Մաուրիցիո Սարի

Վաղ կարիերա

Սարին իր կարիերան սկսել է Տոսկանայում՝ մարզելով մի քանի փոքր ֆուտբոլային ակումբներ և գրանցելով մի շարք հաջողություններ^[3]։ 2000 թվականին նա պայմանագիր կնքեց Սանսովինոյի հետ՝ օգնելով թիմին տեղափոխվել Սերիա C^[4]: Այստեղ նա աշխատեց 3 տարի՝ 2003 թվականին պայմանագիր կնքելով Սանջիովանեզեի հետ։

2005 թվականին Սարին պայմանագիր կնքեց Սերիա B-ում հանդես եկող Պեսկարայի հետ։ Այստեղ նա հաջողությունների չհասավ, ինչից հետո մարզեց մի շարք այլ իտալական ակումբներ, մասնավորապես՝ Արեցոն, Ավելինոն, Վերոնան, Պերուջան, Գրոսետոն, Ալեսանդրիան^[5] և Սորենտոն։ Վերջինիս մարզելու ժամանակ, Սորենտոն սկսեց ցուցադրել գեղեցիկ հարձակվողական ֆուտբոլ՝ ձմեռային դադարի ժամանակ զբաղեցնելով 4-րդ հորիզոնականը, ինչի շնորհիվ 2012 թվականին նա պայմանագիր կնքեց Էմպոլիի հետ։

Իր առաջին մրցաշրջանում Էմպոլիի հետ, ակումբը զբաղեցրեց 4-րդ հորիզոնականը Սերիա B-ում՝ Սերիա A-ի փլեյ-օֆֆ փուլում պարտվելով Լիվորնոյին։ 2013-14 մրցաշրջանում Սարիի հետ Էմպոլին զբաղեցրեց 2-րդ հորիզոնականը և տեղափոխվեց Սերիա A: Թեև ֆուտբոլային երկրպագուները կարծում էին, որ 2014-15 մրցաշրջանում Էմպոլին հետ դուրս կմնա Սերիա B, սակայն նրանք զբաղեցրեցին 15-րդ հորիզոնականը։

Նապոլի

2015 թվականի հունիսի 11-ին Սարին 1 տարվա պայմանագիր կնքեց Նապոլիի հետ՝ փոխարինելով հեռացող Ռաֆայել Բենիտեսին^[6][7]։

Իր առաջին մրցաշրջանում Սարին Նապոլի բերեց Էլսեիդ Հյուսային^[8], Պեպե Ռեյնային^[9], Ալանին^[10], ովքեր միանգամից դարձան թիմի հիմնականի կազմի խաղացողներ, իսկ Նապոլին զբաղեցրեց 2-րդ հորիզոնականը՝ զիջելով Յուվենտուսին, ինչից հետո Սարին երկարաձգեց իր պայմանագիրը 3 տարով։ Այնուամենայնիվ, հաջորդ ամռանը Նապոլին 90 միլիոն եվրոյի դիմաց վաճառեց Գոնսալո Իգուաինին, ով կարողացել էր հավասարվել Սերիա A-ի մրցաշրջանի ամենաշատ գոլերի ռեկորդին՝ հեղինակած 36 գոլերով։ 2016-17 մրցաշրջանում Նապոլին զբաղեցրեց 3-րդ հորիզոնականը, իսկ Սարին ճանաչվեց Սերիա A-ի լավագույն մարզիչը և ստացավ Էնցո Բեարցոտի մրցանակը։

2018 թվականի ձմռան դադարին Նապոլին զբաղեցնում էր 1-ին հորիզոնականը առաջնությունում՝ 26 տարվա մեջ առաջին անգամ^[11]։ Թիմը սկսեց մրցաշրջանը լավ մարզավիճակում՝ գրանցելով ակումբի հաջորդական հաղթանակների ռեկորդը՝ 8 հաղթանակով^[12]։ 2017-18 մրցաշրջանը Նապոլին ավարտեց 2-րդ հորիզոնականում՝ 4 միավորով զիջելով Յուվենտուսին^[13][14]։ 2018 թվականի մայիսի 23-ին թիմի գլխավոր մարզիչ նշանակվեց Կառլո Անչելոտտին^[15][16]։

Չելսի

2018 թվականի հուլիսի 14-ին Սարին նշանակվեց Չելսիի գլխավոր մարզիչ^[17][18]՝ փոխարինելով Անտոնիո Կոնտեին, ով հեռացվել էր նախորդ օրը^[19][20]։ Իր առաջին խաղում որպես թիմի մարզիչ, Չելսին պարտվեց Անգլիայի սուպերգավաթի Մանչեսթեր Սիթիի դեմ խաղում^[21][22]։ Սարին դարձավ պատմության առաջին մարզիչը, որը անպարտելի է եղել Պրեմիեր Լիգայի իր առաջին 12 հանդիպումներում^[23]։ Այս շարքը դադարեցվեց նոյեմբերի 24-ին, երբ Չելսին պարտվեց Տոտենհեմին^[24][25]։ 2019 թվականի փետրվարի 24-ին՝ Անգլիայի լիգայի գավաթի եզրափակչի Մանչեսթեր Սիթիի դեմ հանդիպման վերջում Սարին փորձեց փոխարինել դարպասապահ Կեպա Արիսաբալագային^[26][27], սակայն Կեպան հրաժարվեց լքել խաղադաշտը, իսկ Չելսին պարտվեց հետխաղյա 11-մետրանոցների հարվածաշարում^[28][29]։ Մայիսի 29-ին Սարին նվաճեց իր առաջին գավաթը մարզչական կարիերայում՝ Չելսիի հետ հաղթելով ՈՒԵՖԱ Եվրոպայի Լիգան^[30][31]։ 2018-19 մրցաշրջանի վերջում նա հայտարարեց ակումբից հեռանալու մասին^[32][33]։

Յուվենտուս

2019 թվականի հունիսի 16-ին Սարին 3 տարվա պայմանագիր կնքեց Յուվենտուսի հետ^[34][35][36]։ Օգոստոսին նրա մոտ հայտնաբերվեց թոքաբորբ, ինչի պատճառով Սարին բաց թողեց 2 հանդիպում^[37][38][39]։

2019 թվականի հոկտեմբերի 5-ի դրությամբ

Թիմ	Սկսած	Մինչև	Արդյունք
			Խ	Հ	ՈՈ	Պ	Հ %
Անտելյա	1996	1998	60	26	18	16	43.33
Վալդեմա	1998	1999	17	5	6	6	29.41
Տեգոլետո	1999	2000	26	8	9	9	30.77
Սանսովինո	2000	2003	120	62	33	25	51.67
Սանջիովանեզե	2003	Հունիսի 18, 2005	82	34	29	19	41.46
Պեսկարա	Հուլիսի 9, 2005	Հունիսի 30, 2006	43	14	12	17	32.56
Արեցո	Հոկտեմբերի 31, 2006	Մարտի 13, 2007	22	6	8	8	27.27
Ավելինո	Հուլիսի 18, 2007	Օգոստոսի 23, 2007	1	0	0	1	0.00
Վերոնա	Դեկտեմբերի 31, 2008	Փետրվարի 28, 2008	6	0	1	5	0.00
Պերուջա	Սեպտեմբերի 23, 2008	Փետրվարի 15, 2009	22	6	11	5	27.27
Գրոսետո	Մարտի 24, 2010	Հունիսի 24, 2010	11	2	7	2	18.18
Ալեսանդրիա	Հուլիսի 6, 2010	Հունիսի 24, 2011	36	15	13	8	41.67
Սորենտո	Հուլիսի 6, 2011	Դեկտեմբերի 13, 2011	19	8	6	5	42.11
Էմպոլի	Օգոստոսի 12, 2012	Մայիսի 31, 2015	132	52	45	35	39.39
Նապոլի	Հունիսի 12, 2015	Մայիսի 23, 2018	147	97	25	25	65.99
Չելսի	Հուլիսի 14, 2018	Հունիսի 16, 2019	63	39	13	11	61.9
Յուվենտուս	Հունիսի 16, 2019	Ներկա	8	6	2	0	75.0
Ընդհանուր			818	380	239	199	46.5

Ակումբային

Չելսի

• Անգլիայի լիգայի գավաթ. երկրորդ տեղ. 2018–19^[28]
• ՈՒԵՖԱ Եվրոպայի Լիգա. 2018–19^[30]

Անհատական

• Արծաթե նստարան․ 2013–14^[40]
• Ոսկե նստարան․ 2015–16^[41]
• Էնցո Բեարցոտի մրցանակ․ 2017^[42]
• Սերիա A-ի տարվա լավագույն մարզիչ․ 2016–17^[43]

• Սարին transfermarkt-ում
• Սարին soccerbase.com-ում
• Սարին Նապոլիի պաշտոնական կայքում Արխիվացված 2018-04-27 Wayback Machine

Վիքիպահեստն ունի նյութեր, որոնք վերաբերում են «Մաուրիցիո Սարի» հոդվածին։