Farer adaları milli futbol komandası

1990-cı illər

Farer adaları millisi ilk oyununu 1930-cu ildə keçirmişdir. Amma komandanın 1988-ci ildən başlayaraq keçirdiyi oyunlar rəsmi oyunlar hesab edilir. Həmin il Farer Adaları Futbol Federasiyası FİFA-ya üzv qəbul olunmuşdur (UEFA-ya isə federasiya 1990-cı ildə üzv qəbul edilmişdir). Farer adalarının faktiki müstəqil dövlət statusuna malik olmamasına baxmayaraq (Danimarkanın tərkibində geniş muxtariyyata malikdir), milli yığmaya beynəlxalq yarışlarda iştirak etməyə icazə verilir. Farer adaları millisinin nailiyyətləri arasında 1989 və 1991-ci illərdə keçirilən Ada Oyunları turnirində iki qələbə var. Bu turnirdə böyük dövlətlərin ada hissələrini təmsil edən millilər çıxış edirlər (məsələn, Cəbəllütariq, Rodos, Şetland adaları).

Amma komandanın triumfu UEFA Avro 1992-nin seçmə mərhələsi çərçivəsində 12 sentyabr 1990-cı ildə oynadığı debüt oyununda Avstriya millisinə 1:0 hesabı ilə qalib gəlməsi hesab olunur. Bu tarixi oyun neytral meydanda — İsveçin Landskruna şəhərinin stadionunda oynanılmışdır. Oyunda yeganə qolu "SUyf Sandavavur" klubunun yarımmüdafiəçisi, əsas işi odun satıcılığı olan Torkil Nilsen vurmuşdur.

FİFA Dünya Kuboku 2002

Farer adaları millisi FİFA Dünya Kuboku 2002-nin seçmə mərhələsində də müəyyən uğurlar qazanmışdır. Seçmə mərhələnin Sloveniya millisinə qarşı keçirdiyi ilk oyununda komanda final fitinə bir neçə dəqiqə qalmış 0:2 uduzmasına baxmayaraq hesabı bərabərləşdirə bilmişdir. Baş məşqçi Allan Simonsen oyunçuların sona qədər mübarizə apardıqlarını və təslim olmadıqlarını bəyan etmişdir. Komanda bu seçmə mərhələnin öz doğma meydanında keçirdiyi digər bir oyununda, bərbad hava şəraitinə baxmayaraq Lüksemburq millisinə qalib gələrək hesabına 3 xal yazdırmışdır. Səfərdə Rusiya millisinə qarşı oynadığı oyunda isə komanda minimal hesabla — 0:1 məğlub olmuşdur. Bu oyunda Rusiya millisinin oyunçularınin vurduqları toplar dörd dəfə qapı dirəyinə dəymişdir.

FİFA Dünya Kuboku 2010

FİFA Dünya Kuboku 2010-un seçmə mərhələsində Farer adaları komandası rəqiblərinə xeyli problem yarada bilmişdir. Nəticədə qrupda 6-cı yer tutmasına və toplamda qapısından 20 top buraxmasına baxmayaraq, komanda Litva millisini 2:1 hesabı ilə məğlub etmiş, Avstriya millisi ilə 1:1 oynamışdır. Hər iki rəqibin Farer adaları ilə oyunda itirdikləri bu xallar onların növbəti mərhələyə çıxma imkanlarını əllərindən almışdır. Məğlub olduğu 8 oyundan 6-da Farer adaları komandası ən çox 2 top buraxmışdır.

UEFA Avro 2012

Farer adaları millisinin UEFA Avro 2012-nin seçmə mərhələsindəki iştirakını da birmənalı qiymətləndirmək mümkün deyil: komanda bir tərəfdən böyük hesablı, amma həm də artıq vərdiş etdiyi məğlubiyyətlərə uğramışdır (İtaliya millisinə 0:5, Sloveniya millisinə 1:5, Serbiya millisinə 0:3 uduzmuşdur). Digər tərəfdən komanda Şimali İrlandiya millisi ilə 1:1 oynayaraq hesabına 1 xal yazdıra bilmişdir. Estoniya millisi ilə Tallində keçirilən oyunda isə Farer adaları millisi 28-ci dəqiqədə hesabı açaraq son dəqiqələrə qədər hesabda irəlidə olsa da, əlavə olunmuş vaxtda Keymar Saaqın vurduğu iki qol estonlara qələbə qazandırmışdır. Amma cavab oyununda Farer adaları millisi 2:0 hesablı qələbə qazanmaqla Tallindəki oyunun revanşını almışlar.

UEFA Avro 2016

UEFA Avro 2016-nın seçmə mərhələsində Farer adaları millisi iki dəfə Yunanıstan millisini məğlub etməklə sensasiyaya imza atmışdır. 14 noyabr 2014-cü ildə Yunanıstanda keçirilən oyunu Farer adaları millisi Yohan Edmundssonun vurduğu qolla 1:0 qazanmışdır.^[4][5]. Nəticə doğrudan da tarixi bir nəticə idi: FİFA reytinqində millilər arasındakı yer fərqi 169 idi, bununla belə yunanlar hər iki oyunu uduzmuşdular^[6]. 13 iyun 2015-ci ildə keçirilən oyunda Farer adaları millisi 2:1 hesablı qələbə qazanmış^[7][8], nəticədə qrupda 5-ci yeri tutmuşdur.

FİFA Dünya Kuboku 2018

Farer adaları yığmasının keçirdiyi ən uğurlu FİFA dünya kuboku seçmə mərhələsi 2018-in seçmə mərhələsi olmuşdur. Bu mərhələdə komanda Latviya və Andorra millilərini qabaqlayıb Portuqaliya, İsveçrə və Macarıstan millilərini özündən önə buraxmaqla ilk dəfə çıxış etdiyi qrupda dördüncü yer tutmuşdur.

FİFA Dünya Kuboku

• 1994, 1998, 2002 , 2006, 2010, 2014, 2018 — təsnifat mərhələsindən keçməmişdir

UEFA Avropa Çempionatı

• 1992, 1996, 2000, 2004, 2008, 2012, 2016 — təsnifat mərhələsindən keçməmişdir

• 1988—1993 — Potl Qudlauqsson
• 1994—2001 — Allan Simonsen
• 2002—2005 — Xenrik Larsen
• 2006—2009 — Yeqvan-Martin Olsen
• 2009—2011 — Brayan Kerr
• 2011—h.h. — Lars Olsen

Ev forması

1990

2006–2007

2008–2009

2010–2011

2011–2012

2012–2014

2014–h.h.

Səfər forması

2006–2007

2008–2009

2010–2011

2011–2012

2012–2014

2014–h.h.

Ada əhalisinin az olmasına baxmayaraq Farer adaları millisi kifayət qədər güclü azarkeş dəstəyinə malikdir. Millinin öz himni də var: 1990-cı ildə komanda sensasiyaya imza ataraq Avstriya millisinə qalib gələndən sonra Terye Rasmussenin "Hvít sum kavi, blátt sum havi" (far. Qar kimi ağ, dəniz kimi mavi) mahnısı azarkeşlər arasında məşhurluq qazandı. Bu mahnı faktiki olaraq Farer adaları millisinin fanatlarının və oyunçularının himnidir.^[9]. Məşhurluğuna görə ikinci yerdə duran mahnı isə Heri Nolsyo və Yoqvan Olsenin birlikdə yazdıqları "Reytt og blátt og hvítt" (far. Qırmızı-mavi-ağ) mahnısıdır^[10].

Aşağıdakı oyunçular baş məşqçi Lars Olsen tərəfindən 5 sentyabr 2019-cu ildə UEFA Avro 2020 seçmə mərhələsinin F qrupunda İsveç millisinə və 8 sentyabr 2019-cu ildə İspaniya millisinə qarşı keçirilən oyunda komandanın heyətinə daxil edilən oyunçulardır.

Oyunlar və qollar haqqında məlumatlar 8 sentyabr 2018-ci ildə yenilənmişdir:

№	Mövqe	Oyunçu	Doğum tarixi / yaşı	Oyunlar	Qollar	Klub
	1GK	Qunnar Nilsen	7.10.1986	56	0	Xabnarfyordör
	1GK	Teytur Qestsson	19.8.1992	6	0	XB Torshavn
	1GK	Kristian Yoensen	22.12.1992	0	0	Kİ Klaksvik
	2DF	Atli Qreqersen	15.6.1982	55	1	Vikinqur Qota
	2DF	Reqvi Baldvinsson	6.12.1989	41	3	Brüne
	2DF	Vilyormur Davidsen	19.7.1991	35	1	Vayle
	2DF	Odmar Faere	1.11.1989	28	0	Xam-Kam
	2DF	Xeyni Vatnsdal	18.10.1991	15	0	Fremad Amager
	2DF	Xerdur Askxam	22.9.1994	1	0	XB Torshavn
	2DF	Maqnus Egilsson	19.3.1994	1	0	XB Torshavn
	2DF	Andrias Eriksen	22.2.1994	1	0	B-36
	3MF	Xallur Xansson	8.7.1992	45	5	Xorsens
	3MF	Gilli Rolantsson	11.8.1992	33	1	Brann
	3MF	Selvi Vatnxamar	5.5.1986	33	1	Vikinqur Qota
	3MF	Brandur Olsen	15.12.1995	28	3	Xabnarfyordör
	3MF	Rene Yunsen	8.2.1993	26	3	XB Torshavn
	3MF	Kay-Leo uy Bartalsstovu	23.6.1991	25	1	Valyur
	3MF	Orni Frederiksberq	13.6.1992	8	0	NSİ
	3MF	Patrik Yoxannesen	7.9.1995	5	0	Ki Klaksvik
	3MF	Yoannes Byartaluyd	10.7.1996	2	0	Kİ Klaksvik
	3MF	Yokup Andreasen	31.5.1998	0	0	Kİ Klaksvik
	4FW	Yohan Suymun Edmundssen	26.7.1991	54	7	Arminiya Bilefeld
	4FW	Klemint Olsen	17.7.1990	24	1	NSİ
	4FW	Meynhard Olsen	10.4.1997	2	0	Kristiansunn

• Farer adaları Futbol Assosiasiyasının rəsmi saytı (far.)
• Lüksemburq millisinin 1988-ci ildən başlayaraq keçirdiyi bütün oyunların icmalı (rus.)
• Farer adaları millisinin oyunlarının nəticələri (ing.)
• FİFA saytında Farer adaları millisi haqqında məlumat Arxivləşdirilib 2018-11-07 at the Wayback Machine (ing.)
• UEFA saytına Farer adaları millisi haqqında məlumat