கிரா பூசந்தி
கிரா பூசந்தி அல்லது கிரா குறுக்குநிலம்; (மலாய்: Segenting Kra; ஆங்கிலம்: Kra Isthmus; தாய்லாந்து மொழி: คอคอดกระ) என்பது மலாயா தீபகற்பத்தையும்; தாய்லாந்து நாட்டையும் பிரிக்கும் ஒரு குறுக்கு நிலமாகும்.
இந்தப் பூசந்தி தாய்லாந்து நாட்டின் தென்பகுதியில் அமைந்து உள்ளது. மேற்குப் பகுதியில் அந்தமான் கடல்; கிழக்கில் தாய்லாந்து வளைகுடா எல்லைகளாக உள்ளன.
அமைப்பு
கிரா பூசந்தியின் மேற்குப் பகுதி தாய்லாந்தின்ரானோங் மாநிலத்திற்குச் சொந்தமானது (Ranong Province). கிழக்குப் பகுதி சும்போன் மாநிலத்திற்குச் சொந்தமானது (Chumphon Province). இவை இரண்டும் தெற்கு தாய்லாந்தில் உள்ளன.[1]
திபெத்தில் இருந்து தீபகற்ப மலேசியா வழியாகச் செல்லும் தெனாசிரிம் மலைத்தொடருக்கு (Tenasserim Hills) இடையில் இந்தக் கிரா பூசந்தி அமைந்து உள்ளது. இதன் நீளம் 400 கிமீ (250 மைல்).[2]
தெனாசிரிம் மலைக்காட்டுச் சுற்றுச் சூழல்
கிரா பூசந்தி, தென் தாய்லாந்தின் அழகிய தெனாசிரிம் பசுமை மலைக்காட்டுச் சுற்றுச் சூழலில் அமைந்து உள்ளது.[3]
தாய்லாந்து கால்வாய்
2015-ஆம் ஆண்டில் கிரா பூசந்தியில் தாய்லாந்து கால்வாய் (Thai Canal) அமைப்பதற்கு ஒரு திட்டம் வகுக்கப் பட்டது. இந்தக் கால்வாய், தாய்லாந்து வளைகுடாவை அந்தமான் கடலுடன் இணைக்கும் திட்டமாகும். இந்தத் திட்டம் தற்காலிகமாகக் கைவிடப்பட்டு உள்ளது.[4]