Независен политичар

Независен политичар — поединечен политичар кој не е поврзан со ниту една политичка партија. Постојат повеќе причини зошто некој би се кандидирал за функција како независен кандидат. Меѓу поважните се: ако застапува политика која е поразлична од таа на големите партии, ако во одредена земја треба големо членство да се регистрира партија, или поради традицијата во некои држави да се гласа за независни кандидати. Некои независни политичари може да бидат поврзани со одредена партија ако биле нејзини поранешни членови или ако се актуелни членови но не се согласуваат со некои партиски одлуки. Кога се натпреваруваат на избори, независните кандидати често бараат поддршка од некои партии или од влијателни лица од политиката.