கள்ளக்குறிச்சி மாவட்டம்

கள்ளக்குறிச்சி மற்றும் விழுப்புரம் மாவட்டங்களை பிரித்து திருக்கோவிலூர் தலைமையில் புதிய மாவட்டம் அமைக்க வேண்டும் என அப்பகுதி மக்கள் 40 ஆண்டு காலமாக கோரிக்கை விடுத்து வருகின்றனர்.

கள்ளக்குறிச்சி மாவட்டத்தின் கிழக்கில் விழுப்புரம் மாவட்டம், வடக்கில் தர்மபுரி மாவட்டம் மற்றும் திருவண்ணாமலை மாவட்டம், மேற்கில் சேலம் மாவட்டம் மற்றும் பெரம்பலூர் மாவட்டம், தெற்கில் கடலூர் மாவட்டம் எல்லைகளாக உள்ளது.

தமிழ்நாட்டின் 34-வது மாவட்டமாக துவக்கப்பட்ட கள்ளக்குறிச்சி மாவட்டத்திற்கான எல்லைகளை வரையறுக்கவும், உள்கட்டமைப்புகளை மேம்படுத்தவும் தமிழ்நாடு அரசு 19 சூலை 2019 அன்று ஒரு தனி அலுவலரை நியமித்துள்ளது.^[7]

கள்ளக்குறிச்சி மாவட்டம், கள்ளக்குறிச்சி மற்றும் திருக்கோவிலூர் என 2 வருவாய் கோட்டங்களும், 6 வருவாய் வட்டங்களும், 24 குறுவட்டங்களும், 562 வருவாய் கிராமங்களும் கொண்டுள்ளது.^[8][9][10]

கள்ளக்குறிச்சி மாவட்டம்

வருவாய் கோட்டங்கள்

1. கள்ளக்குறிச்சி
2. திருக்கோவிலூர்

வருவாய் வட்டங்கள்

1. திருக்கோவிலூர் வட்டம்
2. கள்ளக்குறிச்சி வட்டம்
3. உளுந்தூர்பேட்டை வட்டம்
4. சங்கராபுரம் வட்டம்
5. சின்னசேலம் வட்டம்
6. கல்வராயன்மலை வட்டம்

இம்மாவட்டத்தின் உள்ளாட்சி அமைப்பில் 3 நகராட்சிகளும், 5 பேரூராட்சிகளும் கொண்டுள்ளது.^[11]

நகராட்சிகள்

1. கள்ளக்குறிச்சி
2. திருக்கோவிலூர்
3. உளுந்தூர்பேட்டை

பேரூராட்சிகள்

1. சின்னசேலம்
2. தியாக துருகம்
3. சங்கராபுரம்
4. வடக்கநந்தல்
5. மணலூர்ப்பேட்டை

இம்மாவட்டம் 9 ஊராட்சி ஒன்றியங்களையும், 412 கிராம ஊராட்சிகளையும் கொண்டுள்ளது.^[12]

ஊராட்சி ஒன்றியங்கள்

1. கல்வராயன்மலை ஊராட்சி ஒன்றியம்
2. சங்கராபுரம் ஊராட்சி ஒன்றியம்
3. ரிஷிவந்தியம் ஊராட்சி ஒன்றியம்
4. சின்னசேலம் ஊராட்சி ஒன்றியம்
5. கள்ளக்குறிச்சி ஊராட்சி ஒன்றியம்
6. உளுந்தூர்பேட்டை ஊராட்சி ஒன்றியம்
7. திருநாவலூர் ஊராட்சி ஒன்றியம்
8. தியாகதுர்கம் ஊராட்சி ஒன்றியம்
9. திருக்கோவிலூர் ஊராட்சி ஒன்றியம்

புதிதாக துவக்கப்படும் கள்ளக்குறிச்சி மாவட்டத்தில் கள்ளக்குறிச்சி, உளுந்தூர்பேட்டை, சங்கராபுரம் மற்றும் ரிஷிவந்தியம் என 4 சட்டமன்றத் தொகுதிகளும், கள்ளக்குறிச்சி மக்களவைத் தொகுதியும் கொண்டுள்ளது.

கள்ளக்குறிச்சி மக்களவைத் தொகுதி

கள்ளக்குறிச்சி மக்களவைத் தொகுதி தொகுதி மறுசீரமைப்பின் போது உருவாக்கப்பட்ட புதிய தொகுதியாகும். இத்தொகுதியில் கள்ளக்குறிச்சி மாவட்டத்தில் உள்ள கள்ளக்குறிச்சி (SC), சங்கராபுரம், ரிஷிவந்தியம் ஆகிய 3 சட்டமன்றத் தொகுதிகளும், சேலம் மாவட்டத்தில் உள்ள ஏற்காடு (ST), கங்கவள்ளி (SC), ஆத்தூர் (SC) ஆகிய 3 சட்டமன்றத் தொகுதிகளும் இந்த கள்ளக்குறிச்சி மக்களவைத் தொகுதியில் அடங்கும் வகையில் அமைக்கப்பட்டுள்ளது.

கள்ளக்குறிச்சி பகுதி முழுவதும் வேளாண்மைக்கு முக்கியத்துவம் வாய்ந்ததாக உள்ளது. மணிமுக்தா, கோமுகி அணைகளின் மூலம் நேரடியாகவும், மறைமுகமாகவும் 25 ஆயிரம் ஏக்கர் நிலம் பயனடைகின்றன. நெல், கரும்பு அதிக அளவில் விளைகிறது. இதனால் இப்பகுதியில் நூற்றுக்கும் மேற்பட்ட நவீன அரிசி ஆலைகளும், மூன்று சர்க்கரை ஆலைகளும் உள்ளன.இந்த பகுதியில் நெல், கரும்பு, மக்காச்சோளம், மஞ்சள், பருத்தி, கம்பு, உளுந்து ஆகியவற்றை பயிரிடுகின்றனர்.

2011-ஆம் ஆண்டின் மக்கள்தொகை கணக்கெடுப்பின் படி, கள்ளக்குறிச்சி மாவட்டத்தின் மொத்த மக்கள்தொகை 16,82,687 ஆகும். அதில் ஆண்கள் 8,50,706 மற்றும் பெண்கள் 8,31,981 ஆகும். பாலின விகிதம் ஆயிரம் ஆண்களுக்கு 980 பெண்கள் வீதம் உள்ளனர். ஆறுவயதிற்குட்பட்ட குழந்தைகள் 1,96,050 ஆகவுள்ளனர். மாவட்ட மக்கள்தொகையில் சராசரி எழுத்தறிவு பெற்றவர்கள் எண்ணிக்கை 10,20,833 ஆகும்.^[13]

• கல்வராயன் மலைகள்
• திருநறுங்குன்றம் அப்பாண்டைநாதர் கோயில்
• திருக்கோவிலூர் கபிலர் குன்று
• திருக்கோவிலூர் உலகளந்த பெருமாள் கோயில்
• திருக்கோவிலூர் வீரட்டேஸ்வரர் கோயில்
• கள்ளக்குறிச்சி சிவன் கோவில்
• ரிஷிவந்தியம் அர்த்தநாரீஸ்வரர் ஆலயம்
• சேந்தமங்கலம் கோட்டை
• திருநாவலூர் பக்தஜனேஸ்வரர் கோயில்
• பரிக்கல் நரசிம்மர் கோயில்
• உளுந்தண்டார் கோயில்

• கள்ளக்குறிச்சி மாவட்டத்தின் அதிகாரப்பூர்வ இணையதளம்