ინდოეთის სუბკონტინენტი

ინდოეთის სუბკონტინენტი — აზიის სამხრეთი რეგიონი და ნახევარკუნძული (ინდოსტანის ნახევარკუნძული). ძირითადად განლაგებულია ინდოსტანის ფილაზე და მოიცავს ტერიტორიას ჰიმალაიდან სამხრეთით ინდოეთის ოკეანემდე. გეოლოგიურად, სუბკონტინენტი დაკავშირებულია ხმელეთის იმ ნაწილთან, რომელიც დაახლოებით 55 მილიონი წლის წინ მოსწყდა გონდვანას და შეუერთდა ევრაზიის ფილას.^[1] გეოგრაფიულად, არის რეგიონი სამხრეთ-ცენტრალურ აზიაში, რომელიც შემოსაზღვრულია ჩრდილოეთიდან ჰიმალაით, დასავლეთიდან — ჰინდუქუშით და აღმოსავლეთიდან — არაკანის მთებით.^[2] პოლიტიკურად, ინდოეთის სუბკონტინენტი მოიცავს ქვეყნებს: ბანგლადეშს, ბჰუტანს, ინდოეთს, მალდივის რესპუბლიკას, ნეპალს, პაკისტანსა და შრი-ლანკას.^[3][4][5] ტერმინი „ინდოეთის სუბკონტინენტი“ ურთიერთშენაცვლებით გამოიყენება ტერმინ „სამხრეთ აზიასთან“.^[6][7][8]

შემოკლებით მას სუბკონტინეტსაც ეძახიან, რადგან ასეთი მოვლენა დედამიწის ისტორიაში არ ყოფილა და ასეთი წარმონაქმნი მხოლოდ ერთია.