குஜராத் சுல்தானகம்

தில்லி சுல்தானகத்தை ஆண்ட முகமது ஷா துக்ளக் என்பவர், கிபி 1391ல் பதான் நகரத்தை தலைமையிடமாகக்^[1][2][3] கொண்ட குஜராத் பிரதேசத்தின் ஆளுநராக ஜாபர் கான் என்ற முதலாம் முசாபர் ஷாவை நியமித்தார்.

தைமூரின் படையெடுப்பால், தில்லி சுல்தானகம் வீழ்ச்சியடைந்த நேரத்தில், கிபி 1407ல் தில்லி சுல்தானகத்தின் குஜராத் ஆளுநர், குஜராத் சுல்தானகத்தை தன்னாட்சி கொண்ட அரசாக அறிவித்தார்.முதலாம் முசாபர் ஷாவின் பேரன் முதலாம் அகமது ஷா 1411ல் அகமதாபாத் நகரத்தை நிறுவினார்.^[4] அவரது வாரிசான இரண்டாம் முகமது ஷா, குஜராத்தின் இராசபுத்திர சிற்றரசர்களை அடக்கினார். சுல்தான் மகமது பேக்டா^[3][5] ஆட்சியில் குஜராத் சுல்தானகம் செழிப்புடன் விளங்கியது.

இராசபுத்திரர்களை அடக்கி, தியூ கடற்கரையில் கப்பற்கடையை நிறுவினார். 1509ல் போர்த்துகேயர்கள், தியூ போரில், தியூவை குஜ்ராத் சுல்தான்களிடமிருந்து கைப்பற்றினர். 1526ல் குஜராத் சுல்தான் சிக்கந்தர் ஷா கொல்லப்பட்டதிலிருந்து, குஜராத் சுல்தானகம் வீழ்ச்சி கண்டது. 1535ல் முகலாயப் பேரரசர் உமாயூன் குஜராத் சுல்தானகத்தின் பெரும்பகுதிகளைக் கைப்பற்றினார்.

பின்னர் 1537ல் குஜராத் சுல்தான் பகதூர் ஷா, போர்த்துகேயர்களால் கொல்லப்பட்டார்.^[3][6]

முகலாயப் பேரரசர் அக்பர், மூன்றாம் முசாபர் ஷா^[7] ஆட்சியின் போது, 1573ல் குஜ்ராத் சுல்தானகத்தை வென்று, முகலாயப் பேரரசில் இணைத்ததுடன் குஜராத் சுல்தானகத்தின் ஆட்சி முடிவுற்றது.

1. ஜாபர் கான் எனும் முதலாம் முசாபர் ஷா 1391 - 1411
2. முதலாம் அகமது ஷா 1411 - 1443
3. இரண்டாம் முகமது ஷா 1443 - 1451
4. இரண்டாம் அகமது ஷா 1451 - 1458
5. முதலாம் முகமது ஷா எனும் முகமது பேக்டா 1458 - 1511
6. இரண்டாம் முசாபர் ஷா 1511 - 1526
7. பகதூர் ஷா 1526 - 1537
8. மூன்றாம் முகமது ஷா 1537 - 1554
9. மூன்றாம் அகமத் ஷா 1554 - 1561
10. மூன்றாம் முசாபர் ஷா 1561 - 1573

• அயோத்தி நவாப்
• ஆற்காடு நவாப்
• தக்காண சுல்தானகங்கள்
• குஜராத் சுல்தானகம்
• ஜூனாகத் அரசு
• வங்காள நவாபுகள்
• ஹைதராபாத் நிஜாம்

ஆதாரநூற்பட்டி

விக்கிமீடியா பொதுவகத்தில்,
குஜராத் சுல்தானகம்
என்பதில் ஊடகங்கள் உள்ளன.

• Coins of the Gujarat Sultanate