Заднонепчена согласка

Заднонепчени согласки (меконепчени или велари)^[1][2] — согласки што се создаваат меѓу задниот дел од јазикот и задниот дел од непцето, т.е. мекото непце.

Бидејќи заднонепчениот дел на горниот дел од устата е релативно голем, а движењата на јазикот не се многу прецизни, заднонепчените согласки лесно претрпуваат едначење по звучност, поместувајќи ја творбата напред или назад, зависно од тоа какви се соседните самогласки. Честопати автоматски стануваат предни, т.е. делумно или целосно преднонепчени кога стојат пред предна самогласка и повлечени пред задни самогласки.

Палатализираните заднонепчени согласки (како /k/, мак. к) понекогаш се нарекуваат преднонепчено-заднонепчени („палатовелари“).Многу јазици имаат и лабијализирани заднонепчени согласки, како што е [kʷ], каде творбата е дополнета со заоблување на усните. Постојат и усненозаднонепчени согласки како [k͡p], што се создаваат со двојна творба: со задниот дел на непцето и со усните. Оваа разлика отсуствува кај приближната согласка [w], бидејќи лабијализацијата подразбира придодавање на уснена приближна творба во звукот. Оваа ситуација меѓународно се нарекува „лабиовелар“.

Во македонскиот, заднонепчени се гласовите г, к и х.^[2] Согласно Меѓународната фонетска азбука (МФА), постојат следниве заднонепчени согласки:

МФА	Опис	Пример
		Јазик	Правопис	МФА	Значење
	заднонепчена носна согласка	англиски	ring	[ɹʷɪŋ]	прстен
	безвучна заднонепчена избувна согласка	македонски	коса	[kɔsa]	коса
	звучна заднонепчена избувна согласка	македонски	игра	[igra]	игра
	безвучна заднонепчена струјна согласка	македонски	Охрид	[ɔxrit]	Охрид
	звучна заднонепчена струјна согласка	грчки	γάτα	[ɣata]	мачка
	безвучна усненозаднонепчена приближна согласка	англиски	which[3]	[ʍɪtʃ]	кој
	заднонепчена приближна согласка	шпански	pagar[4]	[paɰaɾ]	плаќа
	заднонепчена странична приближна согласка	вахги	aʟaʟe	[aʟaʟe]	вртоглав
	звучна усненозаднонепчена приближна согласка	англиски	witch	[wɪtʃ]	вептерка
kʼ	заднонепчена исфрлена согласка	арчински	кIан	[kʼan]	дно
ɠ	звучна заднонепчена уфрлена согласка	синди	g̈əro/ڳرو	[ɠəro]	тежок