Club de Remo Cabo da Cruz

Elastikoak eta trainerua gorriak dira. Traineruaren izena Cabo da Cruz da.

1979ko irailaren 9an sortua, 1990eko hamarkada arte Galiziako lehiaketetan hartu zuen parte, A Coruñako probintziako traineru nagusia izan zelarik, honen adierazgarri 1980 eta 1985 arteko txapelketa probintzial guztiak irabazi izana. 1992 eta 1993an ezin zuen trainerua atera baina azken urte honetan Udal Arraun Eskola eraiki eta kluba berpiztu zen.

2003an TKE Liga sortu zenean, Cabo de Cruz bertan hasi zen lehiatzen eta 2004an Hondarribiako Bandera ere lortu zuen. 2009 urtean TKE Ligan parte hartzeari uko egin zion arazo ekonomikoak zirela eta, baina kirol maila mantendu zuen Galiziako Liga irabaziz. 2010 eta 2011ean hirugarrena izan zen Ligan.

2013an Galiziako Ligan bigarren egin ondoren play offak jokatu eta berriz ere TKE Ligara igotzea lortu zuen. Harrobiarekin lan handia egiten duen taldea da eta urte honetan bigarren taldea osatu zuen, Náutico de Boiro izenarekin, Galiziako B Ligan bigarren postuan gelditu zena.

2014ko denboraldia bikaina osatu zuen. Galiziako Txapelketa irabazi zuen berriz, TKE Ligako ohorezko txandan aritu zen eta laugarren postua eskuratu zuen bukaeran. Kontxako Banderarako ere sailkatu zen bosgarren aldiz, azkenean 7. postua eskuratu zuen. Hurrengo urteetan Ligan postu lasaietan ibili ondoren 2018an berriz sailkatu zen Kontxako Banderarako eta aurrenekoz ohorezko txandan aritu zen. Hurrengo urteetan TKE Ligako erdiko txandan aritu da eta 2020 eta 2021eko Kontxan ere sartu zen. 2022an denboraldi gorabeheratsu baten ondoren bi segundugatik ez zen Donostiako Banderarako sailkatu.

Harrobi lanetan ari den kluba da. Bigarren trainerua Galiziako B Ligako onenetakoa izan zen eta nesketan Liga nagusian sartzea lortu zuen 2016an. Hurrengo urteetan bigaren txandan egonkortu da. 2018an berriz sailkatu zen Kontxarako eta 5. postua lortu zuen. Azken urteetan hainbat alditan sailkatu da Kontxako Banderarako. Galiziako elkarterik indartsuena da, hala gizonezkoetan nola emakumezkoetan.

Kontxako Bandera

• Txapelduna (0)
• Bigarrena (0)
• Hirugarrena (0)
• Bosgarrena 2004, 2005 eta 2018an.
• Sailkatua (9): 2003, 2004, 2005, 2006, 2014, 2018, 2020, 2021 eta 2023.

TKE Liga

• Txapelduna (0)
• Bigarrena (0):
• Laugarrena 2014an.
• Irabazitako estropadak (2022 barne): 2
• Parte hartzeak (15): 2003, 2004, 2005, 2006, 2007, 2008, 2014, 2015, 2016, 2017, 2018, 2019, 2020, 2021, 2022.
• Galiziako Traineruen Liga (1): 2009.

Espainiako Traineru Txapelketa

• Txapelduna (0)
• Bigarrena (1): 2004.

Galiziako Traineru Txapelketa

• Txapelduna (12): 2005, 2006, 2008, 2014, 2015, 2016, 2018, 2019, 2020, 2021, 2022, 2023.
• Iparraldeko Galiziako Txapelketa (1977-1986) (6): 1980, 1981, 1982, 1984, 1985 eta 1986.

Gainontzeko estropadak

• El Corte Inglés Bandera (Vigo) (1): 1982
• Teresa Herrera Bandera (1): 2010.
• Coruñako Diputazioaren Bandera (19): 1989, 1991, 1994, 1998, 2007, 2008, 2009, 2010, 2012, 2013, 2014, 2015, 2016, 2017, 2018, 2019, 2021, 2022, 2023.

Galiziatik kanpora

• Asturiasko Printzearen Bandera (2): 2000 eta 2001.
• Hondarribiako Bandera (2): 2004 eta 2018.

Batelak

• Espainiako Batel Txapelketa (2): 2014, 2023.

Trainerillak

• Espainiako Trainerilla Txapelketa (1): 2022.
  • Gazte mailan (3): 2000, 2009, 2016.

Club de Remo Cabo da Cruz B
Entrenatzailea	Marco Antonio Silva
Patroia(k)	Ana Rodriguez Ourille
Kolorea(k)	gorria eta beltza
Trainerua	Cabo da Cruz
Palmaresa	0 Galiziako A Liga 1 Galiziako B Liga
2023	6.a (Galiziako A Liga)

2013an bigarren trainerua atera zuten Club Náutico Boiro izenarekin Galiziako Traineruen B Ligan aritzeko, baina gaur egun Cabo da Cruz B izenaz ezagutzen da.

Lehen urtean B mailako bigarren postua eskuratu zuen. Harrobi lan horri esker talde nagusiak TKE Ligara igo eta 2014an denboraldi bikaina egin zuen. 2015ean lehorrean egon ondoren 2016an berriz atera zuen bigarren trainerua eta bi estropada irabazita bigarren egin zuen. 2018an B Liga irabazi eta 2019tik aurrera A mailan ibili da urtetik urtera postuak hobetuz. 2021eko denboraldian hirugarrena izan zen.

• Palmaresa:
  • Galiziako A Liga (0): hirugarren 2021ean.
  • Galiziako B Liga (1): 2018.

Club de Remo Cabo da Cruz
Entrenatzailea	Javi Lago
Patroia(k)	Estela Calo Vidal Ana Rodriguez Ourille
Kolorea(k)	gorria eta beltza
Trainerua	Cabo da Cruz
Palmaresa	0 Kontxako Bandera 0 Euskotren Liga 5 Galiziako Liga 4 Galiziako Txapelketa
2023: Kontxa	ez
2023	7.a (Euskotren Liga)

Inoiz jokatu den aurreneko emakumezkoen traineru estropada irabazi zuen Cabo da Cruzek, Hondarribian 2005ean jokatu zen Txingudi Bandera hain zuzen ere. Ordutik ez du trainerurik atera 2014an berriz animatu diren arte. Galiziako ligan hartu du parte eta Euskotren Ligarako sailkapen estropadan ere aritu zen baina ez zuen sailkatzerik lortu.

2015ean trainerua uretaratu zuen berriz baina Traineru Ligarako sailkapen estropadan laugarren egin zuenez ez zen artu. Kontxako sailkapen estropadan ere bosgarrena izan zenez ez zen sailkatu. Galizian ordea nagusi izan zen, txapelketa irabazi zuen eta baita galiziar ligako estropada guztiak ere. 2016an berriz saiatu eta lortu zuen Emakumezkoen Traineru Ligan sartzea. Ligan zein Kontxan laugarren egin zuen. 2017an ordea denboraldi apala egin zuen.

2018an Pueblarekin bat egin zuen A Pobra-Cabo izena hartuz, baina ez zuen lortu Euskotren Ligara (9.) edo Kontxara (8.) sartzerik eta bigarren egin zuen Galiziako Ligan.

2019an berriz ere bakarrean osatu zuen trainerua eta Galizian bigarren bada ere estropada bat irabazi zuen, txapelduna izan zen Mecos-en etxean hain zuzen ere. 2020an Galiziako Liga irabazi zuen sei estropadatatik bost irabazita eta Galiziako txapelduna ere izan zen, baina ez zuen Kontxako Banderara sartzerik lortu. 2021ean laugarren aldiz irabazi zuen Galiziako Liga, bigarrena jarraian. 2022an bosgarrenez irabazi zuen Galiziako Liga eta hurrengo urtean Euskotren Ligan arituko da. Denboraaldia borobiltzeko Kontxako Banderara sailkatu da bigarren aldiz.

Kontxako Bandera

• Laugarrena (1): 2016.
• Sailkatua (2): 2016, 2022.

Emakumezkoen Traineru Liga

• Laugarrena (1): 2016.
• Parte hartzeak (2): 2016, 2023.
• Galiziako Liga (5): 2015, 2016, 2020, 2021, 2022.

Txapelketak

• Galiziako Txapelketa:
  • Txapelduna (5): 2015, 2016*, 2020, 2021, 2022, 2023.
  • Bigarrena (2): 2014*, 2017.
  • 2014 eta 2016ko txapelketak ez dira ofizialak, bi traineru soilik aurkeztu zirelako.
• Coruñako Diputazioaren Bandera (2): 2019, 2021

Banderak

• Txingudi Bandera (1): 2005.
• Teresa Herrera Bandera (2): 2016, 2022.
• Bueu-Presentación (1): 2015.
• Virxe do Carme (O Grove) (2): 2015, 2019.
• Concello Rianxo (2): 2015, 2020.
• Parquistas de Carril (1): 2015.
• Concello de Cangas (1); 2015.
• Cidade de Ferrol (2): 2016, 2022.
• Bandera Rianxeira (3): 2020, 2021, 2022.
• Redondela (2): 2020, 2022.
• Fandicosta-Tirán (1): 2020.
• Perillo (1): 2020.
• Alicrusa, A Pobran (2): 2021, 2022.
• Liga LGT, Rianxon (2): 2021.
• Bandeira Cortizo (1): 2021.
• Concello Sanxenxo (1): 2022.
• Bandeira Reganosa (1): 2022.

SD Rias Baixas

2012 artean beste klub batzuekin batera S.D. Rias Baixas taldea osatu zuen. Patroi nagusia izan zen Laura Hermo bera ere Boirokoa da. Hauek dira lorturiko emaitza nagusiak:

• Kontxako Bandera (5): 2008, 2009, 2010, 2011, 2012.
• Euskotren Liga (2): 2009, 2010.
• Emakumezkoen Galiziako Traineru Liga (2): 2009, 2010.
• Espainiako Txapelketa (1): 2010
• Galiziako Txapelketa (1): 2010.
• Zarauzko Ikurrina (1): 2010.

Denboraldiak

• (Galizieraz) Webgune ofiziala
• (Gaztelaniaz) TKE Ligako webgunea
• (Galizieraz) Liga Galega Feminina-ko informazioa