டேவிட் குடால்

டேவிட் குடால் இலண்டன் பல்கலைக்கழகத்தில் பயின்று அறிவியலில் பட்டம் பெற்றார். தக்காளிச் செடி பற்றிய ஆய்வுகள் செய்து முனைவர் பட்டம் பெற்றார். இக்கால கட்டத்தில் அவரால் இரண்டாம் போரில் கலந்து கொள்ள முடியவில்லை.^[3]1948 இல் ஆத்திரேலியாவுக்குச் சென்று குடியேறினார். மெல்போர்ன் பல்கலைக்கழகத்தில் பேராசியராகப் பணி செய்தார். 1952 முதல் 1954 வரை கோல்ட் கோஸ்த் பல்கலைக்கழகத்தில் பயிரியல் துறை ஆசிரியராகப் பணி புரிந்தார். 1953 இல் மெல்போர்ன் பல்கலைக் கழகத்தில் அறிவியல் முனைவர் பட்டம் பெற்றார்.

குடால் மூன்று முறை திருமணம் செய்து கொண்டார்.நான்கு குழந்தைகளும் 12 பெயரக் குழந்தைகளும் இவருக்கு உண்டு.தமது மரபியல் தம்மை இத்தனை ஆண்டுகள் வாழ வைத்தது என்றும் உ யிரோடு வாழ செயலூக்கத்துடன் இருக்க வேண்டும் என்றும் கூறினார்.^[4]தமது 90 அகவை வரை டென்னிஸ் விளையாடினார்.கவிஞராகவும் நடிகராகவும் இருந்தார்.^[5][6]

நூற்று நான்கு ஆண்டுகள் வாழ்ந்த டேவிட் குடால், சுவிட்சர்லாந்தில் அந்த நாட்டின் இசைவைப் பெற்று, ஆங்கு சென்று, ஒரு மருத்துவமனையில் தம்மைத் தாமே மாய்த்துக் கொண்டார். இந்தச் செய்தி அறிவு உலகில் பரபரப்பை ஏற்படுத்தியது.^[7]