Ռեչ Պոսպոլիտա
Ռեչ Պոսպոլիտա (լեհ.՝ rzecz - իր, գործ և լեհ.՝ pospolita - ընդհանուր, «ընդհանուր գործ»), պաշտոնական անվանումը՝ Լեհական թագավորություն և Լիտվական մեծ իշխանություն (լեհ.՝ Królestwo Polskie i Wielkie Księstwo Litewskie)՝ դաշնություն Եվրոպայում 16-18-րդ դարերում՝ կազմավորված Լեհական թագավորության և Լիտվական մեծ իշխանության միությունից։ Առաջացել է 1569 թ.-ին Լյուբլինյան ունիայի արդյունքում, վերացել՝ 1795 թ.-ին երկրի բաժանման հետևանքով՝ Ռուսաստանի, Պրուսիայի և Ավստրիայի միջև։ Տեղակայված էր ներկայիս Լեհաստանի, Ուկրաինայի, Բելառուսիաի և Լիտվայի, ինչպես նաև մասնակիորեն՝ Ռուսաստանի, Լատվիայի, Էստոնիայի, Մոլդովայի և Սլովակիայի տարածքների վրա։ Համարվում էր Եվրոպայի ամենամեծ և հայտնի երկրներից մեկը 16-րդ և 17-րդ դարերում[1]։ Երկրի ղեկավարը ընտրվում էր սեյմի կողմից՝ ցմահ, և կրում էր լեհական թագավորի և լիտվական մեծ իշխանի տիտղոսը։
| լեհ.՝ Królestwo Polskie i Wielkie Księstwo Litewskie Լեհական թագավորություն և Լիտվական մեծ իշխանություն (Ռեչ Պոսպոլիտա) | ||||
|---|---|---|---|---|
| ||||
| Նշանաբան՝ լատին․՝ Si Deus Nobiscum quis contra nos (Եթե աստվածն է մեզ հետ, ապա ո՞վ է մեր դեմ) 18-րդ դարում՝ լատին․՝ Pro Fide, Lege et Rege (Հանուն հավատքի, օրենքի և թագավորի) | ||||
.svg) | ||||
| Մայրաքաղաք | Կրակով և Վիլնյուս (1569-1793), Վարշավա (1793-1795) | |||
| Պետական լեզուներ | լեհերեն, լատիներեն, լիտվերեն | |||
| Կառավարում | ընտրովի միապետություն | |||
| - | Լեհաստանի թագավոր և Լիտվական մեծ իշխան | Սիգիզմունդ II Օգոստոս (առաջին) | ||
| - | Լեհաստանի թագավոր և Լիտվական մեծ իշխան | Ստանիսլավ II Օգոստոս (վերջին) | ||
| Հիմնադրում | ||||
| - | Դաշնության հիմնում (Լյուբլինյան ունիա) | 1569, հուլիսի 1 | ||
| Տարածք | ||||
| - | Ընդհանուր | 878 000 կմ² | ||
| Բնակչություն | ||||
| - | նախահաշիվը | 11 մլն | ||
Ծանոթագրություններ
 | Վիքիպահեստն ունի նյութեր, որոնք վերաբերում են «Ռեչ Պոսպոլիտա» հոդվածին։ |