die V.S.
- Totaal	814 180
- Digtheid	4,14/km2 47ste in die V.S.
Hoogte
- Hoogste punt	Harneypiek 2 209 m
- Gemiddeld	670 m
- Laagste punt	Big Stone Lake op Minnesota-grens 295 m
Toetrede tot die Unie	2 November 1889 (40ste)
Goewerneur	Kristi Noem (R)
Luitenant-Goewerneur	Larry Rhoden (R)
Wetgewer	Suid-Dakota Wetgewer
- Hoërhuis	Senaat
- Laerhuis	Huis van Verteenwoordigers
V.S. Senatore	John Thune (R) Mike Rounds (R)
Tydsone	UTC -7/-6 / Somertyd -6/-5
Afkortings	SD US-SD
Webblad	www.sd.gov

Suid-Dakota se byname is The Mount Rushmore State en The Sunshine State. Die deelstaat se leuse is Under God the people rule (met God as hoof regeer die volk).

Mount Rushmore, wat in die Black Hills lê, is 'n historiese gedenkwaardigheid.