Oceania
Oceania
.svg)
Oceania geopoliticalis
| Demonymum | Oceanicus; Oceanianus |
|---|---|
| Area | 8536716 km2 |
| Numerus incolarum | 35,670,000 |
| Civitates | 14 * Australia * Foederatae Micronesiae Civitates * Insulae Marsalienses * Insulae Salomonis * Kiribati * Nauru * Nova Zelandia * Belavia * Papua Nova Guinea * Samoa * Tonga * Tuvalu * Vanuatu * Viti |
| Provinciae | 25 * Atollum Johnston * Atollum Midway * Guamia * Havaii * Insulae Ashmore et Cartier * Insula Baker * Insula Clipperton * Insula Howland * Insula Jarvis * Insula Norfolcensis * Insula Paschalis * Insulae Cook * Insulae Ioannis Fernández * Insulae Mariannae Septentrionales * Insulae Maris Curalii * Kingman Reef * Nova Caledonia * Niue * Palmyra (atollum) * Pitcairn Insulae * Polynesia Francica * Samoa Americana * Tokelau * Wake (insula) * Vallis et Futuna |
| Linguae | 28 Publicae Linguae publicae: * Bislama * Caroliniana * Chamorro * Cook Islands Maori * Anglica * Vitiana * Francica * Futunana * Gilbertana * Havaiana * Hindi * Hiri Motu * Maori * Marsaliensis * Nauruana * Niueana * Palauana * Pitkern * Rotumana * Samoana * Hispanica * Tahitiana * Tokelauana * Tongana * Tok Pisin * Tuvaluana * Uveana |
| Zonae temporales | UTC+8 (Australian Western Standard Time) ad UTC-6 (Easter Island) (West to East) |
| Maximae Urbes | Sydneium Melbournum Brisbana Perthia Aucopolis Adelhaidis |
Oceania est regio in insulis Oceani Pacifici tropici sita.[1] Notiones Oceaniae inter atolla curalii volcanicasque Pacifici Australis insulas (ethnologice in subregiones Melanesiam, Micronesiam, Polynesiam divisas[2]) et adeo omnem regionem insularem inter Asiam et Americam (Australasia Archipelago Malaicoque non exceptis) variantur.[3] Nomen aliquando adhibetur diserte ad significandum continentem qui in Australia et insulis proximis consistit,[4][5][6][7][8] atque in studiis biogeographicis ut synonymum Oecozonae Australasianae (Wallaceae et Australasiae) vel Oecozona Pacifica (Melanesia, Polynesia, et Micronesia, vel Nova Zelandia[9] vel Nova Guinea excepta[10]).
Etymologia
Nomen Océanie a Conrado Malte-Brun geographo circa 1812 Francice factum est.[4] Nomen Océanie vicissim ex Graeco ὠκεανός 'oceanus' deducitur, ex nomine Oceani, dei fluviorum, cum nomen Asiae, continentis adiacentis, a filia sua ortum esset, fluviorum fontiumque matre.
Definitiones
Physiographia
Oceania, primum in terris Oceani Pacifici, a Freto Malaccensi ad orientem ad litus Americae concepta, quattuor regiones olim comprehendit: Polynesiam, Micronesiam, Malaesiam (nunc Archipelagum Malaicum appellatam), et Melanesiam (nunc Australasiam appellatam).[11] Inter Oceaniam sunt partes trium continentium geologicorum (Eurasia, Australia, Zelandia), cum insulis noncontinentalibus volcanicis Philippinarum, Wallaceae, et Pacifici aperti. Patet ad Sumatram in occidente, Insulas Bonin in boreoccidentali, Insulas Havaianas in boreorientali, Rapa Nui et Sala y Gómez in oriente, et Insula Macquarie in australi—Taivania, Archipelago Iaponico (inter quem Insulae Ryukyu), et Insulis Aleutianis marginum Asiae exceptis.[12][13]
Civitates Oceaniam occupantes quae in Oceania geopolitica non comprehenduntur sunt Indonesia, Malaesia (per Borneum Malaesianum), Bruneium, Philippinae, et Timoria Orientalis. Insulae extremorum geographicorum in rationibus civilibus sunt partes necessariae Iaponiae (Bonin), Civitatum Foederatarum (Havaii), et Tsiliae (Insula Paschalis). Minor definitio geographica etiam obtinet, quae terram Laminae Sundanae excludit, sed Novam Guineam Indonesianam ut pars continentis Australiani comprehendit.
Biogeographia
Adhibetur nomen Oceania in rebus biogeographicis ut synonymum vel Oecozonae Australasianae (Wallaceae et Australasiae) vel Oecozonae Pacificae (Melanesia, Polynesia, et Micronesia, sine Nova Zelandia[9] et Nova Guinea[10]).
Oecogeographia
Oceania est una ex octo oecozonis terrestribus, quae maiores oecologicae telluris regiones sunt. Oecozona Oceanica omnem Micronesiam, Vitios, et omnem Polynesiam praeter Novam Zelandiam comprehendit. Nova Zelandia, Nova Guinea, Melanesia (praeter Vitiis), et Australia sunt oecozona separata, Oecozona Australasiana. Archipelago Malaico est pars Oecozonae Indomalaesianae. Notio cognata est Oceania Propinqua, pars occidentalis Melanesiae Insularis, quae decies milia annorum ab hominibus habitata est, et Oceania Remota, recentiore ab hominibus constituta.[14]
Res geopoliticae
.png)
Secundum notionem geopoliticam in geoschemate Consociationis Nationum et propositis Consilii Olympiorum Internationalium adhibitis, et in multis atlantibus editis, Oceania Australiam et civitates Pacifici a Papua Nova Guinea ad orientem, sed non Archipelagum Malaicum et Indonesianam Nova Guineae partem continet.[15][16][17]
Aliae definitiones
- Nomen Oceania aliquando disertiore adhibetur, ut continentem significet qui continentem Australiam et insulas proximas complectitur.[7][8]
- Nova Zelandia est meridio-occidentalis Trianguli Polynesii angulus. Indigenae, Māori appellati, unam ex maioribus Polynesiae culturis exhibent; Nova Zelandia autem pars Australasiae usitate consideratur.[15]
- Latissima Oceaniae definitio omnem continet regionem inter Asiam continentalem et Americam, in ea re insulas in Ora Pacifica comprehendens, sicut Archipelagus Iaponiensis, Taivania, et Insulae Aleutianae.[18]
Demographica
Oceania
.svg)
Latius Oceania Geographica.
Paene nihil Oceniae in hoc gradu videtur, quamquam Havaii videri possunt prope orbis finientem boreorientalem.
| Area | 10,975,600 km2 (4,237,700 sq mi) |
|---|---|
| Numerus incolarum | 378 million (2010) |
| Zonae temporis | UTC+7 (Western Indonesian Time) ad UTC-6 (Insulam Paschalem) |
| Maximae Urbes | Jakarta Manila Sydney Bandung Melbourne Surabaya Medan |
.svg)
Tabula demographica infra edita subregiones et civitates Oceaniae geopoliticae exhibet.[15] Civitates et territoria hac in tabula secundum schema pro subregionibus geographicum abs Consociatione Nationum adhibitum digeruntur.[19]
| Nomen regionum, civitatibus sequentibus[20] | Area (km²) | Numerus incolarum | Frequentia incolarum (per km²) | Caput | ISO 3166-1 |
|---|---|---|---|---|---|
| Australasia[21] | |||||
| Australia | 7 686 850 | 22 028 000 | 2.7 | Canberra | AU |
| Nova Zelandia[22] | 268 680 | 4 108 037 | 14.5 | Wellington | NZ |
| Externa Australiae territoria: | |||||
| Insulae Ashmore et Cartier | 199 | ||||
| Insula Christi Natalis (Australia)[23] | 135 | 1493 | 3.5 | Flying Fish Cove | CX |
| Insulae Cocos (Keeling)[23] | 14 | 628 | 45.1 | Insula Occidentalis Insularum Keeling | CC |
| Insulae Maris Curalii | 10 | 4 | |||
| Insula Heard et Insulae McDonald | 372 | HM | |||
| Insula Norfolcensis | 35 | 2114 | 53.3 | Kingston | NF |
| Melanesia[24] | |||||
| Viti | 18 270 | 856 346 | 46.9 | Suva | FJ |
| Nova Caledonia (Francia) | 19 060 | 240 390 | 12.6 | Noumea | NC |
| Papua Nova Guinea[25] | 462 840 | 5 172 033 | 11.2 | Port Moresby | PG |
| Insulae Salomonis | 28 450 | 494 786 | 17.4 | Honiara | SB |
| Vanuatu | 12 200 | 240 000 | 19.7 | Portus Vila | VU |
| Micronesia | |||||
| Foederatae Micronesiae Civitates | 702 | 135 869 | 193.5 | Palikir | FM |
| Guamia (Civitates Foederatae) | 549 | 160 796 | 292.9 | Hagåtña | GU |
| Kiribati | 811 | 96 335 | 118.8 | Tarava Meridiana | KI |
| Insulae Marsalienses | 181 | 73 630 | 406.8 | Madzurum | MH |
| Nauru | 21 | 12 329 | 587.1 | Yaren (de facto) | NR |
| Insulae Mariannae Septentrionales (Civitates Foederatae) | 477 | 77 311 | 162.1 | Saipan | MP |
| Belavia | 458 | 19 409 | 42.4 | Melekeok[26] | PW |
| Wake (Civitates Foederatae) | 2 | 12 | Wake | UM | |
| Polynesia | |||||
| Samoa Americana (Civitates Foederatae) | 199 | 68 688 | 345.2 | Pagopago, Fagatogo[27] | AS |
| Insulae Cook (Nova Zelandia) | 240 | 20 811 | 86.7 | Avarua | CK |
| Insula Paschalis (Tsilia) | 163.6 | 3791 | 23.1 | Hanga Roa | CL |
| Polynesia Francica (Francia) | 4167 | 257 847 | 61.9 | Papeete | PF |
| Havaii (Civitates Foederatae) | 16 636 | 1 360 301 | 81.8 | Honolulu | US |
| Niue (Nova Zelandia) | 260 | 2134 | 8.2 | Alofi | NU |
| Pitcairn Insulae (Britanniarum Regnum) | 5 | 47 | 10 | Adamstown | PN |
| Samoa | 2944 | 179 000 | 63.2 | Apia | WS |
| Tokelau (Nova Zelandia) | 10 | 1431 | 143.1 | Nukunonu | TK |
| Tonga | 748 | 106 137 | 141.9 | Nukuʻalofa | TO |
| Tuvalu | 26 | 11 146 | 428.7 | Funafuti | TV |
| Vallis et Futuna (Francia) | 274 | 15 585 | 56.9 | Mata-Utu | WF |
| Total | 8 36 716 | 35 669 267 | 4.2 | ||
| Summa praeter Australiam continentalem | 849 866 | 13 641 267 | 16.1 | ||
Religio
Praepollens in Oceania temporibus hodiernis tractata religio est Christianitas. Plurimae religiones veteres sunt animistae, et populis qui moribus a maioribus posteris traditis student est fides spiritibus incommodis vel adeo malis (masalai in Tok Pisin). In recentioribus censibus Australianis et Novis Zelandicis, multi homines dicunt eis esse nullius religionis (categoria cui sunt humanismus, atheismus, agnosticismus, rationalismus). In Tonga et Samoa, vita quotidiana a memoriis Polynesiis et praecipue fide Christiana magnopere adficitur; Domus Sacrorum Bahaiensis, Tiapapatae in vico Samoano sita, est unus ex septem designationibus in fide Bahaiensi administratis.
Artes athleticae
Artes athleticae populo gratissimae sunt harpastum et pediludium. Aliae delectationes athleticae sunt basipila, canistriludium, criccetius, cultura physica, lapsus, natatio, et squash.
Ludi Pacifici
Ludi Pacifici (olim Ludi Pacifici Australis appellati) sunt certamina multarum artium athleticarum, multo sicut Olympia, in quibus autem solum civitates intra Pacificum sitae certare sinuntur. Anno 1963 coepit, et quoque quadriennio fit.
Foedus rugbiense
Foedus rugbiense est genus harpasti populo omnem per Oceaniam gratum, ars quidem athletica civitatis Papuae Novae Guineae,[28] popularissima in Australia,[29] et aliquantulum popularis in Nova Zelandia et Insulis Pacificis.[30]
Manus foederis rugbiensis civitatis Australiae et Novae Zelandiae sunt duo ex felicissimarum manuum orbis terrarum.[31] Australia calicem mundialem foederis rugbiensis novies abstulit (res inaudita), atque Nova Zelandia eius primum calicem mundialem anno 2008 abstulit. Australia anno 1957 fuit situs alterius certaminis mundialis. Australia et Nova Zelandia una fuit situs annis 1968 et 1977. Nova Zelandia primum fuit situs lusuum ultimorum annis 1985–1988, et Australia fuit situs anno 2008.
Alia genera rugbiensia
Unio rugbiensis est unus ex regionis artibus athleticis maximi momenti, atque etiam ars athletica civitatis Novae Zelandiae,[32] Samoae,[32] Vitiorum, et Tongae.[32] Praeterea, manus septiplex Vitiensis est unus ex felicissimis in orbe terrarum, ut est manus septiplex Novae Zelandiae. Nova Zelandia et Australia calicem mundialem rugbiensis bis ceperunt. Nova Zelandia primum World Cup anno 1987 cepit.
Criccetius
Criccetius est popularis aestatis ludus in Australia et Nova Zelandia. Criccetius litoralis, simplicius criccetii genus, in litore arenoso lusum, est oblectamentum in Australia populo gratum.
Criccetius etiam est ars athletica aestate certata magni momenti in cultura Oceanica. Examen Diei Capsificationis? Australianis est gratissimum, quotannis die 26 Decembris apud Melbourne Cricket Ground Melbourni in urbe certatum.
Pediludium regularum Australianarum
Pediludium regularum Australianarum est genus pediludii populo gratissimum in Australia,[33] et adeo publica civitatis Nauru ars athletica.[34] Id nuper factum est populo gratum in Papua Nova Guinea, cuius maior manus civitatis, Mosquitoes (Culices) appellata, primum in Ludis Arafurensibus Darwin in urbe Territorii Septentrionalis habitis prospere certavit, Novam Zelandiam in "Grand Final" vincens et clipeum aurem auferens.
Nexus interni
- Ars Oceaniae
- Circulus Ignis Pacificus
- Europeaei Oceania
- Feriae Artium Pacificarum
- Forum Insularum Pacificarum
- Geographia Oceaniae
- Historia militaris Oceaniae
- Historia Oceaniae
- Oceania (periodicum)
- Oeconomia Oceaniae
- Unio Pacifica
- Vexilla Oceaniae
Notae
Bibliographia
- Antheaume, Benoît, et Joël Bonnemaison. 1988. Atlas des îles et États du Pacifique Sud. Monte Pessulano: GIP RECLUS/PUBLISUD.
- Conte, Éric. 1992. Tereraa: Voyages et peuplement des îles du Pacifique. Tahiti: Éditions Polymages-Scoop. ISBN 2-909790-04-5.
- Douglas, Bronwen, et Chris Ballard, eds. 2008. Foreign bodies: Oceania and the science of race 1750–1940. Canberrae: ANU E Press. ISBN 978-1-921313-99-8.
- Douglas, Bronwen. 2012. Geography, Raciology and the Naming of Oceania. The Globe: Journal of the Australian and New Zealand Map Society 69.
- Grataloup,Christian. 2009. L'Invention des continents. Lutetiae: Larousse.
- Kaeppler, Adrienne L., Christian Kaufmann, et Douglas Newton. 1974. Ozeanien: Kunst und Kultur. Freiburgi: Herder. ISBN 3-451-22974-9.
- Kaeppler, Adrienne L., et Jacob Wainwright Love, eds. 1998. Australia and the Pacific Islands. Garland Encyclopedia of World Music, 9. Novi Eboraci et Londinii: Garland Publishing. ISBN 0-8240-6038-5.
- Lewis, Martin W., et Kären E. Wigen. 1997. The Myth of Continents: A Critique of Metageography. Berkeleiae: University of California Press. ISBN 0-520-20742-4, ISBN 0-520-20743-2.
- Malogne-Fer, Gwendoline, et Yannick Fer. 2009. Anthropologie du Christianisme en Océanie. Cahiers du Pacifique Sud. Lutetiae: L'Harmattan. ISBN 978-2-296-08143-7.
- Mückler, Hermann, et Ingfrid Schütz-Müller. 1997. Die Entdeckung der Südsee im Spiegel alter Karten, Ansichten und Reiseberichte. Vindobonae: Museum für Völkerkunde. ISBN 3-901005-07-2.
- "Oceania." 2005. The Columbia Encyclopedia. Editio sexta. Novi Eboraci: Columbia University Press. [2].
- "Oceania." 2006. Merriam Webster's Online Dictionary. Springfield Massachusettae: Merriam-Webster, Inc. Oceania—Definition from the Merriam-Webster Online Dictionary apud www.m-w.com.
- Noury, Arnaud, ed. 2005. Le Reflet de l'âme lapita, archéologie du lapita en Océanie. Versaliis. ISBN 2-9524455-0-8.
- Oliver, Douglas L. 1989. The Pacific Islands. Honolulu: University of Hawaii Press. ISBN 0-8248-1233-6.
- Sand, Christophe, et Patrick Vinton Kirch. 2002. L’Expédition Archéologique d’Edward W. Gifford et Richard Shutler, Jr. en Nouvelle-Calédonie au Cours de l’Année 1952. Les Cahiers de l’Archéologie en Nouvelle-Calédonie, 13. Noumeae: Département archéologie, Service des musées et du patrimoine de Nouvelle-Calédonie. ISBN 2-9509311-9-7.
| Civitates | Australia · †Iaponia · †Indonesia · Viti · Insulae Marsalienses · Insulae Palauenses · Insulae Salomonis · Samoa (Samoa Occidentalis) · Kiribati · Foederatae Micronesiae Civitates · Nauru · Nova Zelandia · Papua Nova Guinea · †Philippinae · †Timora Orientalis · Tonga · Tuvalu · Vanuatu |
|---|---|
| Territoria obnoxia | Insulae Aleutiae · Insula Baker · Insula Christi Natalis · Guama · Havaii · Insula Howland · Insulae Mariannae Septentrionales · Insula Norfolk · Nova Caledonia · Polynesia Francogallica · Rapanui (Insula Paschalis) · Samoa Americana · Tokelau · Uvea et Futuna · Insula Wake |
