Chiuchetuurne
Chiuchetuurne (amtlech Kirchenthurnen, bis 1860 Thurnen) isch es Dorf i de Iiwohnergmeind Tuurne vom Kanton Bärn.
| Kirchenthurnen | |
|---|---|
 | |
| Basisdatä | |
| Staat: | Schwiiz |
| Kanton: | Bärn (BE) |
| Verwautigschreis: | Bärn-Mittuland |
| Gmeind | Tuurne |
| PLZ | 3128 |
| Koordinate: | / 18580046° 49′ 24″ N, 7° 30′ 6″ O; CH1903: 604810 / 185800 |
| Höchi: | 612 m ü. M. |
| Flächi: | 1,3 km² |
| Iiwohner: | 273 (31. Dezember 2017)[1] |
_186.jpg) Chiuchetuurne | |
| Charte | |
 | |
Geografi
Chiuchetuurne ligt im Gürbetau am Oschthang vom Längeberg. D Flächi vor ehmolige Gmeind hed us 77,8 % langwirtschaftlecher Flächi, 9,5 % Waud, 11,9 % Sidligsflächi u 0,8 % süschtigi Flächi bstange.[2] D Nachbergmeinde si Rümlige, Gäuterfinge, Mülidorf, Mületurne u Riggisbäärg gsii.
Gschicht
Chiuchetuurne isch zum erschte Mal gnennt worde im Jahr 1201 aus Thornon (1228 aus Tornes, 1262 Turindon, 1318 Turnden, 1323 Turndon, 1349 Kirchturnden, 1361 Thurondeon, 1373 Kirchturndon).
Bis zum 31. Dezämber 2009 het d Gmeind zum Bezirk Seftige ghört. Uf en 1. Jänner 2020 het si zäme mit Mületurne u Looschterf zu Tuurne fusioniert.
Ywohner
Quäuue: Bundesamt für Statistik 2005[3]
| Jahr | 1850 | 1860 | 1870 | 1880 | 1888 | 1900 | 1910 | 1920 |
| Ywohner | 284 | 292 | 293 | 306 | 286 | 277 | 209 | 211 |
| Jahr | 1930 | 1941 | 1950 | 1960 | 1970 | 1980 | 1990 | 2000 |
| Ywohner | 206 | 198 | 199 | 215 | 375 | 328 | 310 | 292 |
Dr Uusländeraateil isch 2010 bi 3,3 % gläge.[2]
Religion
89,7 % vo de Ywohner si evangelisch-reformiert, 4,1 % si römisch-katholisch (Stang 2000).[2]
Politik
Bi de Nationauraatswahle 2011 het s das Ergebnis ggää:[2] BDP 20,0 %, CVP 0,6 %, EVP 5,7 %, FDP 6,7 %, GLP 1,1 %, GP 4,4 %, SP 8,3 %, SVP 35,6 %, Suschtigi 17,6 %.
Di letschti Gmeindspresidänti vo Chiuchetuurne isch d Barbara Zürcher gsii.
Wirtschaft
D Arbetslosigkeit isch im Jahr 2011 bi 2,2 % gläge.[2]
Sprach u Dialäkt
Bir Vouchszeuuig 2000 hei vo de 292 Ywohner 97,3 % Dütsch aus Houptsprach aaggää un 1 % Französisch.[2]
Dr Dialäkt vo Chiuchetuurne ghört zum Hochalemannisch.
Biuder
di reformierti Chiuche 
s Pfarrhuus
Weblink
Commons: Kirchenthurnen – Sammlig vo Multimediadateie- Anne-Marie Dubler: Chiuchetuurne. In: Historisches Lexikon vo dr Schwiiz.
