Sudan
Sudan (hamtsce Republic of the Sudan) je třeći najwjetši stat w Africe a leži při Nilu na juhowuchodźe Sahary w Sahelowym pasmje. Z přestrjenju wjace hač 1,8 milionow kwadratnych kilometrow je Sudan třeći najwjetši kraj Afriki. Wot cyłkownje něhdźe 40 milionow wobydlerjow bydli pjećina w metropolowym rumje stolicy Khartum, do kotrehož słušatej tež wulkoměsće Omdurman a Bahri.
hesło النصر لنا (an-nasr lanā) | |
zakładne daty: | |
swójske mjeno | جمهورية السودان Jumhuriyat as-Sudan (ar.) |
stolica | Khartum (الخرطوم) |
přestrjeń | 1.886.068 km² |
wobydlerstwo | 44,909,353[1] |
hustosć | – |
forma knježerstwa | prezidialna republika |
hłowa stata | prezident Abdel Fattah al-Burhan (عبد الفتاح البرهان) (wot 2019) |
šef knježerstwa | premier Abdalla Hamdok (عبدالله حمدو) (wot 2019) |
měna | sudanski dinar |
hamtska rěč | arabšćina a jendźelšćina |
hymna | Nahnu Jund Allah Jund Al-watan |
časowe pasmo | UTC+3 |
njewotwisnosć | 1. januara 1956 wot Zjednoćeneho kralestwa |
Top Level Domain | .sd |
telefon | +249 |
Połoženje Sudana na zemi | |
Republika Sudan je wot 1. januara 1956 njewotwisna wot Zjednoćeneho kralestwo, kotrež knježeše do toho nad Anglo-Egyptowskim Sudanom. Dnja 30. junija 1989 přewza Omar al-Bashir z wojerskim pučom móc w Sudanje a knježeše wot toho časa jako diktatoriski prezident. Po nimale 30 lětach bu 11. apryla 2019 wot wójska wotsadźeny a zajaty.
Po lětdźesatki trajacej byrgarskej wójnje, měrowym procesu a referendumje w lěće 2011 dósta Južny Sudan dnja 9. julija tutoho lěta swoju njewotwisnosć.
Geografija
Mjezuje z Egyptowskej na sewjerje, z Libyskej a Čadom na zapadźe, ze Centralnoafriskej republiku na juhozapadźe, z Južnym Sudanom na juhu a z Etiopiskej, Eritreju a Čerwjenym morjom na wuchodźe.
Najwyša hora Sudana je wulkan Marra Kinyeti (3088 m) při zapadnej hranicy z Čadom.
Města
Najwjetše města su:
- Omdurman – 1 670 000 wobydlerjow
- Khartum – 1 244 500 wobydlerjow
- Port Sudan – 401 100 wobydlerjow
- Kassala – 308 200 wobydlerjow
- El Obeid – 301 400 wobydlerjow
- Nyala – 298 400 wobydlerjow
Žórła
Wotkaz
Algeriska |Angola |Benin |Botsuana |Burkina Faso |Burundi |Centralnoafriska republika |Čad |Dźibuti |Egyptowska |Ekwatorialna Gineja |Eritreja |Etiopiska |Gabun |Gambija |Ghana |Gineja |Gineja-Bissau |Južna Afrika |Južny Sudan |Kamerun |Kap Verde |Kenia |Komory |Demokratiska republika Kongo | Republika Kongo |Lesotho |Liberija |Libyska |Madagaskar |Malawi |Mali |Marokko |Mawretanska |Mauritius |Mosambik |Namibija |Niger |Nigerija |Ruanda |Sambija |São Tomé a Príncipe | Senegal |Seychelle |Sierra Leone |Simbabwe |Słonowinowy pobrjóh |Somalija |Sudan |Swaziska |Tansanija |Togo |Tuneziska |Uganda
Druhe teritorije: Ceuta |Îles éparses |Kanariske kupy |Madeira |Mayotte |Melilla | Réunion |St. Helena |Zapadna Sahara