Наша ера

Наша ера или скратено н.е. (латински: Anno Domini, кратенки — AD или A.D.; англиски: Common/Current Era, кратенка CE) како и изразот пред наша ера (англиски: Before Christ и скратено BC или B.C. или Before the Common/Current Era и скратено BCE) — ознаки за одредување на годините користени од јулијанскиот и грегоријанскиот календар.

Поделбата е направена според раѓањето на Исус Христос, при што со н.е. се обележуваат годините после започнувањето на оваа ера, а со п.н.е. годините пред тоа.

Според оваа шема, не постои година обележана како година нула, па така годината 1 н.е. е веднаш после 1 п.н.е. Овој систем е измислен во 525 година, и не бил широко користен сè до времето на ренесансата.^[1]