Акра

Акра
	Сцяг
Краіна	Гана
Каардынаты	5°33′ пн. ш. 0°13′ з. д.HGЯO
Першая згадка	XV стагоддзе
Плошча	185 км²
Вышыня цэнтра	61 м
Водныя аб’екты	Гвінейскі заліў
Насельніцтва	2 096 653 чалавек (2007)
Часавы пояс	UTC+0 і ECG
Тэлефонны код	0302, 0302
Афіцыйны сайт	ama.ghanadistricts.gov.gh (англ.)
	Медыяфайлы на Вікісховішчы

А́кра (па-англійску: Accra) — сталіца з 1957^[2] года і самы вялікі горад Ганы, размешчаны на ўзбярэжжы Гвінейскага заліва Атлантычнага акіяна, галоўны порт краіны, сталіца сталічнай акругі. Слова «акра» паходзіць ад Nkran — мурашы. Колькасць жыхароў складае каля 2 млн чалавек.

Насельніцтва горада складаецца ў асноўным з прадстаўнікоў племені га. Каля 15 % насельніцтва — мусульмане. Сучасная Акра — адзін з самых багатых і сучасных гарадоў Афрыкі, з адным з самых высокіх узроўняў жыцця на кантыненце.

Гісторыя

Горад заснаваны ў XVI стагоддзі. Да канца XIX стагоддзя з’яўляўся цэнтрам бойкага гандлю рабамі, золатам і пальмавым алеем. У 1876—1957 гг. Акра была рэзідэнцыяй каланіяльных улад Залатога Берага^[2].

Геаграфія

Акра знаходзіцца на поўдні Ганы, займае частку раўніны, пакрытай саваннай. Клімат у горадзе экватарыяльны. Тэмпература паветра вагаецца ад +23 °C да +32 °C. На клімат уплываюць Атлантычны акіян і буйная рака Вольта.

Эканоміка і культура

Горад з’яўляецца культурным, навуковым, гаспадарчым цэнтрам краіны. Тут знаходзіцца міжнародны аэрапорт, і ўніверсітэт Ганы, Акадэмія мастацтваў, заснаваны ў 1957 годзе Нацыянальны музей^[2].

У горадзе захаваліся галандскі, дацкі (Крысціянсберг) і англійскі фарты^[2].