Emakumezkoen Traineru Ligako 2009ko denboraldia

Aurreko urteko esperientzia ikusita Liga bat sortzeko beharra ikusi zen. 8 estropadatako Euskotren Liga sortu zen orduan. Selekzioen Liga egitea pentsatu zen, Gipuzkoan ezik, zaila baitzen klubek traineru oso bat ateratzea. Kantabriako gobernuak uko egin zion TKE Ligaren gonbidapenari eta azken unean Kataluniako selekzio bat eratzea lortu zen. Horrela, Galizia, Bizkaia, Gipuzkoa eta Kataluniako selekzioek osatu zuten Liga^[2]. Ibilbidea milia eta erdikoa (bi luze, ziaboga bakarra) eta hiru jubenil tostaratzeko aukera zuten traineruek.

Gipuzkoako selekzioan parte hartzeko hiru kluben artean banatu zituzten estropadak, Getaria-Tolosak, Zumaia eta Hondarribiak bina jardunaldi jokatu zituztelarik, Zarauzko Ikurrinarako aldiz arraunlarien selekzio bat egin zen^[3]. Bizkaiko Selekzioaren oinarria Arkoteko neskak ziren.

Galiziako selekzioa Samertolameu, Cabo da Cruz eta Chapelako arraunlariez osatu zen^[3]. Hurrengo urtetan kluba osatu zen, S.D. Rias Baixas taldea hain zuzen ere. Kataluniako selekzioa llagutetan aritzen ziren lau klubetako arraunlariak ziren, aurreko urteko Kontxako banderak liluratuta arraunera etorri zirenak. Galiziako patroiak txandakatu egin ziren kataluniarrak gidatzeko, eta hauena zen erabili zuten trainerua ere.

Ligaren historiako lehenengo estropada O Groven jokatu zen eta Gipuzkoako selekzioak irabazi zuen^[2].

Estropadak

Z.	Izena	Lekua	Data	Txapelduna
1.	Concello O Grove	O Grove, Pontevedra	2009-7-11		Gipuzkoa
2.	Concello de Pontevedra	Pontevedra, Pontevedra	2009-7-12		Galizia
3.	B. Marina de Cudeyo	Marina de Cudeyo, Kantabria	2009-7-25		Galizia
4.	Plentziako Ikurriña	Plentzia, Bizkaia	2009-7-26		Galizia
5.	Zumaiako Ikurriña	Zumaia, Gipuzkoa	2009-8-1		Galizia
6.	Getxoko Ikurriña	Getxo, Bizkaia	2009-8-2		Galizia
7.	Zarauzko Estropadak 1	Zarautz, Gipuzkoa	2009-8-15		Galizia
8.	Zarauzko Estropadak 2	Zarautz, Gipuzkoa	2009-8-16		Gipuzkoa

• Webgune ofizialean 2009ko datuak