लुक ह्वाट यु मेड मी डु

२३ अगस्ट २०१७ मा स्विफ्टले आफ्नो आउँदै एल्बम रेपुटेसनको पहिलो गीत अर्को रात सार्वजनिक गर्ने घोषणा गरेकी थिएन्।^[४] यस गीतलाई स्ट्रिमिङ सेवा स्पोटिफाईमा २४ अगस्टका दिन सार्वजनिक गरिएको थियो भने यसलाई २४ घण्टामा स्पोटिफाईमा ८ मिलियन पटक बजाइएको थियो जसले गर्दा गीतले स्पोटिफाईमा एक नयाँ कीर्तिमान कायम गरेको थियो।^[५] यस गीतले कायम गरेको कीर्तिमान सन् २०१८ मा ड्रेकको गड्स प्लान नामक गीतले तोड्दै २४ घण्टामा सबैभन्दा धेरै पटक बजाइएको गीतमा कीर्तिमान राखेको थियो।^[६] "लुक ह्वाट यु मेड मी डु"लाई अर्को दिन बिग मेसिन रेकर्ड्सद्वारा आइट्युन्समा डिजिटल डाउनलोडका लागि र इटाटेली कन्टेम्पोररी हिट रेडियोमा सार्वजनिक गरिएको थियो।^[७] यस गीतलाई पछि २६ अगस्ट २०१७ का दिन संयुक्त अधिराज्यमा पनि निस्कासन गरिएको थियो।^[८] २७ अक्टोबर २०१७ मा गीतलाई जर्मनीमा सिडी एकलको रूपमा सार्वजनिक गरिएको थियो। ^[९]

यस गीतको सार र बोल समावेश गरिएको एक भिडियो २५ अगस्ट २०१७ का दिन स्विफ्टको आधिकारिक भिभो खाता सार्वजनिक गरिएको थियो जुन सउल बेसको एक चलचित्रको आधारमा निर्माण गरिएको थियो।^{[१०][११]} उक्त भिडियोमा जोसेफ केनको निर्देशन रहेको छ। यस भिडियोलाई भिभो र स्विफ्टको आधिकारिक युट्युब खातामा सार्वजनिक गरेपछि यसले २४ घण्टामा १९ मिलियन अवलोकन पाएको थियो जसलाई पछि कोल्डप्लेको "समथिङ जस्ट लाइक दिस"ले तोडेको थियो।^[१२] अक्टोबर २०१८ का अनुसार युट्युबमा राखिएको यस भिडियोलाई दर्शकहरूले १०० मिलियन भन्दा बढि पटक हेरेका छन्।

"लुक ह्वाट यु मेड मी डु" गीत ३ मिनेट ३१ सेकेन्डको लामो छ भने यो गीत इलेक्ट्रो पप र इलेक्ट्रो क्लास पप सङ्गीतको वरियतामा पर्छ। यस गीतका केही टुक्काहरूमा शत्रुलाई आरोप लगाएको छ।^[१३] यस गीतलाई १२८ बिट प्रति मिनेटको गतिमा रेकर्ड गराइएको छ। यस गीतमा बेलायती साङ्गीतिक समूहका सदस्यहरू रिचार्ड फियरब्रास, फ्रिड फियरब्रास र रब मन्जोलीले गीतकारको रूपमा काम गरेका छन्।^[१४] फ्रिड फियरब्रासका अनुसार उनलाई र उनको भाइलाई गीत सार्वजनिक हुनु भन्दा १ हप्ता अगाडि डाकिएको थियो तर उनीहरूले सहमत भएतापनि उनीहरूले कलाकार चाहिँ खेजिसकेका थिएनन्। फियरब्रास दाजुभाइले पछि स्विफ्टसँग कार्य गर्ने निदो गरेका थिए। फियरब्रास दाजुभाइका अनुसार उनीहरूले "लुक ह्वाट यु मेड मि गीत"को एकदम मजा लिएका थिए।^{[१५][१६]}

संयुक्त राज्य अमेरिकामा "लुक ह्वाट यु मेड मी डु" तीन दिनको शक्तिशाली अनलाइन एयरप्लेका कारण बिलबोर्ड हट १००मा ७७औँ स्थानका साथ चार्ट प्रवेश गरेको थियो। यस गीतले सार्वजनिक भएको पहिलो हप्ता २००,००० प्रतिलिपीहरू बिक्री गरेको थियो भने गीत सबैभन्दा छोटोे समयमा सबैभन्दा धेरै प्रतिलिपी बिक्री गर्ने गीत पनि बनेको थियो।^[१७] गीत एक हप्ता पनि ७७औँ स्थानबाट सिधै शीर्ष स्थानमा आएको थियो जुन स्विफ्टका गीतहरूमा चार्टमा सबैभन्दा लामो छलाङ लगाउने गीत बनेको थियो। तात्कालिक समयमा गीतले लुइस फोन्सी र ड्याडी याङ्कीको गीत "देस्पासितो"लाई १६ हप्ते बिलबोर्डक शीर्ष स्थानबाट हटाएको थियो।^[१८] यस गीतलाई नेसन्स स्ट्रिमिङ सङ चार्टमा सार्वजनिक भएको पहिलो हप्ता ८४.४ मिलियन पटक बजाइएको थियो जसले गर्दा गीतले एक महिला कलाकारको गीतहरूको मध्यको सबैभन्दा धेरै बजाइएको गीत बनेको थियो।^[१९] यस गीत सन् २०१७ को सबैभन्दा धेरै सुनिएको गीत पनि बन्न सफल भएको थियो। गीत बिलबोर्ड चार्टमा लगातार तीन हप्ता शीर्षमा रहेपछि यस गीतलाई अमेरिकी हिप हप कलाकार तथा र्‍यापर कार्डि बीको "बोडाक एल्लो" नामक गीतले पछि परेको थियो भने गीत १ स्थान तल झर्दै दोस्रो स्थानमा आएको थियो।^[२०] पहिलो हप्ता ३५३,००० प्रतिलिपी बिक्री गरेपछि गीत बिलबोर्ड डिजिटल डाउनलोड सङ चार्टमा पनि शीर्ष स्थानमा आएको थियो। यो गीत देशको पहिलो नम्बर १ बनेको थियो भने त्यहाँ भन्दा पहिला सन् २०१६ हल्जि र द चेनस्मोकर्सको "क्लोजर" र सिया र सिन पलको "चिप थ्रील" परेको थियो। त्यस लगायत गीत एडेलको "हेल" पछि एक महिला कलाकारको गीतको रूपमा बिलबोर्ड चार्टको शीर्षमा आउने पहिलो गीत बनेको थियो।^[२१] गीत दोश्रो हप्ता पनि बिलबोर्ड चार्ट र स्ट्रिमिङ चार्टको शीर्ष स्थानमा रहिरहेको थियो भने तात्कालिक समयमा गीतका ११४,००० थप प्रतिलिपीहरू बिक्री भएका थिए भने गीतलाई स्ट्रिमिङ माध्यममा ६१.२ मिलियन पटक बजाइएको थियो। गीत डिजिटल चार्टमा एक स्थान तल झर्दै दोश्रो स्थानमा आएको थियो भने स्विफ्टकै रेपुटेसनको अर्को एकल गीत "...रेडि फर इट?"ले १३५,००० प्रतिलिपीहरू बिक्री गर्दै चार्टको शीर्ष स्थानमा आएको थियो जसका कारण एकै कलाकारको पहिलो हप्ता दुईवटा गीतहरूले १००,००० प्रतिलिपीहरू बिक्री गरेका कारण स्विफ्ट पहिलो महिलो कलाकार बनेकी थिइन्। रेपुटेसका दुई गीत बिलबोर्ड शीर्ष ५ मा आएपछि यस्तो सन् २०१५ पछि पहिलो पटक भएको थियो जहाँ स्विफ्टको १९८९ एल्बमका सेक इट अफ र ब्ल्याङ्क स्पेस बिलबोर्डको शीर्ष ५ मा आएको थियो।^[२२] लुक ह्वाट यु मेड मी डु"ले बिलबोर्ड मुख्यधारा प्रवाह सङ्गीत तालिकामा पनि शीर्ष स्थानमा आएको थियो जुन चार्टको शीर्ष स्थानमा आउने स्विफ्टको ८ओँ गीत थियो। तथापि मुख्यधारा प्रवाह सङ्गीत तालिकामा शीर्ष स्थानमा पुग्न एक हप्ता पछि यो गीत ७औँ स्थानमा झरेको थियो जुन चार्टको इतिहासकै सबैभन्दा ठूलो गिरावट थियो।

गीतले संयुक्त अधिराज्यमा सार्वजनिक भएको एक हप्ता नपुग्दै २०,००० प्रतिलिपी बिक्री गरेको थियो र गीतलाई २.४ मिलियन पटक बजाइएको थियो।^[२३] १ सेप्टेम्बर २०१७ का दिन गीत संयुक्त अधिराज्यको शीर्ष स्थानमा आउन सफल भएको थियो भने गीतले तात्कालिक समयमा ३०,००० प्रतिलिपीहरू बिक्री गरेको थियो।^[२४] दुई हप्ता आधिकारिक चार्ट कम्पनीको शीर्ष स्थानमा रहेपछि गीतलाई श्याम स्मिथको "टु गुड एट गुडबाइज"ले पछि पारेको थियोे।^[२५]

१ सेप्टेम्बर २०१७ का दिन गीतले गणतन्त्र आयरल्यान्डको आधिकारिक चार्टमा पनि शीर्ष स्थानमा आएको थियो भने यस गीत आइरीस एकल चार्टमा शीर्ष स्थानमा आउने स्विफ्टको पहिलो गीत बनेको थियो। यस गीतले स्विफ्टका अन्य दुई गीत लभ स्टोरी र सेक इट अफ लाई पार गरेको थियो भने उक्त गीतहरू चार्टका तेस्रो स्थान सम्म मात्र पुगेका थिए।

२ सेप्टेम्बर २०१७ का दिन "लुक ह्वाट यु मेड मी डु" गीतले अस्ट्रेलियाको आधिकारिक चार्ट कम्पनी एरिया चार्टमा शीर्ष स्थानमा आएको थियो जुन उनको एरिया चार्टको शीर्ष स्थानमा आउने ५औँ गीत थियो।^[२६] गीत अर्को हप्ता पनि एरिया चार्टको शीर्ष स्थानमा रहेको थियो भने त्यसको अर्को हप्ता गीतलाई श्याम स्मिथको "टु गुड एट गुडबाइज"ले पछि पारेको थियो।^[२७] गीतले अस्ट्रेलिया को आधिकारिक चार्ट कम्पनीबाट प्लेटिनम रेकर्डको प्रमाणपत्र प्राप्त गरेको थियो।^[२८] गीत क्यानडाको आधिकारिक चार्टको शीर्ष स्थानमा आएपछि यसले क्यानडेली रेकर्ड कम्पनीबाट म्युजिक क्यानडाबाट पनि प्लेटिनम प्रमाणपत्र प्राप्त गरेको थियो।^{[२९][३०]}

न्युजिल्यान्डको आधिकारिक चार्ट कम्पनीमा पनि गीत १ सेप्टेम्बर २०१७ का दिन शीर्ष स्थानमा आएको थियो जुन स्विफ्टको गीतहरू मध्य चार्टमा शीर्ष स्थानमा आउने चौँथो गीत थियो।

गीत सार्वजनिक भएको पहिलो हप्ता फिलिपिन्सको आधिकारिक चार्ट कम्पनी फिलिपिन्स हट १०० मा गीत ७औँ स्थानमा आउँदै चार्ट प्रवेश गरेको थियो भने अर्को हप्ता गीत चार्टको शीर्ष स्थानमा आएको थियो जहाँ यस गीतले जस्टिन बिबर, लुइस फोन्सी र ड्याडि याङ्कीको "देस्पासितो"को दश हप्ते शीर्ष स्थानबाट हटाएको थियोे। यस गीत अर्को हप्ता एक स्थान तल झरेको थियो भने पछि पुन गीतले ११ हप्ता सम्म शीर्ष स्थानमा स्थान बनाउन सफल भएको थियो।

उत्पादन र सार्वजनिक

यस गीतको भिडियोका लागि तयारी सन् २०१७ जनवरीमा सुरु गरिएको थियो भने भिडियोको छायाङ्कन मे महिना देखि गरिएको थियो।^{[३१][३२]} यस भिडियोका लागि टाइस डेरियोले स्विफ्ट र अन्य नर्तकहरूलाई नाच सिकाएका थिए जसले स्विफ्टको पहिलोको गीत सेक इट अफमा पनि नाच सिकाउने काम गरेका थिए। यस भिडियोमा स्विफ्टलाई केही छ्यणका लागि किच्कन्डि जस्तो बनाइएको थियो जसमा श्रृङ्गारको काम बिल कर्सोले गरेका थिए। यस भिडियो सार्वजनिक हुनुभन्दा अगाडि गुड मर्निङ अमेरिकामा २० सेकेन्डको एक छोटो भिडियो प्रसारण गरिएको थियोे।^[३३]

यस गीतको आधिकारिक सङ्गीत भिडियो सन् २०१७ को एमटिभी म्युजिक भिडियो अवार्डका दिन २७ अगस्ट २०१७ मा पहिलोपटक सार्वजनिक गरिएको थियो।^[३४] यस भिडिलाई स्विफ्टको आधिकारिक युट्युब खातामा सार्वजनिक गरेपछि यस भिडियोलाई पहिलो २४ घण्टामा ४३.२ मिलियन पटक हेरिएको थियो जसले गर्दा यसले युट्युबमा पहिलो २४ घण्टामा सर्बाधिक हेरिएको भिडियोमा एक नयाँ कीर्तीमान कायम गरेको थियो। यस भिडियोको कीर्तिमानलाई सन् २०१८ अगस्टमा साङ्गीतिक समूह बिटिएसको "आइडल" नामक गीतले उछिनेको थियो।^{[३५][३६][३७]} भिडियो सार्वजनिक भएको पहिलो दिन यसलाई प्रति मिनेट ३०,००० का दरले हेरिएको थियो भने एक घण्टामा ३ मिलियन पटक हेरिएको थियो। सन् २०१९ जनवरीका अनुसार यस भिडियोलाई युट्युबमा १ बिलियन पटक हेरिएको छ भने यो भिडियो युट्युबमा सर्बाधिक हेरिएको भिडियोहरूको सूचीमा ९०औँ स्थानमा पर्न आएको छ। यस भिडियोले युट्युबमा ८.१ मिलियन जनाले मन पराएका छन् जसले गर्दा यस भिडियो युट्युबमा सबैभन्दा धेरै मनपराइएका भिडियोहरू मध्ये २७औँ स्थानमा रहेको छ।^[३८]

यस भिडियोमा प्रचुर मात्रामा हिराहरूको प्रयोग गरिएको छ जसको कुल मुल्य १० मिलियन अमेरिकी डलरको रहेको छ।^[३९] रेलिङ स्टोनका अनुसार यस भिडियोलाई पाँचौ उत्कृष्ट भिडियोको दर्जामा राखिएको छ भने यस भिडियोलाई बिलबोर्डले उत्कृष्ट भिडियोको छैटौँ स्थानमा दर्जा दिएको छ।

सार

"लुक ह्वाट यु मेड मी डु" गीतको भिडियोको सुरुमा एक स्विफ्टलाई देखाइन्छ भने उनी एक किच्कन्डिको रूपमा एक चिहानबाट बाहिर आएको देख्न सकिन्छ भने उक्त चिहानमाको माथिल्लो भागमा "यहाँ टेलर स्पिफ्टको रेपुटेसन रहेको छ" (Here Lies Taylor Swift's reputation) लेखिएको देखिन्छ। त्यसपछि अर्को दृश्यमा एक स्नाक कक्ष देख्न सकिन्छ भने त्यसको वरिपरि हिराहरूले सजाइएको देखिन्छ। उक्त कक्षमा स्विफ्ट चिया पिउने एक कप लाएर बसिरहेकी हन्छिन् भने उनको हातका औँलामा एक सर्पले घेरेको देखिन्छ। त्यसपछि स्विफ्टले आँफुले चलाएको कारलाई एक खम्बामा ठोक्काउँछिन जसले गर्दा कारका सबै काँचहरू फुट्छन् भने त्यहाँ उनलाई विभिन्न मानिसहरूले घेर्दै उनको तस्वीर खिच्छन्। त्यसैगरि अर्को दृश्यमा स्विफ्ट एक ठूलो पिन्जडा भित्र पिङ खेलेको देख्न सकिन्छ भने अर्का तिर धेरै मानिसहरू बिरालोको टाउको जस्तो मुकुन्द लगाएको देखिन्छ र त्यसपछि स्विफ्टले एक मोटरसाइकल चलाउने टोलीको नेतृत्व गरेको देख्न सकिन्छ।^[४०] त्यसपछि स्विफ्ट एक हल भित्र छिर्छिन् भने त्यहाँ धेरै पुरुष र महिलाहरू देखा पर्छन् जहाँ उनले नृत्य गर्छिन्।^{[४१][४२][४३]}

स्विफ्टले पहिलोपटक "लुक ह्वाट यु मेड मी डु"को प्रत्यक्ष प्रस्तुति १ डिसेम्बर २०१७ मा क्यालिफोर्नियामा आयोजित जङ्गल बेल २०१७ कार्यक्रममा दिएकी थिइन्।^[४४] त्यस कार्यक्रमको दुई दिन पछि स्विफ्ट मञ्चमा फर्किँदै क्यालिफोर्नियाको सान होसे आयोजित एक कार्यक्रममा पनि प्रस्तुति दिएकी थिइन्।^[४५] त्यस कार्यक्रमको एक हप्ता पछि स्विफ्टले तीन फरकफरक स्थानमा पनि उक्त गीतको प्रस्तुति दिएकी थिइन्। यस गीतलाई स्विफ्टले आँफ्नो रेपुटेसन विश्व भ्रमणका बेलामा पनि विभिन्न देशहरूमा आयोजित कार्यक्रममा पनि प्रस्तुत गरेकी थिइन्।^{[४६][४७][४८]}

• टेलर स्विफ्ट – स्वर, लेखक र पृष्ठभूमि स्वर
• ज्याक एन्टोनअफ – सह- गीतकार, निर्माता, प्रोगामिङ, सामग्री व्यवस्थापन
• फ्रिड फिअरबेस –
• लरा सिक – समायोजक
• फिलिप ए. पिटरसन – सेलुलोस
• एभन स्मिथ – सेक्सोफोन
• सर्बन गिनि – समायोजन
• जोन हेन्स – समायोजनमा सहयोग
• रेन्डि मिरिल – मास्टरिङ

• गीतको सार युट्युबमा हेर्नुहोस्