मोहम्मद बिन सलमान
मोहम्मद बिन सलमान बिन अब्दुला जिज अल साउद (अरबी: محمد بن سلمان بن عبدالعزيز آل سعود) जन्म ३१ अगस्ट १९८५ [२][३]), साउदी अरबका युवराज हुन् र प्रथम उप-प्रधानमन्त्री [४] आर्थिक तथा विकास मामिला परिषदको अध्यक्ष र रक्षा मन्न्री -( समयको सबैभन्दा युवा रक्षामन्त्री) को रूपमा सेवा गरिरहेका छन् [५] उनलाई आफ्नो बुबा, सलमान बिन अब्दुलाजिज अल साउद, को सिंहासनको शक्तिको रूपमा वर्णन गरिएको छ, जो अल्जाइमरबाट ग्रसित छन्। [६] उनी आफ्ना पिताले मुहमद बिन नयेफलाई सम्पूर्ण पदबाट हटाउने निर्णय गरेर मोहम्मद बिन सलमानलाई आफ्नो उताराधिकारी बनाएपछी , युवराज नियुक्त भएका थिए।[७][८][९][१०] साउदी अरबले आफ्नो छिमेकी संयुक्त अरब इमिरेट्स आफू भन्दा कनिष्ठ ठान्ने गरेपनि साउदी युवराज आबु धाबी को इमिरेट्स को युवराज तथा वास्तविक नेता मोहम्मद बिन जायद अल नाहयानबाट प्रभावित छन्। [११][१२]
मोहम्मद बिन सलमान | |
---|---|
साउदी अरबको युवराज | |
पद बहाली २१ जुन २०१७ | |
एकाधिपति | राजा सलमान |
पूर्वाधिकारी | मुहमद बिन नयेफ |
साउदी अरबको रक्षामन्त्री | |
पद बहाली २३ जनवरी २०१५ | |
एकाधिपति | राजा सलमान |
पूर्वाधिकारी | अब्दुल्ला इब्न अलाजिज सऊद |
व्यक्तिगत विवरण | |
जन्म | मोहम्मद बिन सलमान बिन अब्दुला जिज अल साउद ३१ अगस्ट १९८५ रियाद, साउदी अरब |
जीवन साथी | सारा बिन्त मशूर[१] |
सन्तान(हरू) | ४ |
अभिभावक |
|
उनले धार्मिक प्रहरीहरूको नियमन कडाई, र महिला सवारी चालकमाथिको प्रतिबन्ध हटाउने जस्ता धेरै सफल सुधारहरूको नेतृत्व गरे। उनको कार्यकालमा भएका अन्य सास्कृतिक विकासमा महिला कलाकारद्वारा गरिएको पहिलो साउदी सार्वजनिक सांगीतिक कार्यक्रम, साउदी खेलकुद रङ्गशालामा महिलालाई भर्ना, र कर्मचारी कार्यक्षेत्रमा महिलाको सङ्ख्या वृद्धि रहेका छन्। [१३] उनको प्रस्तावित साउदी २०३० भिजनमा आर्थिक, सामाजिक र धार्मिक परिवर्तन उल्लेख गरिएको छ राज्यको स्वामित्वमा रहेको आरामको कम्पनीलाई सार्वजनिक कम्पनी बनाउने योजना रहेको छ।[१४][१५][१६]
साउदी आन्तरिक मामिलाको उदारीकरण साउदी युवराजको कदमको अन्तरास्ट्रिय रूपमा प्रशंसा भए पनि भाष्यकार र मानव अधिकारवादी समुहहरूले उनको 'मानवअधिकारकर्मी नजरबन्द र यातना', 'यमनमा गरिएको हस्तक्षेप' र 'साउदीको कतारसँगको कुटनीतिक सङ्कट' [१७] र 'लेबनान सँग कुटनीतिक संकटको' सुरुवात र साथ साथै नोबेम्बर २०१७ मा साउदी राजपरिवार सदस्यको पक्राउको लागि सलमानको नेतृत्वको आलोचना गर्छन्।[१८][१९][२०] गरिएको सुधारहरु, मानव अधिकारवादीहरूको पक्राउ तथा उत्पीडनक बाबजुद मोहमद बिन सलमानको कार्यकालमा मानव अधिकारवादीको उपस्थिति बढिरहेको छ। "एमनेस्टी इन्टरनेसनल" र "ह्युमन राइट वाच"ले मानव अधिकार हननको आरोपमा साउदी सरकारको आलोचना गरिरहेका छन्।[२१][२२][२३]
प्रारम्भिक जीवन र शिक्षा
मोहमद बिन सलमानको जन्म ३१ अगस्ट १९८५ मा भएको थियो। उनी राजा सलमान बिन अब्दुलाजिज अल साउद र उनकी तेश्रो पत्नीको पुत्र थिए। [२४][२५]
राजकुमार मोहमद बिन सलमान आफ्नो आमाको सन्तान मध्ये जेठो थिए। उनका सहोदरहरु तुर्की बिन सलमान र खालिद बिन सलमान थिए।[२६] राजकुमार मोहमद बिन सलमानले किङ साउद युनिभर्सिटीबाट कानुनमा स्नातक गरेका छन्।[२७]
वृति
कलेजबाट स्नातक भएपछि, मोहम्मद बिन सलमानले आफ्नो आफ्नो पितालाई व्यक्तिगत सहयोग गर्नु अघि निजी क्षेत्रमा धेरै वर्ष बिताए। उनले साउदी मंत्रिमण्डलका लागि विशेषज्ञहरू आयोगको लागि परामर्शदाताको रूपमा काम गरे।[२८]
न्यायालयको प्रमुख
जुन २०१२ मा युवराज नयेफ बिन अल साउदको मृत्यु भयो र राजकुमार बिन सलमान मर्यादाक्रममा दुई ओहोदा माथि पुगे जब उनका पिता नया युवराज तथा प्रथम उप प्रधानमन्त्री बने। उनले चाडैनै न्यायालयमा आफ्नो छवी प्रस्तुत गरे। २ मार्च २०१३ मा उनलाई मन्त्रीको दर्जा दिइयो ।[२९][३०][३१] २५ अप्रिल २०१४ मा राजकुमार मोहमद राज्य मन्त्री नियुक्त गरियो ।[३२]
रक्षामन्त्री तथा युवराज
२३ जनवरी २०१५ मा, राजा अब्दुल्लाहको निधन भएपछी उनका पिता राजा सलमानले गद्धी सम्हाले र राजकुमार बिन सलमान रक्षामन्त्री नियुक्त भए। [३३] यसै मितिमा उनलाई शाही न्यायालयको सह-सचिव तोकियो।[३४] यसैमा उनको राज्य मन्त्रीको ओहोदाको पनि निरन्तरता दिइयो।[३५][३६]
युवराज
मोहमद बिन सलमान २१ जुन २०१७ मा युवराज नियुक्त भए जब उनका पिताले मोहमद बिन नयेफलाई हटाएर उनलाई सिंहासनको उत्तराधिकारी बनाउने निर्णय गरे। [३७] उत्तराधिकारीको परिवर्तनको अनुमान डिसेम्बर २०१५ तिर जर्मनीको गुप्तचरले गरेको थियो। [३८][३९][४०]