Лукас Пакета
Лукас Пакета (роден на 27 август 1997 во Рио де Жанеиро, Бразил) — бразилски фудбалер, играч од средниот ред на Олимпик Лион и на бразилската репрезентација.
Лукас Пакета | |||
---|---|---|---|
Пакета во дресот на Брзил во 2017 година | |||
Лични податоци | |||
Полно име | Лукас Толентино де Лима | ||
Роден на | 27 август 1997 | ||
Роден во | Рио де Жанеиро, Бразил | ||
Држава | Бразил | ||
Висина | м | 1,80||
Позиција | среден ред | ||
Клупски податоци | |||
Сегашен клуб | Олимпик Лион | ||
Број | 12 | ||
Младинска кариера | |||
2007–2016 | Фламенго | ||
Кариера* | |||
Години | Клуб | Наст. | (Гол.) |
2016-2019 | Фламенго | 49 | (11) |
2019-2020 | Милан | 37 | (1) |
2020- | Олимпик Лион | 0 | (0) |
Репрезентација ‡ | |||
2016–2017 | Бразил 20 | 8 | (1) |
2018– | Бразил | 11 | (2) |
*Настапи и голови само на првенствени натпревари, според податок од 07:20, 7 мај 2019 (UTC) ‡ Настапи и голови за репрезентација, според податок од 5 јуни 2019 |
Клупска кариера
Рана кариера
Лукас Пакета пристигнал во Фламенго во 2007 година на возраст од 10 години. На 15-годишна возраст, тој бил многу технички обучен, но немал физичка способност како другите играчи на неговата возраст. Со младинскиот тим на Фламенго тој ја освоил титулата Копа Саун Пауло де Жуниор во 2016, најважниот младински турнир во Бразил. Покрај останатите играчи како Лео Дуарте, Фелипе Визеу и Роналдо, Лукас бил промовиран во професионалниот тим на клубот веднаш по натпреварот[1].
Фламенго
Во март 2016 година Пакета бил промовиран во првиот тим на Фламенго и потпишал договор до 2020 година[2]. На 5 март 2016, Лукас дебитирал како стартер во победата од 3:1 над Бангу во натпреварот за државна лига во Рио де Жанеиро во 2016 година[3]. Пакека го постигнал својот прв професионален гол на 19 февруари 2017 година со победа од 4-0 против Мадурера.
Пакета постигнал гол и во финалето на Купот на Бразил во 2017 година против Крузеиро на стадионот Маракана и во финалето Копа Судамерикана во 2017 година против Индепендиенте. Во двата натпревари, Фламенго бил поразен и останал второпласиран. Во финалето на Копа Судамерикана, тој бил прогласен за најдобар играч на Фламенго во натпреварот.
Милан
На 10 октомври 2018 година, новинските агенции низ Бразил и Италија објавиле дека бил договорен трансфер за сума од 35 милиони евра во ФК Милан[4] .
На 4 јануари 2019 година трансферот бил официјален, а Милан објавил дека играчот потпишал петгодишен договор[5][6][7]. Тој го избрал бројот 39 на својот дрес. Поради португалското потекло на неговата мајка, тој има право да се регистрира како европски играч[8].
Пакета го направил своето деби на 12 јануари 2019, играјќи 85 минути пред да го замени Фабио Борини, додека Милан ја победил ФК Сампдорија со 2:0 во дополнителното време во Купот на Италија[9][10]. Четири дена подоцна, Пакета настапил и во Суперкупот на Италија, што се одржал во Саудиска Арабија, каде што Јувентус го победил Милан со резултат од 1-0.[11] На 21 јануари 2019 година, Пакета дебитирал во Серија А во победата од 2-0 над ФК Џенова во стадионот Лујџи Ферарис. Својот прв гол за Милан го постигнал во победата со 3-0 против Каљари, за моментален резултат 2-0.[12]
Олимпик Лион
На 30 септември 2020, Пакета потпишал петгодишен договор со Олимпик Лион, во трансфер вреден 20 милиони евра.[13]
Репрезентативна кариера
Под 20 години
На 1 април 2016 година Пакета бил повикан за првпат да го претставува Бразил У20 на две пријателски натпревари во Европа[14]. Тој го постигнал својот прв гол во своето деби во победата од 2:1 против Англија У20 на 4 септември.
Во октомври 2016 година, тој бил повикан на турнирот Quadrangular de Seleções, каде настапил против Еквадор, Уругвај и Чиле.
Олимписка репрезентација
Кога имал 18 години, Пакета бил повикан да тренира со екипата на Бразил U23 во подготовките за Летните олимписки игри 2016 година. Тренерот Рогерио Микале повикал некои помлади играчи, родени во 1997 и 1998 година, вклучувајќи го и Лукас, да учествуваат на групна обука во надеж дека ќе се натпреваруваат на Летните олимписки игри во Токио[15].
Сениорска репрезентација
Во 2018 година, тој бил избран да биде еден од дванаесетте алтернативи за бразилската репрезентација од тренерот Тите за Светското првенство во 2018 година во Русија. Од 35-те играчи на списокот, Лукас бил најмладиот[16].
На 17 август 2018 година, Пакета првпат бил повикан за бразилската репрезентација од менаџерот Тите да игра на пријателски натпревари против САД и Ел Салвадор во септември[17]. На 7 септември, дебитирал со репрезентацијата, заменувајќи го Филип Кутињо во 71-вата минута за време на пријателскиот натпревар против САД[18]. На 23 март 2019 година, тој го постигнал својот прв гол во пријателскиот натпревар Панама кој завршил со резултат од 1:1[19]. Во мај 2019 година, тој бил вклучен во 23-члениот тим на Бразил за Копа Америка 2014 година[20].
Статистика
Клупска
- Обновено на 6 мај 2019.
Клуб | Сезона | Лига | Куп | Континентално | Останато | Вкупно | ||||||
---|---|---|---|---|---|---|---|---|---|---|---|---|
Лига | Натпревари | Голови | Натпревари | Голови | Натпревари | Голови | Натпревари | Голови | Натпревари | Голови | ||
ФК Фламенго | 2016 | Серија А | 0 | 0 | 0 | 0 | – | – | 2[lower-alpha 1][lower-alpha 2] | 0 | 2 | 0 |
2017 | 17 | 1 | 3 | 1 | 9[lower-alpha 3] | 2 | 8[lower-alpha 1][lower-alpha 2] | 2 | 37 | 6 | ||
2018 | 32 | 10 | 6 | 0 | 7[lower-alpha 4] | 0 | 11[lower-alpha 1] | 2 | 56 | 12 | ||
Вкупно | 49 | 11 | 9 | 1 | 16 | 2 | 21 | 4 | 95 | 18 | ||
ФК Милан | 2018–19 | Серија А | 13 | 1 | 3 | 0 | – | – | 1[lower-alpha 5] | 0 | 17 | 1 |
Вкупно | 62 | 12 | 12 | 1 | 16 | 2 | 22 | 4 | 112 | 19 |
Меѓународна
- Обновено на 26 март 2019.[21]
Бразил | ||
---|---|---|
Година | Натпревари | Голови |
2018 | 2 | 0 |
2019 | 2 | 1 |
Вкупно | 4 | 1 |