2002ko Espainiako Itzulia Itzuli Handi honen 57. edizioa izan zen. 2002ko irailak 7 eta 29 artean ospatu zen Valentzia eta Madril artean, 21 etapatan banatutako 3134 kilometroko ibilbidea eginez.
Valentziako irteeran, edizio honetako garaipenerako faboritoen artean aurreko urteko garailea izan zen Ángel Casero, Santos González, Francesco Casagrande, Iban Mayo, Roberto Heras, Óscar Sevilla eta Joseba Beloki zeuden.
5. eta 6. etapak izan ziren mendate tontorrean amaitu ziren lehenak. Lehen mendate hauek igaro ondoren, Óscar Sevilla zen liderra, gertu Alexander Vinokurov eta Roberto Heras zituelarik.
Banakako lehen erlojupekoan, Kordoban jokatu zena, Aitor Gonzálezek efektu kolpe bat eman zuen, eta, etapa garaipena lortuz, bigarren jarri zen sailkapen nagusian, liderra zen Óscar Sevillagandik segundo bakar batera. Heras izan zen kaltetuenetako bat, etapa amaitzean liderragandik minutu eta erdi baino gehiagora geratuz.
Bejartarrak galdutako denbora 15. etapan berreskuratuko zuen, Anglirun amaitu zena. Herasek bakarrean distiratu zuen etapa irabaziz eta lider jarriz. 18. etapan, La Covatilla Eski Estazioan, bere jaioterritik gertu, Herasek apur bat gehiago handitu zuen bere hurbileneko arerioekiko abantaila.
Alabaina, diferentziak ez ziren azken etaparako nahikoa izango, Madrilen jokatu zen 41 kilometroko erlojupeko bat, non Aitor Gonzálezek Itzulia ostu zion Roberto Herasi, bejartarra azkenean bigarren geratuz. Joseba Beloki izan zen hirugarren.
| Etapa | Data | Ibilbidea | Kilometroak | Garailea | Liderra |
| 1.a | irailak 7 | Valentzia-Valentzia | 30 (taldekako erlojupekoa) |  ONCE-Eroski |  Joseba Beloki |
| 2.a | irailak 8 | Valentzia-Alcoi | 144,7 |  Danilo Di Luca | Joseba Beloki |
| 3.a | irailak 9 | Sant Vicent del Raspeig-Murtzia | 134 | Mario Cipollini | Joseba Beloki |
| 4.a | irailak 10 | Águilas-Roquetas de Mar | 149,5 | Mario Cipollini | Joseba Beloki |
| 5.a | irailak 11 | El Ejido - Sierra Nevada  | 198 | Guido Trentin | Mikel Zarrabeitia |
| 6.a | irailak 12 | Granada-La Pandera | 153 | Roberto Heras | Óscar Sevilla |
| 7.a | irailak 13 | Jaén-Málaga | 197 | Mario Cipollini | Óscar Sevilla |
| 8.a | irailak 14 | Málaga-Ubrique | 173,5 | Aitor González | Óscar Sevilla |
| 9.a | irailak 15 | Kordoba-Kordoba | 130 | Pablo Lastras | Óscar Sevilla |
| 10.a | irailak 16 | Kordoba-Kordoba | 36,5 (banakako erlojupekoa) | Aitor González | Óscar Sevilla |
| 11.a | irailak 18 | Alcobendas-Collado Villalba | 166 | Pablo Lastras | Óscar Sevilla |
| 12.a | irailak 19 | Segovia-Burgos | 210,5 | Alessandro Petacchi | Óscar Sevilla |
| 13.a | irailak 20 | Burgos - Santander | 190 | Giovanni Lombardi | Óscar Sevilla |
| 14.a | irailak 21 | Santander-Gijón | 190 |  Sergei Smetanin | Óscar Sevilla |
| 15.a | irailak 22 | Gijón-Alto l'Angliru | 176,7 | Roberto Heras | Roberto Heras |
| 16.a | irailak 23 | Avilés-León | 154,7 |  Santiago Botero | Roberto Heras |
| 17.a | irailak 24 | Benavente-Salamanca | 145,5 | Angelo Furlan | Roberto Heras |
| 18.a | irailak 25 | Salamanca-La Covatillako Eski Estazioa | 193,7 | Santiago Blanco | Roberto Heras |
| 19.a | irailak 26 | Béjar-Ávila | 177,8 | Txente García Acosta | Roberto Heras |
| 20.a | irailak 28 | Ávila-Warner Bros Park | 191 | Angelo Furlan | Roberto Heras |
| 21.a | irailak 28 | Warner Bros Park-Madril | 41,2 (banakako erlojupekoa) | Aitor González | Aitor González |
Espainia
Aitor González Jiménez (Kelme-Costa Blanca)
Erik Zabel (Telekom)
Datuak: Q1071113_pictogram.svg){kind=small}
