PubMed Central
PubMed Central (PMC) — бесплатно складиште на стручни написи од полето на медицината и биотехнологијата. Како една од главните бази на истражувачки податоци на Националниот центар за биотехнолошки информации (NCBI), PubMed Central не е само складиште на документи. Информациите поднесени на PMC се заведуваат (ндексираат) и срочуваат со дополнети метаподатоци, медицинска онтологија и единствени назнаки кои ги зборатуваат структурираните XML-податоци за секој напис.[1] Содржините на PMC can можат да се поврзат со други бази на NCBI, и да бидат достапни преку пребарувачкиот систем Entrez, што ѝ овозможува на јавноста подобрен начин на откривање, читање и надградување на биомедицинските сознанија.[2]
| Издавач | Национална медицинска библиотека (САД) |
|---|---|
| Историја | 2000 - |
| Пристап | |
| Цена | бесплатно |
| Опфат | |
| Полиња | медицина |
| Записна продорност | индекс, извадок и полн текст |
| Опфатени формати | стручни написи |
| Бр. на записи | 9.700.000  |
| Врски | |
| Мреж. место | https://www.ncbi.nlm.nih.gov/pmc/ |
| Список на наслови | https://www.ncbi.nlm.nih.gov/pmc/journals/ |
PubMed Central е одделен проект од PubMed.[3] PubMed Central е бесплатна дигитална архива ан целосни написи, достапни секому во секое време преку прелистувач (со различни уредби за понатамошна употреба). За разлика од тоа, иако PubMed е пребарлива база на одредници за биомедицински наслови и извадоци, полнотекстните написи се сместени на други места (печатени или семрежно, бесплатно или со претплата).
Во декември 2018 г. архивата на PMC содржела преку 5,2 милиони написи,[4] со учество од издавачи и автори кои ги поднесуваат нивните ракописи во сладиштето согласно правилата на NIH. Од јануари 2013 до јануари 2014 г. поднесоците на авторска иницијатива броеле над 103.000 трудови во текот на тие дванаесет месеци.[5] PMC опфаќа околу 4.000 стручни списанија кои придонесуваат кон складиштето со нивните објавени содржини.[6] Некои издавачи ги поднесуваат содржините на PubMed Central извесно време по нивното издавање („период на ембарго“), и тоа од неколку месеци до неколку години (најчесто 6-12 месеци). PubMed Central е клучен пример за „систематска надворешно распространување од трето лице“[7] кое сè уште е недозволено според договорите на многубројни издавачи со нивните автори.
Поврзано
Наводи
Надворешни врски
PubMed Central на Ризницата ?- PubMed Central — матична страница (англиски)
- Систем за поднесување на Националниот здравствен институт на САД (NIHMS) (англиски)
- Правила за јавен пристап на NIH (англиски)
