Republika Nahórski Karabach abo Arcach (armensce Լեռնային Ղարաբաղի Հանրապետություն, Արցախի Հանրապետություն/ Lernain Garabagi Hanrapjetutjun, Arcachi Hanrapjetutjun) je mjezynarodnje njepřipóznata republika w zapadnym Azerbajdźanje.
Něhdyša awtonomna kónčina bě so w běhu krizy w nalěću 1991 wot Azerbajdźana wotšćěpiła.[1] W třolětnej wójnje wobsadźi wójsko susodneje Armenskeje ze strategiskich přičin tež někotre wokolne wobwody. Tamniše zwjetša azerbajdźanske wobydlerstwo bu wuhnate.
W lěće 2015 měješe Nahórski Karabach 150.931 wobydlerjow. Z nich běchu 99,7 % Armenojo.
W druhej Karabachskej wójnje, trajacej wot kónca septembra hač do nowembra 2020, přińdźe južny dźěl teritorija po 27 lětach zaso pod azerbajdźansku kontrolu. W dojednanju zhubi armenske wójsko tež wulki dźěl w lětomaj 1993/94 wobsadźenych teritorijow kołowokoło něhdyšeje awtonomneje kónčiny Nahórski Karabach.
.svg)
