Ruanda

Ruanda (w kinyarwandźe, francosce a jendźelsce Rwanda) je husće wobsydleny nutřkokrajny stat při Kiwuskim jězorje we wuchodnej Africe. Mjezuje z Ugandu na sewjeru, z Tansaniju na wuchodźe, z Burundijom na juhu a z Demokratiskej republiku Kongo na zapadźe. Stolica je Kigali, kotryž so w srjedźišću małeho kraja při rěce Kagera nadeńdźe.

Republika Ruanda

hesło Ubumwe, Umurimo, Gukunda Igihugu („Jednota, dźěło, patriotizm“)
zakładne daty:
swójske mjeno	Repubulika y'u Rwanda République du Rwanda Republic of Rwanda
stolica	Kigali
přestrjeń	26.338 km²
wobydlerstwo	12.337.138 (2014)
hustosć	468,4 wob./km²
forma knježerstwa	prezidialna republika
hłowa stata	prezident Paul Kagame (wot 2000)
šef knježerstwa	premier Édouard Ngirente (wot 2017)
měna	ruandiski franc
hymna	Rwanda nziza
časowe pasmo	UTC+2
njewotwisnosć	1. julija 1962 wot Belgiskeje
Top Level Domain	.rw
telefon	+250
awtowa značka	RWA
Połoženje Ruandy w regionje
p • d • w

W Ruandźe knježi wysokosće dla miła, włóžna klima z přerěznymi temperaturami wokoło 18 °C bjez wulkich přeměnjenjow. Dešćowej časaj trajetej wot septembra do decembra (umuhindo) a wot februara do spočatka junija (itumba). Najwyše městno tak mjenowaneho „kraja tysac kopcow“ je wulkan Karisimbi (4.519 m) při kongoskej hranicy na sewjerozapadźe Ruandy. Ruanda je tež žórlišćo najdlěšeje rěki swěta; najwjetši přitok Nila, rěka Kagera, je najwažniša rěka w kraju.

Ruanda je nimo toho předewšěm znata za najhórše ludomordarstwo po Druhej swětowej wójnje, kotrež je so stało w lěće 1994.

Hačrunjež ženje z britiskej koloniju njebě, přisłuša Ruanda wot lěta 2009 Commonwealthej.