தன்னாட்சி

சமூகவியல் போன்ற துறைகளில் தன்னாட்சி என்பது முழு அளவில் இல்லாமல், ஒன்றைச் சார்ந்த அளவில் முழுமையற்ற உரிமையுள்ளதாகவே வரையறுக்கப் பட்டுள்ளது.

அரசியல் பொருளில், தன்னாட்சி என்பது ஓர் அமைப்பு தம்மைத்தாமே ஆண்டுகொள்கின்ற உரிமை உள்ளதைக் குறிக்கும்.

மெய்யியல் (philosophy) துறையில், தன்னாட்சி என்பது மிக இன்றியமையாத, பல்வேறு வகையிலும் தாக்கத்தை ஏற்படுத்தக் கூடிய கோட்பாடாகப் பயன்படுத்தப் படுகின்றது. எடுத்துக் காட்டாக, ஒழுக்கவியல் மெய்யியல் (moral philosophy) துறையில், தன்னாட்சி என்பது ஒருவர் தன்னை நல்லொழுக்கக் கோட்பாடுகட்கு உட்படுத்திக் கொள்வதைக் குறிக்கும்.

கிறித்துவ சமயத்தில், தன்னாட்சி என்பது அரை-குறையான ஆட்சி முறையைக் குறிக்கும்.

பொறியனியல் (robotics) துறையில், தன்னாட்சி என்பது ஒரு பொறியன் (robot) மனிதர் துணையின்றி தானே பல செயல்களை செய்து முடிக்கும் திறனைக் குறிக்கும்.