ФК Пары Сен-Жэрмен

Першыя гады

Крызіс сталічнага футбола ў Францыі прывёў гарадскія ўлады і шэраг уплывовых энтузіястаў да думкі аб стварэнні новага футбольнага клуба ў Парыжы, на змену некалі прыстойным камандам «Расінг» і «Стад Франсэ». Лёсавызначальнае рашэнне было прынята 20 мая 1970 года, і ўжо 12 жніўня таго ж года адбылося зліццё адмыслова створанага клуба «Парыж» з камандай «Стад Сен-Жэрмен» (фр.: Stade Saint-Germain) з прыгараду Парыжа. «Стад Сен-Жэрмен», які існаваў аж з 1904 года, у той год выйшаў з трэцяга французскага дывізіёна ў другі. Новы футбольны клуб «Пары Сен-Жэрмен» узначалілі Гі Крэсан і П’ер-Эцьен Гюё. Па выніках сезона 1970/71 ПСЖ з першай жа спробы выйшаў у вышэйшы дывізіён разам з «Манака» і «Лілем». Аднак справы ў эліце ў «Пары Сен-Жэрмен» пайшлі не зусім удала. У сезоне 1971/72 клуб заняў 16 месца, прычым да канца сезона рушыла ўслед фінансавы крызіс і звязаныя з ёй рознагалоссі ў кіраўніцтве, якія прывялі да хуткага падзелу клуба на «Парыж» і «Пары Сен-Жэрмен». Вось толькі «Парыж» застаўся ў вышэйшым дывізіёне, а ПСЖ стаў аматарскай камандай, і быў адпраўлены назад у трэці дывізіён. Ізноў клуб адразу падняўся вышэй, а ў наступным сезоне 1973/74 дайшоў да 1/4 фіналу Кубка Францыі, паралельна выканаўшы асноўную задачу: «ПСЖ» вярнуўся ў эліту і больш яе ніколі не пакідае. Хоць у далейшым тройчы паўставала сітуацыя пагрозы вылету.

1974—1978

Клуб паступова набіраў магутнасць. Аднак правальваліся спробы па запрашэнні вядомых футбалістаў. Так знакаміты Пеле не гарэў жаданнем гуляць за еўрапейскі клуб, «Барселона» не адпусціла ў Парыж Ёхана Кройфа, а асабісты фінансавы апетыт Франца Бекенбаўэра астудзіў цікавасць да яго з боку парыжскага кіраўніцтва. Перыяд запомніўся з’яўленнем у камандзе шэрагу па-сапраўднаму гістарычных для клуба ігракоў. У 1974 годзе з «Седана» быў набыты алжырац Мустафа Далеб, які правёў у клубе наступныя дзесяць гадоў, і такім жа стажам з ім можа пацягацца толькі дамарослы ігрок Эрык Рэно. З 1975 года на поле з’яўляецца выхаванец клуба, абаронца Жан-Марк Піларжэ, чый лёс будзе звязаны з роднай камандай рэкордныя чатырнацаць гадоў — да 1989 года. Ветэран «Бенфікі» партугалец Умберту Каэлью правёў у складзе парыжанаў два сезоны, пакуль яго не змяніў у 1977 годзе такі ж вопытны ігрок апорнай зоны «Сент-Эцьена» Жан-Мішэль Лярке. Тады ж, у 1977 годзе, з «Рэймса» быў набыты аргенцінскі нападаючы Карлас Арманда Б’янкі. Паўфінал Кубка Францыі 1975 парыжане прайгралі. Нічога больш прыкметнага ў плане спартыўных дасягненняў з імі на той момант не здарылася. Скандал з падвойнымі квіткамі на стадыён сканчаецца пакараннем у двухгадовую забарону на ўдзел у еўрапейскіх кубкавых турнірах, і вымушанай зменай уладальніка прэзідэнцкага крэсла. Даніэль Эштэр сышоў у адстаўку, і са студзеня 1978 года «Пары Сен-Жэрмен» на цэлых 13 гадоў узначаліў Франсіс Барэлі.

• Чэмпіён Францыі: 11
  • 1956, 1994, 2013, 2014, 2015, 2016, 2018, 2019, 2020, 2022, 2023
• Уладальнік Кубка Францыі: 14
  • 1982, 1983, 1993, 1995, 1998, 2004, 2006, 2010, 2015, 2016, 2017, 2018, 2020, 2021
• Уладальнік Кубка французскай лігі: 9
  • 1995, 1998, 2008, 2014, 2015, 2016, 2017, 2018, 2020
• Уладальнік Суперкубка Францыі: 11
  • 1995, 1998, 2013, 2014, 2015, 2016, 2017, 2018, 2019, 2020, 2022
• Уладальнік Кубка ўладальнікаў Кубкаў: 1
  • 1996
• Уладальнік Кубка Інтэртота: 1
  • 2002

Станам на люты 2024 года.

№ Паз. Імя Нар. 1 Бр Кейлар Навас 1986 2 Аб Ашраф Хакімі 1998 3 Аб Прэснель Кімпембэ 1995 4 ПА Мануэль Угартэ 2001 5 Аб Маркіньюс (капітан) 1994 7 Нап Кіліян Мбапэ 1998 8 ПА Фабіян Руіс 1996 9 Нап Гансалу Рамуш 2001 10 Нап Усман Дэмбеле 1997 11 ПА Марка Асенсіа 1996 15 ПА Данілу Перэйра 1991 16 Бр Серхіа Рыка 1992 17 ПА Вітынья 2000 19 ПА Лі Кан Ін 2001 21 Аб Лукас Эрнандэс 1996

№ Паз. Імя Нар. 23 Нап Рандаль Кало Муані 1998 25 Аб Нуну Мендыш 2002 26 Аб Нардзі Мукіеле 1997 28 ПА Карлас Салер 1997 29 Нап Брадлі Баркала 2002 30 Бр Аляксандр Летэлье 1990 33 ПА Варэн Заір-Эмры 2006 35 Аб Лукас Бералду 2003 37 Аб Мілан Шкрыніяр 1995 38 ПА Этан Мбапэ 2006 41 ПА Сені Маюлу 2006 80 Бр Арнау Тэнас 2001 97 Аб Левен Кюрзава 1992 99 Бр Джанлуіджы Данарума 1999

• На Вікісховішчы ёсць медыяфайлы па тэме ФК Пары Сен-Жэрмен
• Афіцыйны сайт (фр.)