ஜூலி பெயெட்
ஜூலி பெயெட் (Julie Payette, பிறப்பு: அக்டோபர் 20, 1963) தற்போதைய கனடாவின் கவர்னர் ஜெனரலாவார். இவர் கனடியன் கூட்டமைப்பின் 29 வது ஆளுநர் ஜெனரல் ஆவார்..[2][3][4] ஜூலை 13, 2017 அன்று, பிரதம மந்திரி ஜஸ்டின் துரூடோ, இராணி ஐக்கிய இராச்சியத்தின் இரண்டாம் எலிசபெத் கனடாவின் அடுத்த கவர்னர் ஜெனரலாக பெயெட்டை நியமித்துள்ளதாக அறிவித்தார்.[2][3][5] 2017, அக்டோபர் 2 ஆம் நாள் பெயெட் கனடாவின் ஆளுநராகப் பதவியேற்றார்.[6] ஜூலி பெயெட், இப்பதவி வகிக்கும் நான்காவது பெண் மற்றும் ஆறாவது பிரெஞ்சு மொழிபேசும் பிராங்கோபோன் ஆவார்.
மேதகு, மாண்புமிகு ஜூலி பெயெட் | |||||||||||||
---|---|---|---|---|---|---|---|---|---|---|---|---|---|
29 ஆவது கனடாவின் கவர்னல் ஜெனரல் | |||||||||||||
பதவியில் உள்ளார் | |||||||||||||
பதவியில் அக்டோபர் 2, 2017 | |||||||||||||
ஆட்சியாளர் | ஐக்கிய இராச்சியத்தின் இரண்டாம் எலிசபெத் | ||||||||||||
பிரதமர் | ஜஸ்டின் துரூடோ | ||||||||||||
முன்னையவர் | திராவிட் ஜான்ஸ்டன் | ||||||||||||
தனிப்பட்ட விவரங்கள் | |||||||||||||
பிறப்பு | அக்டோபர் 20, 1963 மொண்ட்ரியால், கியூபெக், கனடா | ||||||||||||
துணைவர்(s) | பிராங்கோயில்ஸ் பிரிஸெட்(திருமண முறிவு 1999) வில்லியம் பிலின் (திருமண முறிவு.2015) | ||||||||||||
பிள்ளைகள் | 1 மகன் (aged 20)[1] | ||||||||||||
வாழிடம் | ரெடோ ஹால் | ||||||||||||
கல்வி | மக்கில் பல்கலைக்கழகம் (BEng) ரொறன்ரோ பல்கலைக்கழகம் (MASc) | ||||||||||||
| |||||||||||||
பெயெட் ஒரு பொறியியலாளரும், வணிகரும், கனடிய வின்வெளி வீரரும் கனடிய வின்வெளி நிறுவனத்தின் முன்னாள் உறுப்பினராகவும் உள்ளார். எஸ்.டி.எஸ் -96 மற்றும் எஸ்.டி.எஸ்-127 ஆகிய இரண்டு விண்வெளி விமானங்களிலும் பெயெட் 25 நாட்களுக்கு மேலாக தங்கியிருந்துள்ளார். அவர் கனடிய விண்வெளி நிறுவனத்தின் (CSA) தலைமை விண்வெளி வீரராக பணியாற்றியுள்ளார், மேலும் ஹூஸ்டனில் உள்ள நாசாவின் குழுக் கட்டுப்பாட்டு மையத்தில் விமானக் கட்டுப்பாட்டாளராகவும் பணியாற்றியுள்ளார்.
2013, ஜூலை மாதம் மொண்ட்ரியால் அறிவியல் மையத்திற்கு தலைமை நிர்வாக அதிகாரியாக பெயெட் நியமிக்கப்பட்டார்.ஏப்ரல் 2014 இல், அவர் கனடா தேசிய வங்கியின் இயக்குநர்கள் குழுவில் ஒருவராக நியமிக்கப்பட்டார்.[7]
கல்வியும் தொடக்க காலப் பணிகளும்
1963 ஆம் ஆண்டு அக்டோபர் மாதம் 20 ஆம் தேதி , கியூபெக்கில் உள்ள மொண்ட்ரியால் எனுமிடத்தில் பெயெட் பிறந்தார்.[8] அன்குன்சிக் , மவுண்ட்-செயிண்ட்-லூயிஸ் கல்லூரியிலும், ரெஜினா அசூம்ப்டா கல்லூரியிலும் தனது உயர்கல்வியைப் பெற்றார்.[9][10] 1982 ஆம் ஆண்டில் அவர் பிரித்தானியாவின் சவுத் வேல்சில் உள்ள அட்லாண்டிக் கல்லூரியில் சர்வதேச இளங்கலைப் பட்டயப் படிப்பை முடித்தார்.[11]
தனது இளங்கலைக் கல்விக்காக மக்கில் பல்கலைக் கழகத்தில் பெயெட் சேர்ந்தார். அங்கு 1986 ஆம் ஆண்டில் அவர் மின்னணுப் பொறியியலில் இளங்கலைப் பொறியியல் பட்டம்பெற்றார். 1990 ஆம் ஆண்டு டொராண்டோ பல்கலைக்கழகத்தில் கணினி பொறியியல் துறையில் பயன்பாட்டு அறிவியலில் முதுகலைப் பட்டம் பெற்றார். அவரது ஆய்வானது, மொழியியல் நுண்ணறிவு, செயற்கை நுண்ணறிவு ஆகிய துறையில் கவனம் செலுத்தியது.[9][12][13] அவர் 55,000 உறுப்பினர்கள் கொண்ட கியூபெக் பொறியாளர் அமைப்பின் உறுப்பினராக உள்ளார் [14]