Justin Bieber

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Justin Bieber
Justin Bieber
Información personal
Nombre	Justin Drew Bieber
Embotada
Naixió	1 de marzo de 1994
Murió
Información musical
Orichen	London Ontario,
Estilo	Musica pop, R&B, teen pop
Ocupancia	{{{Ocupancia}}}
Instrumentos	Voz, batería, piano, guitarra y trompeta
Tiempo	2009-...
Discograficas	Island Records
Relacionau con	{{{Artistas_relacionaus}}}
Pachina web

Justin Drew Bieber^[1] (pronunciato en anglés /ˈbiːbər/, naixito l'1 de marzo de 1994)^[2] ye un cantaire de pop y R&B, cantautor y actor canadiense.^[3][4] Bieber fue descubierto en 2008 por Scooter Braun,^[5] qui trobó os vidios de Bieber en YouTube y que dimpués sería o suyo manager. Braun organizó una trobada con Usher en Atlanta, Cheorchia, y poquet dimpués Bieber sinyó un contracto con Raymond Braun Media Group (RBMG), a una companyía discografica propiedat de Braun y Usher,^[6] ta gravar un disco con Island Records chunto a o productor L.A. Reid.^[7]

O single de debut de Bieber, "One Time", amaneixió en 2009, plegando a escape a o numero 1 d'o top ten de Canadá dentrando tamién en o top trenta en cuantos mercaus internacionals. O suyo álbum debut, My World, sale en noviembre de 2009, y obtiene a certificación de disco de platín en os Estaus Unius. Justin se converte en o primer artista en tener siet cancions d'un álbum debut en o Hot 100 de Billboard.^[8] O primer álbum gravato de tot en un estudio de Bieber, My World 2.0, amaneixe en marzo de 2010 y debuta en o numero 1 y en o top ten d'as listas d'exitos de cuantos países, obteniendo tamién a certificación de disco de platín en os Estaus Unius. Amás o disco veniba precedito ya por o single "Baby", top ten a ran mundial. O vidioclip d'a canción "Baby" ye en l'actualidat o vidio mas visto y discutito de YouTube.^[9] Chusto dimpués d'o lanzamiento d'o suyo álbum d'estudio debut, Bieber prencipió a fer una chira mundial, My World Tour, quitó dos álbums de remixes My Worlds Acoustic y Never Say Never – The Remixes, y un DVD en 3D Justin Bieber: Never Say Never. O segundo álbum d'estudio de Bieber, Under the Mistletoe, amaneixe en noviembre de 2011, dentrando dreitament a o numero 1 d'a lista Billboard 200.

Bieber ha estau nominado y premiato en numerosas galas, estando entre atros premios nombrato Artista de l'Anyo en os American Music Awards 2010, y nominato como "Millor Artista Debutant" y "Millor Álbum Vocal" en a 53^ena edicion d'os Grammy. Bieber ye considerato un idolo adolescent.

Marica