Swaziska

Kralestwo Swaziska (wot 2018 oficielnje eSwatini; saSwati Umbuso we Swatini, jendźelsce Kingdom of Eswatini abo Swaziland) je mały nutřkokrajny stat w južnej Africe, kotryž mjezuje z Mosambikom a Južnej Afriku. Stat je faktisce jenička absolutna monarchija w Africe z kralom na čole. Z přestrjenju wot 17.363 km² je Swaziska po Gambiji druhi najmjeńši stat na afriskim kontinenće a mjeńša hač Sakska. Stolica kraja je Mbabane z 90.000 wobydlerjemi.

Kralestwo Eswatini

hesło Siyinqaba! („My smy twjerdźizna!“)
zakładne daty:
swójske mjeno	Umbuso we Swatini Kingdom of Eswatini
stolica	Mbabane
přestrjeń	17.363 km²
wobydlerstwo	1.435.613 (2015)[1]
hustosć	82,7 wob./km²
forma knježerstwa	absolutna monarchija
hłowa stata	kral Mswati III.
šef knježerstwa	premier Russell Dlamini
měna	Lilangeni (SZL) Južnoafriski Rand (ZAR)
hamtska rěč	siSwati, jendźelšćina
hymna	Nkulunkulu Mnikati wetibusiso temaSwati
časowe pasmo	UTC+2
njewotwisnosć	6. septembra 1968 wot Zjednoćeneho kralestwa
Top Level Domain	.sz
telefon	+268
awtowa značka	SD
Połoženje Swaziskeje na zemi
p • d • w

Hač do lěta 1968 bě Swaziska z koloniju Zjednoćeneho kralestwa.

Klima je powšitkownje subtropiska a wotwisna wot wysokosće nad mórskej hładźinu. We wyše ležacych kónčinach wokoło stolicy Mbabane (1200 m) na zapadźe kraja knježi měrna klima z ćopłym lěćom a miłej zymu.

Přirězne žiwjenske wočakowanje leži pola něhdźe 50 lět a słuša tuž do najnišich na cyłym swěće.^[2] Přičina za to je předewšěm wulki podźěl ludnosće, inficěrowany z HI-wirusom.