எபினேசர் கோப் மார்லி
எபினேசர் கோப் மார்லி (Ebenezer Cobb Morley) (பிறப்பு 16 ஆகத்து 1831 - இறப்பு 20 நவம்பர் 1924) ஒரு ஆங்கிலேய விளையாட்டு வீரர் மற்றும் நவீன காற்பந்து விளையாட்டு மற்றும் காற்பந்துச் சங்கம் ஆகியவற்றை உருவாக்கியத் தந்தை என்றும் அறியப்படுகிறார்.
எபினேசர் கோப் மார்லி | |
---|---|
பிறப்பு | ஹல், கிழக்கு யாக்சயர், இங்கிலாந்து | 16 ஆகத்து 1831
இறப்பு | 20 நவம்பர் 1924 லண்டன் , இங்கிலாந்து | (அகவை 93)
கல்லறை | பார்ன்ஸ், ரிச்சுமண்ட், லண்டன், இங்கிலாந்து |
தேசியம் | ஆங்கிலேயர் |
பணி | வழக்கறிஞர் |
பெற்றோர் | எபினேசர் மார்லி மற்றும் ஹன்னா மாரியா[1] |
வாழ்க்கைத் துணை | பிரான்சஸ் குட் |
மார்லி, இங்கிலாந்தில் உள்ள 10,கார்டன் சுகயர், பிரின்சஸ் தெரு,[2] ஹல்[3] என்ற இடத்தில் பிறந்தார். இங்கு தனது 22 வது வயது வரை வாழ்ந்து வந்தார்.[2] பிறகு இவர் 1858 ஆம் ஆண்டில் பார்ன்ஸ் நகரத்திற்கு குடிபெயர்ந்தார்.[3] இங்கு பார்ன்ஸ் சங்கம் மற்றும் காற்பந்துச் சங்கம் ஆகியவற்றை 1862 ஆம் ஆண்டில் உருவாக்கினார்.[3] 1863 ஆம் ஆண்டு மோர்ட்லேக்கை சார்ந்த சங்கத்தின் தலைவராக பெல் லைஃப் நாளிதழில் காற்பந்து விளையாட்டிற்கு என ஒரு நிர்வாக அமைப்பு வேண்டும் என்று முன்மொழிகிறார். இதுவே (Freemasons' Tavern ) தச்சர்களின் சத்திரத்தில் நடைபெற்ற முதல் காற்பந்து சங்கக் கூட்டத்திற்கு அடிப்படையாக அமைந்தது.[3]
இவர் காற்பந்துச் சங்கத்தின் (FA) முதல் செயலாளராகவும் (1863-1866) மற்றும் அதன் இரண்டாவது தலைவராகவும் (1867-1874) இருந்தார் மற்றும் பார்ன்ஸ் நகரில் அவரது வீட்டில் காற்பந்து விளையாட்டின் முதல் விதிகளை உருவாக்கினார்.