பாதுகாப்பற்ற கருக்கலைப்பு
பாதுகாப்பற்ற கருக்கலைப்பு (Unsafe abortion) என்பது தேவையான திறன்கள் இல்லாதவர்கள் அல்லது குறைந்தபட்ச மருத்துவத் தரங்கள் இல்லாத சூழலில் அல்லது இரண்டுமே கருத்தரிப்பை கலைப்பது என்பதாகும்.[1] பாதுகாப்பற்ற கருக்கலைப்பு என்பது உயிருக்கு ஆபத்தான செயல்முறையாகும். இது சுயமாக-தூண்டப்பட்ட கருக்கலைப்பு, சுகாதாரமற்ற நிலையில் கருக்கலைப்பு, கருக்கலைப்புக்கு பிந்தைய கவனம் செலுத்தாத ஒரு மருத்துவ பயிற்சியாளரால் செய்யப்படும் கருக்கலைப்பு ஆகியவற்றில் அடங்கும்.[2] உலகில் ஆண்டுக்கு சுமார் 25 மில்லியன் பாதுகாப்பற்ற கருக்கலைப்புகள் நிகழ்கின்றன. அவற்றில் பெரும்பாலானவை வளந்துவரும் நாடுகளில் நிகழ்கின்றன.[3]
இவ்வாறான பாதுகாப்பற்ற கருக்கலைப்புகள் வருடத்திற்கு சுமார் 7 மில்லியன் பெண்களுக்கு சிக்கல்களை ஏற்படுத்துகின்றன.[3] பாதுகாப்பற்ற கருக்கலைப்புகள் என்பது கருத்தரித்தல் மற்றும் பிரசவத்தின்போது இறப்பதற்கான முக்கிய காரணங்களில் ஒன்றாகும் (இந்த காலகட்டத்தில் அனைத்து இறப்புகளில் சுமார் 5-13%).[3] பெரும்பாலான பாதுகாப்பற்ற கருக்கலைப்புகள் கருக்கலைப்பு சட்டவிரோதமாக்கப்பட்ட இடங்களில் அதிகமாக நிகழ்கின்றன.[4] அல்லது வளர்ந்துவரும் நாடுகளில் மலிவான மற்றும் நன்கு பயிற்சி பெற்ற மருத்துவப் பயிற்சியாளர்கள் உடனடியாக கிடைக்காத இடங்களில் அல்லது நவீன பிறப்பு கட்டுப்பாடு கிடைக்காத இடங்களில் இது நிகழ்கின்றன.[5]
பாதுகாப்பற்ற கருக்கலைப்பு என்பது பொது சுகாதார நெருக்கடியாக இருக்கிறது.[6] மேலும் குறிப்பாக, பாதுகாப்பான கருக்கலைப்புக்கான அணுகல் இல்லாதது பொது சுகாதார ஆபத்தாகும்.[6] இதற்கான சட்டம் எவ்வளவு கட்டுப்படுத்தப்படுகிறதோ, அவ்வளவு அதிகமாக இறப்பு விகிதமும், அதனால் ஏற்படும் பிற சிக்கல்கள்களும் எழுகின்றன.[6]
சட்டவிரோதமானதும் பாதுகாப்பற்றதுமான கருக்கலைப்பு
கருக்கலைப்பு சட்டவிரோதமாக்கப்பட்ட இடத்தில் பாதுகாப்பற்ற கருக்கலைப்புகள் அடிக்கடி நிகழ்கின்றன.[4] இருப்பினும், பாதுகாப்பற்ற கருக்கலைப்பு குறைந்த அளவிலான திறமையான மருத்துவ பராமரிப்பு கொண்ட வளர்ந்துவரும் நாட்டில் இது நிகழ்கிறதா என்பது போன்ற மற்ற காரணிகளால் தீர்மானிக்கப்படலாம்.[7]
கருக்கலைப்பு சட்டபூர்வமான இடத்தில் சில நேரங்களில் பாதுகாப்பற்ற கருக்கலைப்புகள் நிகழ்கின்றன. மேலும் கருக்கலைப்பு சட்டவிரோதமான இடங்களில் சில சமயங்களில் பாதுகாப்பான கருக்கலைப்புகள் நிகழ்கின்றன.[8] பாதுகாப்பற்ற கருக்கலைப்பை நீக்குவதன் மூலம் சட்டமயமாக்கல் எப்போதும் பின்பற்றப்படுவதில்லை.[9] [10] கருக்கலைப்பு சட்டபூர்வமான இடத்தில் மலிவான பாதுகாப்பான சேவைகள் கிடைக்காமல் போகலாம். மாறாக, சட்டவிரோதமாக இருந்தபோதிலும் பெண்கள் மருத்துவ தகுதி வாய்ந்த சேவைகளை பெற முடியும்.[11]
கருக்கலைப்பு சட்டவிரோதமான இடங்களில் தாயின் இறப்புக்கு பங்களிக்கிறது. ஆனால் பெனிசிலின், கருத்தடை மாத்திரை உள்ளிட்ட மருத்துவ முன்னேற்றங்கள் காரணமாக இது போன்ற இறப்புகள் முன்பு போல் இல்லை.[12]
பாதுகாப்பற்ற கருக்கலைப்பு முறைகள் பின்வருமாறு:
- கூர்மையான பொருள் அல்லது கம்பியால் கருப்பையின் உள்ளேயுள்ள பனிக்குடப்பையை உடைக்க முயற்சித்தல். (உதாரணமாக வளைக்காத ஆடை காயவைக்கும் கம்பி அல்லது பின்னல் ஊசி ). இந்த முறையில் உட்புற உறுப்புகளில் தொற்று அல்லது காயத்தை ஏற்படுத்தலாம் (உதாரணமாக கருப்பை அல்லது குடல் துளைத்தல்), இதன் விளைவாக மரணம் ஏற்படுகிறது.[13] கர்ப்ப காலத்தில் கருப்பை மென்மையாகிறது. மேலும், துளையிடுவது மிகவும் எளிதானது. எனவே ஒரு பாரம்பரிய முறை ஒரு பெரிய இறகைப் பயன்படுத்துவதாகும். [14]
- மிளகாய் அல்லது மிளகுத்தூள் போன்ற நச்சு கலவைகள், படிகாரம், லைசோல், பெர்மாங்கனேட்டு அல்லது தாவர நஞ்சு போன்ற இரசாயனங்கள் பெண்ணின் உடலில் செலுத்துதல். இந்த முறையில் பெண் நச்சு அதிர்ச்சிக்குச் சென்று இறப்பாள்.[15]
- மருத்துவ மேற்பார்வையின்றி கருக்கலைப்பைத் தூண்டுவது, கருக்கலைப்பு செய்யக்கூடிய மருந்துகள் அல்லது சட்டவிரோதமாக பெறப்பட்ட மருந்துகள் அல்லது கருக்கலைப்புக்கு குறிப்பிடப்படாத ஆனால் கருச்சிதைவு அல்லது கருப்பைச் சுருக்கத்திற்கு வழிவகுக்கும் மருந்துகளைப் பயன்படுத்துதல். (கருப்பை சுருக்கங்களை ஏற்படுத்தும் மருந்துகள் ஆக்சிடாசின் எர்கோலைன் ஆகியவை இதில் அடங்கும்]]. இதனால் பெண்களுக்கு ஏற்படும் இடர்பாடுகள் பின்வருமாறு: கருப்பை பிளப்பு, ஒழுங்கற்ற இதயத்துடிப்பு, உயர் இரத்த அழுத்தம், குருதிச்சோகை குருதி மாற்றீடு, இருதய பிரச்சினைகள், நுரையீரல் வீக்கம், இறப்பு, அத்துடன் தீவிர ஈழை நோய் போன்றவை.[16]
சிக்கல்களுக்கான சிகிச்சை
கருக்கலைப்பு சட்டபூர்வமானதா அல்லது சட்டவிரோதமானதா என்பதைப் பொருட்படுத்தாமல், சுகாதாரப் பாதுகாப்பு வழங்குநர்கள் நோயாளிகளுக்கு மருத்துவ சேவையை வழங்குவதற்கு சட்டப்படி தேவைப்படுகிறார்கள். ஏனெனில் அது உயிரை காக்கும். சில சந்தர்ப்பங்களில், கருக்கலைப்பு மற்றும் சம்பந்தப்பட்ட அனைத்து நபர்கள் பற்றிய தகவலை அந்த பெண் வழங்கும்போது மட்டுமே கருக்கலைப்பு சிக்கல்களுக்கான சிகிச்சை அளிக்கப்படும்.[17]
சட்டவிரோத கருக்கலைப்பின் விளைவாக அவசர மருத்துவ சிகிச்சை பெறும் பெண்களிடம் வாக்குமூலம் பெறுவது கடினம். ஏனெனில் இது பெண்களின் உயிருக்கு ஆபத்தை ஏற்படுத்துகிறது. எவ்வாறாயினும், எந்த வகையான கருக்கலைப்பு செய்த பெண்களின் வழக்குகளையும் மருத்துவர்கள் தெரிவிக்க சட்டம் தேவைப் படுகிறது. கவனிப்பில் காட்டும் அனைத்துவித தாமதமும் பெண்களின் ஆரோக்கியத்திற்கும், உயிருக்கும் ஆபத்தை அதிகரிக்கிறது.[17]