Филипо Инѕаги

Филипо "Пипо" Инѕаги, Ufficiale OMRI (италијански изговор: [fiˈlippo inˈtsaːɡi];^[2] роден 9 август 1973 година) — италијански фудбалски тренер и поранешен фудбалер. Тој е моментално без ангажман откако последно беше тренер на екипата на Болоња во 2019 година.

Филипо Инѕаги
Лични податоци
Полно име	Филипо Инѕаги
Роден на	9 август 1973(1973-08-09) (50 г.)
Роден во	Пјаченца, Италија
Висина	м
Играчки податоци
Позиција	напаѓач
Повлекување	1 јули 2012 (38 г.)- како играч
Младинска кариера
	Пјаченца
Кариера*
Години	Клуб	Наст.†	(Гол.)†
1991–1995	Пјаченца	39	(15)
1992–1993	→ Албинолефе	21	(13)
1993–1994	→ Верона	36	(13)
1995–1996	Парма	15	(2)
1996–1997	Аталанта	33	(24)
1997–2001	Јувентус	122	(58)
2001–2012	Милан	202	(73)
Total		466	(197)
Репрезентација
1993–1996	Италија 21	14	(3)
1997–2007	Италија	57	(25[1])
Раководител на екипите
2013–2014	Милан (Примавера)
2014–2015	Милан
2016–2018	Венеција
2018–2019	Болоња
Сениорските учества и голови се сметаат само за домашни натпревари. † Учества (Голови).

Инѕаги настапувал на позицијата напаѓач за неколку италијански клубови, а најголемиот дел од својата кариера го поминал во екипите на Јувентус и Милан, со кој освои две титули во Лигата на шампионите во (2003 и 2007), и три скудета во Серија А, едно со Јувентус во 1998 година и две со Милан во 2004 и 2011 година. Тој е еден од најплодните напаѓачи на сите времиња, и е на петтото место во Италија, со 313 постигнати голови во официјалните натпревари. Тој во моментов е четврти голгетер на УЕФА евиденција на клупско натпреварување и статистика со постигнати 70 гола, веднаш зад Раул Гонсалес, Лионел Меси и Кристијано Роналдо. Тој е, исто така, врвен меѓународен стрелец на Милан во историјата на клубот со 43 голови. Исто така го држи рекордот со најмногу хет-трика во Серија А - 10.

На репрезентативно ниво, Инѕаги забележал 57 настапи за италијанската репрезентација во периодот меѓу 1997 и 2007 година, постигнувајќи 25 гола. Тој ја претставувал својата земја на три Светски првенства, и бил во составот 2006-тата година на Светско првенство во Германија каде италијанците го освоиле златниот медал. Исто така тој учествувал и на Европскот првенство 2000, каде што го освоил второто место на турнирот.