Territorio Britanico d'Ultramar

Se diz Territorio Britanico d'Ultramar (British Overseas Territory, en anglés) a la circumscripción controlata y baixo sobiranía d'o Reino Uniu. Manimenos, istos territorios no fan parti d'o Reino Uniu como lo puet fer Gran Bretanya u Irlanda d'o Norte.

Cal distingir istos territorios d'as dependencias d'a Corona —Islas d'a Canal (Jèrri i Guernési) y Isla de Man—, que tienen un estatus diferent respeto a o Reino Uniu. Tampoco no s'han de confundir con os reinos d'a Commonwealth.

Hue en día os territorios dependients no son administratos dreitament por o Reino Uniu, sino que tienen o suyo propio gubierno que los administra, y o Reino Unit s'encarga d'a suya protección, d'as relacions exteriors y afers de negocios.

Istos territoris no tienen representación dreita en o Parlamento britanico y han estato refusatas propuestas ta encluyir-los como parti d'o Reino Uniu.

A reina Isabel II ye reina d'istos territorios, como reina d'o Reino Uniu, a diferencia d'en os reinos d'a Commonwealth a on ye reina d'ixos mesmos países (ye a reina, por eixemplo, de Canadá u d'Australia).

Cada territorio tien un gubernador trigato por o monarca d'o Reino Uniu, que treballa como representant d'o Gubierno de Su Machestat. Os gubernadors s'encargan y tienen o poder d'a seguridat en o territorio y d'a representación entre o territorio y o Gubierno Britanico; tamién disuelven a lechislatura y actuan ta fer cumplir as leis, pendendo d'o ran de poder gosan estar mas simbolicos u tienen mayor relevancia. Toz os gubernadors proceden por un regular d'o Regne Unit.

Territorio	Ubicación	Islas	Población	Capital	Reclamato por
Anguila	Caribe	Anguila, Anguillita, Dog, Little Scrub, Prickly Pear, Sandy, Seal y Sombrero	12.800 hab. (2002)	The Valley	-
Islas Bermudas	America d'o Norte, en l'Oceano Atlantico	Mas de 150 islas, as mas importants son Main Bermuda u Gran Bermuda, Somerset, Ireland, Saint George, Saint Davids y Boaz	64.482 hab. (2003)	Hamilton	-
Islas Cheorchias d'o Sud y Sandwich d'o Sud	Oceano Atlantico Sud	Islas Cheorchias d'o Sud y Sandwich d'o Sud	100 hab. (2003)	Grytviken	Archentina
Islas Caimán	Norueste de Chamaica, entre a isla de Cuba y a costa d'Honduras, en auguas d'a Mar Caribe	Mas que mas tres islas: Grand Caiman, Caiman Brac y Little Caiman	44.270 hab. (2005)	George Town	-
Islas Malvinas	Oceano Atlantico Sud	Mas de 200 islas, as islas mas importants son: Gran Malvina y Soledad	2.967 hab. (2005)	Port Stanley	Archentina
Islas Pitcairn	Oceano Pacifico, en a Polinesia	Pitcairn, Sandy, Oeno, Henderson y Ducie)	48 hab. (2003)	Adamstown (Islas Pitcairn)	-
Islas Turcas y Caicos	A o norte d'a Isla Hispaniola, a on se troba Haití y a Republica Dominicana, en auguas d'a mar Caribe	Islas Caicos (Caicos Central, Caicos d'o Norte, Caicos Meridional y Oriental, Providencials y Caicos Occidental) y Turcas (Cayo Sal y Isla Gran Turca)	19.500 hab. (2003)	Cockburn Town	-
Islas Vírchens Britanicas	Canal de Francis Drake, a l'este de Puerto Rico, en auguas d'a Mar Caribe	Mas de 50 islas	21.730 hab. (2002)	Road Town	-
Chibraltar	En o Penyón de Chibraltar, a o sud d'a Peninsula Iberica.	-	27.776 hab. (2005)	Chibraltar	Espanya
Isla de Montserrat	Sudeste d'a isla de Puerto Rico, en auguas d'a Mar Caribe		9.245 hab. (2004)	Plymouth	-
Santa Helena	Oceano Atlantico a mas de 2.800 km de distancia d'a costa occidental d'Angola, en Africa	Mas de 30 islas. As mas importants son: Ascensión y Tristan da Cunha	7.367 hab. (2003)	Jamestown	-
Territorio Antarctico Britanico	Abarca todas as tierras a o sud d'o paralelo 60° S, entre o meridiano 20° O y 80° O. As reclama o Reino Uniu pero actualment son baixo a churisdicción d'as Nacions Unidas		200 militars y civils (2005)	-	Archentina y Chile
Territorio Britanico de l'Oceano Indico	Oceano Indico, a metat de camín entre Africa y Indonesia, alto u baixo a las coordenatas 6°S, 71°30'E.	60	3.500 hab. y militars (2005)	Diego García	Mauricio y Seychelles