Chiuterf BE
S BE im Lemma isch s offiziell Chürzel vom Kanton Bärn und wird bruucht, zum Verwächslige mit Yträäg vom Name Kirchdorf vermyde, wo öppis anders meined. |
Chiuterf (amtlech Kirchdorf) isch e politischi Gmeind im Verwautigschreis Bärn-Mittuland vom Kanton Bärn, Schwyz.
Kirchdorf | |
---|---|
Basisdate | |
Staat: | Schwiiz |
Kanton: | Bärn (BE) |
Verwautigschreis: | Bärn-Mittuland |
BFS-Nr.: | 0872 |
Poschtleitzahl: | 3116 |
UN/LOCODE: | CH KCO |
Koordinate: | / 18549546° 49′ 14″ N, 7° 33′ 0″ O; CH1903: 608498 / 185495 |
Höchi: | 611 m ü. M. |
Flächi: | 14,63 km² |
Iiwohner: | 1820 (31. Dezämber 2022)[1] |
Website: | www.kirchdorf-be.ch |
s Lehnerhuus | |
Charte | |
Geografi
Chiuterf isch es Dorf uf dr Terrasse zwüsche Aare- u Gürbetau. D Gmeindsflächi bsteit us 70,3 % langwirtschaftlecher Flächi, 17,7 % Waud, 9,5 % Sidligsflächi u 2,5 % süschtigi Flächi.[2] D Nachbergmeinde si Gerzesee, Wichtrech, Jaaberg, Uttige, Üetedorf, Seftige, Burgistei, Tuurne, Rümlige, Choufderf, Toffe u Bäup.
Gschicht
Chiuterf isch zum erschte Mal gnennt worde im Jahr 1228 aus Chilthorf (1250 Kyltorf, 1260 Chilchtorf, 1280 Kiltorf, 1605 Kiltdorff, 1838 Kirchdorf).
Bis zum 31. Dezämber 2009 het d Gmeind zum Bezirk Seftige ghört.
Uf en 1. Jänner 2018 hed Chiuterf mit de ehmalige Gmeinde Gäuterfinge, Noofle u Mülidoorf zur nöie Gmeind Chiuterf fusioniert. I däm Zämehang hed sich d Gmeind es nöis Wappe gä.
- s aute Wappe
- s nöie Wappe
Ywohner
Quäuue: Bundesamt für Statistik 2005[3]
Jahr | 1850 | 1860 | 1870 | 1880 | 1888 | 1900 | 1910 | 1920 | 1930 |
Ywohner | 679 | 660 | 668 | 710 | 639 | 605 | 602 | 607 | 589 |
Jahr | 1941 | 1950 | 1960 | 1970 | 1980 | 1990 | 2000 | 2010 | 2015 |
Ywohner | 591 | 640 | 535 | 564 | 675 | 784 | 819 | 811 | 956 |
Dr Uusländeraateil isch 2010 bi 3,4 % gläge.[2]
Religion
85,2 % vo de Ywohner si evangelisch-reformiert, 5,3 % si römisch-katholisch (Stang 2000).[2]
Politik
Bi de Nationauraatswahle 2011 het s das Ergebnis ggää:[2] BDP 15,2 %, CVP 1,3 %, EVP 4,4 %, FDP 4,7 %, GLP 5,6 %, GP 9,5 %, SP 11,9 %, SVP 38,3 %, Suschtigi 9,1 %.
Dr erscht Gmeindspresidänt vom fusionierte Chiuterf isch vo 2018 bis Endi Jänner 2019 dr Eric von Graffenried, ehmalige Gmeindspresidänt vo Mülidoorf, gsii. Er isch dr Nachfolger vom Paul Messerli, wo vor de Fusion mit Gäuterfinge, Noofle u Mülidoorf Gmeindspresidänt z Chiuterf gsi isch.[4] Sit Aafangs Februar 2019 isch dr Samuel Moser Gmeindspresidänt.[5]
Wirtschaft
D Arbetslosigkeit isch im Jahr 2011 bi 1,2 % gläge.[2]
Sprach u Dialäkt
Bir Vouchszeuuig 2000 hei vo de 819 Ywohner 96,7 % Dütsch aus Houptsprach aaggää, 1,2 % Französisch u 0,2 % Italienisch.[2]
Dr Dialäkt vo Chiuterf ghört zum Hochalemannisch.
Weblink
- www.kirchdorf-be.ch
- Anne-Marie Dubler: Chiuterf. In: Historisches Lexikon vo dr Schwiiz.