Aflatoksin
Aflatoksin (frå afla- (samantrekking av Aspergillus flavus) og toksin) er ei gruppe nærskylde gifter kjende frå slekta strålemuggsoppar.[1] Dei vert i hovudsak produserte av artane lumsk strålemugg (Aspergillus flavus) og Aspergillus parasiticus, som kan leva saman og veksa på nesten kva som helst mat og avling.[2]
-Aflatoxin_B1_Structural_Formulae_V.1.svg)
Aflatoksina vart oppdaga i 1960 og isolerte i 1961 etter at nokre kalkunkyllingar vart forgifta av peanøttmjølet dei var fôra med. Aflatoksina er kjemisk avleidde av kumarin. Dei er stabile og særs giftige av di dei mellom anna framkallar mutasjonar og kreftutvikling, særleg i levra.[1]
Dei fleste artane av strålemuggsoppar som produserer aflatoksin er frå seksjonen Flavi. Døme på artar som produserer aflatoksin (frå heile slekta):[2][3]
- Aspergillus arachidicola
- Aspergillus bombycis
- Aspergillus minisclerotigenes
- Aspergillus nomius
- Aspergillus ochraceoroseus
- Aspergillus parvisclerotigenus
- Aspergillus pseudocaelatus
- Aspergillus pseudonomius
- Aspergillus pseudotamarii
- Aspergillus togoensis
Kjelder
Denne biokjemiartikkelen som har med medisin å gjere, er ei spire. Du kan hjelpe Nynorsk Wikipedia gjennom å utvide han.