Zauggeried
Zauggeried (amtlech Zauggenried) isch es Dorf un en ehmalegi politeschi Gmeind im Verwautigschreis Bärn-Mittuland vom Kanton Bärn ir Schwyz.
| Zauggenried | |
|---|---|
 | |
| Basisdatä | |
| Staat: | Schwiiz |
| Kanton: | Bärn (BE) |
| Verwautigschreis: | Bärn-Mittuland |
| Gmeind | Froubrunne |
| PLZ | 3309 |
| Koordinate: | / 21356547° 4′ 23″ N, 7° 32′ 26″ O; CH1903: 607742 / 213565 |
| Höchi: | 500 m ü. M. |
| Flächi: | 3,7 km² |
| Iiwohner: | 313 (31. Dezember 2013)[1] |
| Charte | |
 | |
Geografi
Zauggeried ligt uf ere Terrasse über em Urtenetau. Di ehmalig Gmeindsflächi het us 69,1 % langwirtschaftlecher Flächi, 24,3 % Waud, 5,7 % Sidligsflächi u 0,8 % süschtigi Flächi bstange.[2] D Nachburgmeinde si Froubrunne, Chäärneried, Matstette, Iegischtoorf, Münchringe u Graferied gsi.
Gschicht
Zauggeried isch zum erschte Mal gnennt worde im Jahr 894 aus ad Riete (1261–63 Reide, 1336 ze dem enren Riede, 1380 Zouggenried). Bis zum 31. Dezämber 2009 het d Gmeind zum Bezirk Froubrunne ghört. Uf en 1. Jänner 2014 het si mit de Gmeinde Büüre, Etzukofe, Froubrunne, Graferied, Limpech, Möuchi u Schaluune zur Gmeind Froubrunne fusioniert.
Ywohner
Quäuue: Bundesamt für Statistik 2005[3]
| Jahr | 1850 | 1860 | 1870 | 1880 | 1888 | 1900 | 1910 | 1920 | 1930 |
| Ywohner | 377 | 355 | 333 | 349 | 327 | 355 | 323 | 331 | 319 |
| Jahr | 1941 | 1950 | 1960 | 1970 | 1980 | 1990 | 2000 | 2010 | 2013 |
| Ywohner | 334 | 329 | 360 | 339 | 288 | 293 | 301 | 317 | 313 |
Dr Uusländeraateil isch 2010 bi 2,8 % gläge.[2]
Religion
89 % vo de Ywohner si evangelisch-reformiert, 3,7 % si römisch-katholisch (Stang 2000).[2]
Politik
Bi de Nationauraatswahle 2011 het s das Ergebnis ggää:[2] BDP 32,5 %, CVP 0,4 %, EVP 2,1 %, FDP 2,4 %. GLP 5,8 %, GP 11,5 %, SP 11,3 %, SVP 30,6 %, Suschtigi 3,4 %.
Gmeindspresidänt vo Zauggeried isch dr Urs Schär gsi (Stang 2013).
Wirtschaft
D Arbetslosigkeit isch im Jahr 2011 bi 1,2 % gläge.[2]
Sprach u Dialäkt
Bir Vouchszeuuig 2000 hei vo de 301 Ywohner 99 % Dütsch aus Houptsprach aaggää u 0,3 % Französisch.[2]
Dr Dialäkt vo Zauggeried ghört zum Hochalemannisch.
Weblink
Commons: Zauggenried – Sammlig vo Multimediadateie- Zauggeried uf fraubrunnen.ch
- Anne-Marie Dubler: Zauggeried. In: Historisches Lexikon vo dr Schwiiz.
