Lingech
Lingech (amtlech Kirchlindach)[2] isch e politischi Gmeind im Verwautigschreis Bärn-Mittuland im Kanton Bärn, Schwyz.
| Lingech Kirchlindach | |
|---|---|
 Kirchlindach | |
| Basisdate | |
| Staat: | Schwiiz |
| Kanton: | Bärn (BE) |
| Verwautigschreis: | Bärn-Mittuland |
| BFS-Nr.: | 0354 |
| Poschtleitzahl: | 3038 Kirchlindach 3037 Herrenschwanden |
| Koordinate: | / 20543947° 0′ 0″ N, 7° 24′ 40″ O; CH1903: 597907 / 205439 |
| Höchi: | 595 m ü. M. |
| Flächi: | 11,9 km² |
| Iiwohner: | 3216 (31. Dezämber 2022)[1] |
| Website: | www.kirchlindach.ch |
 Lingech vo Süde | |
| Charte | |
 Kirchlindach | |
Geografi
Lingech ligt am rächte Stade vor Aare ir Agglomeration Bärn. D Gmeindsflächi bsteit us 67,8 % langwirtschaftlecher Flächi, 23,3 % Waud, 8,1 % Sidligsflächi u 0,8 % süschtigi Flächi.[3] D Nachbergmeinde si Schüpfe, Münchebuchsi, Zollikofe, Bremgarte, Bärn, Wole u Meikirch.
Gschicht
Lingech isch zum erschte Mal gnennt worde im Jahr 1185 aus Lindenacho,[4] dr Ortsteil Herreschwange (Herrenschwanden) 1303 aus Herunswandon. D Gmeind isch 1917 mit ere Postouto-Linie vo Säriswiu här über d Aare uf Bärn übere erschlosse worde.[5] Bis zum 31. Dezämber 2009 het d Gmeind zum Bezirk Bärn ghört.
Ywohner
Quäuue: Bundesamt für Statistik 2005[6]
| Jahr | 1850 | 1860 | 1870 | 1880 | 1888 | 1900 | 1910 | 1920 |
| Ywohner | 1002 | 1024 | 1097 | 1174 | 1085 | 1133 | 1035 | 1131 |
| Jahr | 1930 | 1941 | 1950 | 1960 | 1970 | 1980 | 1990 | 2000 |
| Ywohner | 1076 | 1077 | 1130 | 1307 | 1704 | 2273 | 2628 | 2736 |
Dr Uusländeraateil isch 2010 bi 5,9 % gläge.[3]
Religion
68,5 % vo de Ywohner si evangelisch-reformiert, 15,1 % si römisch-katholisch (Stang 2000).[3]
Politik
Bi de Nationauraatswahle 2011 het s das Ergebnis ggää:[3] BDP 14,2 %, CVP 3,5 %, EVP 2,8 %, FDP 13,1 %, GLP 6,0 %, GP 11,3 %, SP 18,8 %, SVP 25,5 %, Suschtigi 4,8 %.
Gmeindspresidänt vo Lingech isch sit em Ougschte 2012 de Werner Walther (Stang 2019).[7]
Wirtschaft
D Arbetslosigkeit isch im Jahr 2011 bi 1,7 % gläge.[3]
Sprach u Dialäkt
Bir Vouchszeuuig 2000 hei vo de 2736 Ywohner 92,8 % Dütsch aus Houptsprach aaggää, 2,2 % Französisch u 0,7 % Italienisch.[3]
Dr Dialäkt vo Lingech ghört zum Hochalemannisch.
Biuder
di reformierti Chiuche 
d Halebrügg 
Hale 
Thalmatt
Literatur
- Einwohnergemeinde Kirchlindach (Hrsg.): Lindenach 1185, Kirchlindach 1985: Festschrift von Georges Grosjean. Einwohnergemeinde, Kirchlindach 1985 (ohne ISBN).
- Einwohnergemeinde Kirchlindach (Hrsg.): Die Gemeinde Kirchlindach. Einwohnergemeinde, Kirchlindach 1979 (ohne ISBN).
- Hansjürg Schneeberger, Anne-Marie Biland (Redaktion): Bauinventar der Gemeinde Kirchlindach. Hrsg.: Einwohnergemeinde Kirchlindach, Denkmalpflege Kanton Bern. Einwohnergemeinde Kirchlindach / Denkmalpflege des Kantons Bern, Kirchlindach / Bern 2003 (ohne ISBN).
- Verena Stähli-Lüthi: Die Kirche von Kirchlindach mit ihren Wandmalereien. Hrsg.: Reformierte Kirchgemeinde Kirchlindach. Reformierte Kirchgemeinde, Kirchlindach 1985 (ohne ISBN).
- Peter Eggenberger und Werner Stöckli: Kirchlindach Reformierte Pfarrkirche, Staatlicher Lehrmittelverlag Bern 1983
- Massimiliano Massaro: Die Orts- und Flurnamen der Gemeinde Kirchlindach. Lizentiatsarbeit bei P. Glatthard, Sommersemester 1997
Weblink
Commons: Kirchlindach – Sammlig vo Multimediadateie- www.kirchlindach.ch
- Anne-Marie Dubler: Kirchlindach. In: Historisches Lexikon vo dr Schwiiz.
- Anne-Marie Dubler: Herrenschwanden. In: Historisches Lexikon vo dr Schwiiz.
