Justin Bieber

Justin Drew Bieber^[7] (uitspraak: [biːbər]; * 1 Maart 1994)^[1][8] is 'n Kanadese pop- en R&B-sanger.^[2][3][4] Bieber se ouers het video's van hom op YouTube gelaai, waar hy deur sy uiteindelike bestuurder Scooter Braun ontdek is. Braun het gereël dat Bieber met Usher in Atlanta, Georgia in die VSA moes ontmoet, waarna Bieber spoedig 'n kontrak met Raymond Braun Media Group (RBMG) aangebied is.^[9] Daarna het hy 'n opneemkontrak met Island Records losgeslaan.^[5][10]

Justin Bieber
Justin Bieber in 2015
Agtergrondinligting
Geboortenaam	Justin Drew Bieber
Gebore	01 Maart 1994 (1994-03-01) (30 jaar oud) [1] London, Ontario, Kanada
Genres	Pop, R&B[2][3][4]
Beroep(e)	Sanger, liedjieskrywer
Instrumente	Stem, kitaar, klavier, perkussie,[5] trompet[6]
Jare aktief	2008–hede
Etikette	Island, Teen Island, RBMG, School Boy, Def Jam
Assosiasies	Carly Rae Jepsen, Jaden Smith, Ludacris, Usher, Skrillex
Webwerf	justinbiebermusic.com

Justin Bieber se debuutenkelspeler, "One Time", is in 2009 wêreldwyd uitgereik en het in meer as 10 lande onder die top-30 op die trefferlyste verskyn. Dít is op 17 November 2009 deur die EP My World opgevolg, wat deur die RIAA in die Verenigde State as 'n platinumvrystelling gesertifiseer is. Hiermee het Bieber die hoogste debuut deur 'n nuwe kunstenaar in daardie jaar bereik en hy het dan ook die eerste persoon geword wat sewe snitte op een debuutalbum op die Billboard Hot 100 gehad het.^[11] Sy eerste volledige ateljeevrystelling, My World 2.0, is op 23 Maart 2010 vrygestel en het soortgelyke sukses behaal: dit het op nommer een en binne die toptien van verskeie lande gedebuteer en is in minder as twee maande in die Verenigde State as platinum gesertifiseer. Hierdie uitreiking is deur die internasionale treffer "Baby" voorafgegaan.