தீபிகா பள்ளிக்கல்

தீபிகா பள்ளிக்கல் என்று அறியப்படும் தீபிகா ரெபக்கா பள்ளிக்கல் 21 செப்டம்பர் 1991-ம் ஆண்டு கேரளாவைச் சேர்ந்த சிரியன் கிறித்தவ பெற்றோருக்கு மகளாக சென்னையில் பிறந்தார். நவம்பர் 15, 2013 ஆம் ஆண்டு கிரிக்கெட் வீரர் தினேஷ் கார்த்திக் மற்றும் தீபிக்கா இருவரும் திருமண நிச்சயம் செய்து கொண்டனர். இவர் தனது முதல் பன்னாட்டு பந்தய விளையாட்டை லண்டனில் விளையாடினார்.இதுவரை ஜெர்மன் ஓபன், டட்ச் ஓபன், பிரெஞ்சு ஓபன், ஆஸ்திரேலியன் ஓபன், ஸ்காட்டிஷ் ஓபன் ஆகியவற்றில் பட்டம் வென்றுள்ளார்.

தீபிகா பள்ளிக்கல் 2006-ம் ஆண்டு முதல் தொழில்முறை ஸ்குவாஷ் விளையாட்டு வீரரானார். தொடக்க காலத்தில் பல ஏற்றத் தாழ்வுகளுடன் இருந்த இவரது தொழில் வாழ்க்கை, 2011-ல் எகிப்தில் இவர் எடுத்துக்கொண்ட பயிற்சிக்குப் பிறகு சீரானதாகவும், பல வெற்றிகளுடையதாவும் மாறியது^[2].

போட்டி	வருடம்	முடிவு
வின்னிபெக் இன்டெர் கிளப் ஓபன்	2015	வெற்றி
மாகு ஸ்குவாஷ் ஓபன்	2013	வெற்றி [3]
மீடோ பார்மசி ஓபன்	2013	வெற்றி
ஆஸ்திரேலியன் ஓபன்	2012	அரைஇறுதி
டோர்னமெண்ட் ஆப் சாம்பியன்ஸ்	2012	இரண்டாம் இடம்
க்ரோகடைல் சேலஞ்ச் கப்	2011	வெற்றி
உலக ஓபன்	2011	காலிறுதி
டிரீட் ஸ்போர்ட்ஸ் தொடர்	2011	வெற்றி
ஆரஞ்சு கன்ட்ரி ஓபன்	2011	வெற்றி

2014ஆம் ஆண்டு நடந்த இங்கிலாந்தில் கிளாஸ்கோ நகரில் நடந்த காமன் வெல்த் போட்டியில் தங்கப்பதக்கம் வென்றார்.

தேசிய ஸ்குவாஷ் சாம்பியன்ஷிப் போட்டியில் ஆண்களுக்கும் பெண்களுக்கும் உள்ள பரிசு தொகை வேறுபாட்டை களைய வலியுறுத்தி தீபிக்கா பள்ளிக்கல் நான்காவது ஆண்டாக போட்டிகளில் பங்கேற்காமல் புறக்கணித்துள்ளார்.^[4].