Kim Jong-un

Kim Jong-un (Piongiang, 1984ko urtarrilaren 8a)^[1] Koreako Herri Errepublika Demokratikoko liderra da; herrialde hartako de facto buruzagi gorena, haren aita Kim Jong-il hil zenetik.

Kim Jong-un
(2019) Irudi gehiago
Ipar Koreako Defentsa Batzorde Nazionaleko lehendakari 2012ko apirilaren 13a - ← Kim Jong-il Koreako Langileen Alderdiko idazkari nagusi 2012ko apirilaren 11 - ← Kim Jong-il Ipar Koreako buruzagi gorena 2011ko abenduaren 17a - ← Kim Jong-il Koreako Herri Armadako buruzagi goren 2011ko abenduaren 17a - ← Kim Jong-il member of the Presidium of the Politburo of the Workers' Party of Korea (en)
Bizitza
Jaiotza	Piongiang, 1984ko urtarrilaren 8a (40 urte)
Herrialdea	Ipar Korea
Bizilekua	Ryongsong Residence (en)
Lehen hizkuntza	koreera
Familia
Aita	Kim Jong-il
Ama	Ko Yong-hui
Ezkontidea(k)	Ri Sol-ju
Seme-alabak	ikusi Kim Ju-ae Kim Jong-ju (en)
Anai-arrebak	ikusi Kim Jong-chul Kim Jong-nam Kim Yo-jong Kim Sul-song
Leinua	Kim dinastia
Hezkuntza
Heziketa	Kim Il-sung Unibertsitatea Kim Il-sung Unibertsitate Militarra Liebefeld-Steinhölzli State School (en)
Hizkuntzak	koreera
Jarduerak
Jarduerak	politikaria
Pisua	130 kilogramo
Altuera	67 hazbete
Jasotako sariak	ikusi Jubilee Medal "75 Years of Victory in the Great Patriotic War 1941–1945"  (2020ko maiatzaren 5a) Time 100  (2018) Time 100  (2011) Time 100  (2017) Time 100  (2016) Time 100  (2013)
Izengoitia(k)	Pak Un
Zerbitzu militarra
Adar militarra	Koreako Herri Armada
Gradua	Koreako Herri Errepublika Demokratikoko mariskal mariskal
Sinesmenak eta ideologia
Erlijioa	ateismoa
Alderdi politikoa	Koreako Langileen Alderdia

Hau korear izena da, abizena Kim du.

Kimek zuzentzen duen diktaduran, hauteskundeak ez dira libreak eta bidezkoak, gobernuari egindako kritikak jazartzen dituzte, hedabideak erregimenaren kontrolpean daude, Interneteko sarbidea erregimenak mugatzen du, eta ez dago erlijio askatasunik.^{[2][3][4][5][6][7]} Kimen erregimenak milioika pertsona kartzelatu eta hil dituen espetxeen eta lan esparruen sare zabal bat darabil; erregimenak jendea kondenatzen du delitu politikoak direla kausa, eta zigor kolektiboak aplikatzen ditu. Zigor kolektiboen bidez, familia bateko kideei zigorra ezartzen zaie haietako batek egindako krimenengatik.^[8] Nazio Batuek adierazi dutenez, Ipar Koreako herritarrak «giza eskubideen urraketa sistematiko, hedatu eta gordinak» nozitzen dituzte, erregimenak «herritarren bizitzaren alderdi guztiak menderatzea bilatzen du, eta barru-barrutik ikaratzen ditu».^[2][9] Erregimenak Ipar Koreako ekonomiaren gaineko kontrol zabala du. Funtsean, estatuak kontrolatzen ditu enpresak, eta iparkorearrei murrizketa nabarmenak ezartzen dizkie atzerriko ekonomia jardueretan aritzeari dagokionez.^[10] 2013ko abenduaren 12an, Kimek bere osaba Jang Song-thaek exekutatzea agindu zuen, «traizioa» egiteagatik. Uste da Kimek agindu zuela bere anaia erdi Jong-nam hiltzea ere, 2017ko otsailean, Malaysian.