An Eoraip

An Eoraip
	;
Ainmnithe in ómós	Europa
Suíomh
	48°41′27″N 9°08′26″E / 48.690959°N 9.14062°E
Daonra
Iomlán	747,636,045 (2020)
• Dlús	73.4 hab./km²
Tíreolaíocht
Cuid de	An Eoráise ; Ostfeste (en) ; An Domhan
Achar dromchla	10,186,000 km²
Pointe is airde	Mount Elbrus (en) (5,642 m)
Pointe is ísle	Muir Chaisp (−28 m)
Ar theorainn le	An Áise
Aitheantóir tuairisciúil
Lonnaithe i gcrios ama	Europe/Athens (en) ; Europe/Brussels (en) ; Europe/London (en) ; Kaliningrad Time (en) ; An Eoraip/Moscó
Fearann Idirlín barrleibhéil	.eu

Is ilchríoch í an Eoraip, leis na teorainn seo a leanas aici: an tAigéan Atlantach thiar, an tAigéan Artach ar an taobh thuaidh, an Úral agus Sléibhte na hÚraile thoir, Sléibhte na Cugaise agus an Mhuir Dhubh ar an taobh thoir theas, agus an Mheánmhuir ó dheas. Agus an Áise á thógáil san áireamh freisin, is féidir oll-ilchríoch na hEoráise a aithint.

Tá cónaí ar 742,452,000 duine san Eoraip, agus tá timpeall 50 tír neamhspleách ann. Ó mí Iúil 2013 ar aghaidh, tá 28 acusan cheana féin san Aontas Eorpach, agus ar a laghad trí gcinn ag brath ar dhul isteach i mbeagán blianta. Déanann institiúid an Aontais a ngnó i 20 teanga, ach tá go leor mionteangacha eile cheana féin san Aontas.

Ba san Eoraip a thosaigh cuid de mhórimpreachtaí an domhain. Leath cumhacht na Gréige, agus na Róimhe ina diaidh, ar fud cuid mhór den Eoraip, maraon le tuaisceart na hAfraice agus iarthar na hÁise. Ón gcéad aistear a rinne Criostóir Colambas chun an domhain nua don Spáinn, thóg an tír sin agus tíortha nach é seilbh de réir a chéile ar Mheiriceá Thuaidh agus Mheiriceá Theas. Thóg tíortha eile ar nós na Breataine, na Portaingéile, na nÍsiltír, na Gearmáine agus na Beilge seilbh freisin ar chuid mhór desna na mór-roinne eile. Leath an Rúis ó Mhoscó siar go dtí an Mhuir Bhailt, soir chomh fada leis an Aigéin Ciúin, agus ó dheas go dtí an Mhuir Dhubh, Sléibhte na Cugaise, agus an Mhongóil. Ní ach ag deireadh an 19ú haois ar aghaidh go dtí lár an 20ú haois a fuair mórán de choilíneachtaí na hEorpa a saoirse arís, cé go bhfuair cuid mhór de Thuaisceart Mheiriceá (Stáit Aontaithe Mheiriceá) a saoirse i 1775. Tá cumhacht airgeadach agus míleata ag an Eoraip i gcúrsaí an domhain, ach is beag é le hais chumhacht SAM nó, go dtí 1989, cumhacht an Aontais Shóibhéidigh. Ach le bunú an Chómhargaidh Eorpaigh, agus a chomharba an tAontas Eorpach, ceapann go leor go dtiocfaidh neart géilleagrach agus míleata arís chun na hEorpa, mar gur mó anois é a dhaonra ná daonra SAM nó an Aontais Shóibhéidigh mar a bhí, nó na Rúise an lá atá inniu ann.

Liosta tíortha Eorpacha

Is san Eoraip atá na tíortha seo leanas:

Andóra
An Bheilg (ball den AE)
An Bhealarúis
An Bhoisnia-Heirseagaivéin
An Bhulgáir (ball den AE)
An Chipir (ball den AE)
An Chosaiv
An Chróit (ball den AE)
An Danmhairg (ball den AE)
An Eastóin (ball den AE)
An Eilvéis
Éire (Poblacht) (ball den AE)
An Fhionlainn (ball den AE)
An Fhrainc (ball den AE)
An Ghearmáin (ball den AE)
An Ghréig (ball den AE)
An Iodáil (ball den AE)
An Iorua
An Íoslainn
An Ísiltír (ball den AE)
An Laitvia (ball den AE)
An Lichtinstéin
An Liotuáin (ball den AE)
Lucsamburg (ball den AE)
Málta (ball den AE)
Montainéagró
An Mhacadóin Thuaidh
An Mholdóiv
Monacó
An Ostair (ball den AE)
An Pholainn (ball den AE)
An Phortaingéil (ball den AE)
An Ríocht Aontaithe
An Rómáin (ball den AE)
An Rúis
San Mairíne
An Spáinn (ball den AE)
Poblacht na Seice (ball den AE)
An tSeirbia
An tSlóivéin (ball den AE)
an tSlóvaic (ball den AE)
An tSualainn (ball den AE)
An Úcráin
An Ungáir (ball den AE)
An Vatacáin

Polaitíocht

Ainm	Príomhcathair	Achar (km^{2 )}	Daonra	Ainm sna teangacha oifigúla
Albáin	Tiorána	28,748	2,831,741	Shqipëria
Airméin	Eireaván	29,800	3,229,900	Hayastan
Andóra	Andóra La Ḃella	468	68,403	Andorra
Asarbaiseáin	Baci	86,600	9,165,000	Azǝrbaycan
An Bheilg	An Bhruiséil	30,528	11,007,000	België/Belgique/Belgien
An Bhealarúis	Mínsc	207,560	9,458,000	Belarus
Boisnia-Heirseagaivéin	Sairéavó	51,129	3,843,126	Bosna i Hercegovina
An Bhulgáir	Sóifia	110,910	7,621,337	Bălgarija
Cathair na Vatacáine	Cathair na Vatacáine	0.44	900	Città del Vaticano/Civitas Vaticana
An Chipir	Leafcóís	9,251	788,457	Kýpros/Kıbrıs
An Chosaiv	Pristína	10,887	1,859,203	Kosovë/Kosovo
An Chróit	Ságrab	56,542	4,437,460	Hrvatska
An Danmhairg	Cóbanháṁan	43,094	5,564,219	Danmark
An Eastóin	Taillinn	45,226	1,340,194	Eesti
An Eilvéis	Beirn	41,290	7,507,000	Schweiz/Suisse/Svizzera/Svizra
Éire	Baile Átha Cliath	70,280	4,234,925	Éire
An Fhionlainn	Heilsincí	336,593	5,157,537	Suomi/Finland
An Fhrainc	Páras	547,030	66,104,000	France
An Ghearmáin	Beirlín	357,021	80,716,000	Deutschland
An Ghréig	An Aithin	131,957	11,123,034	Elláda
An Iodáil	An Róimh	301,230	59,530,464	Italia
An Iorua	Osló	385,178	5,018,836	Norge/Noreg
An Íoslainn	Réicivíc	103,000	307,261	Ísland
An Ísiltír	Amstardam	41,526	16,902,103	Nederland
An Laitvia	Ríge	64,589	2,067,900	Latvija
Lichtinstéin	Vadús	160	32,842	Liechtenstein
An Liotuáin	Vilnias	65,200	2,988,400	Lietuva
Lucsamburg	Lucsamburg	2,586	448,569	Lëtzebuerg/Luxemburg/Luxembourg
Málta	Vaileite	316	397,499	Malta
Montainéagró	Podgairítse	13,812	616,258	Crna Gora
An Mhacadóin Thuaidh	Scóipé	25,713	2,054,800	Makedonija
An Mholdóiv	Císineá	33,843	4,434,547	Moldova
Monacó	Monacó	1.95	31,987	Monaco
An Ostair	Ṁín	83,858	8,169,929	Österreich
An Pholainn	Ṁársá	312,685	38,625,478	Polska
An Phortaingéil	Liospóin	91,568	10,409,995	Portugal
An Ríocht Aontaithe	Londain	244,820	64,105,654	United Kingdom
An Rómáin	Búcairist	238,391	21,698,181	România
An Rúis	Moscó	17,075,400	143,975,923	Rossiya
San Mairíne	Cathair San Mairíne	61	27,730	San Marino
An Spáinn	Maidrid	504,851	47,059,533	España
Poblacht na Seice	Prág	78,866	10,256,760	Česko
An tSeirbia	Béalgrád	88,361	7,120,666	Srbija
An tSeoirsia	Tbilisi	69,700	4,661,473	Sakartvelo
An tSlóivéin	Liúibleána	20,273	2,050,189	Slovenija
An tSlóvaic	An Bhratasláiv	48,845	5,422,366	Slovensko
An tSualainn	Stócólm	449,964	9,090,113	Sverige
An Tuirc	Ancara	783,562	77,695,904	Türkiye
An Úcráin	Cíṁ	603,700	45,360,000	Ukrajina
An Ungáir	Búdaipeist	93,030	10,075,034	Magyarország

Féach freisin

Stair na hEorpa
An tAontas Eorpach

Mór-ranna an Domhain

An Afraic	An Aigéine	An Áise	Antartaice	An Eoraip	Meiriceá Theas	Meiriceá Thuaidh