லாரி சாங்கர்
லாரன்சு மார்க் "லாரி" சாங்கர் (பிறப்பு சூலை 16, 1968[1] ) ஓர் அமெரிக்க மெய்யியலாளரும் விக்கிப்பீடியாவினை கூட்டாக நிறுவியவரும் இலவச தகவல் களஞ்சியமான சிடிசென்டியம் (குடிமக்கள் தொகுப்பு) உருவாக்குனரும் ஆகும்.[2][3][4]
| லாரி சாங்கர் | |
|---|---|
 | |
| பிறப்பு | லாரன்சு மார்க் சாங்கர் சூலை 16, 1968 பெல்வியூ, வாசிங்டன், அமெரிக்கா |
| படித்த கல்வி நிறுவனங்கள் | ரீட் கல்லூரி ஒகைய்யோ மாநிலப் பல்கலைக்கழகம் |
| பணி | முதன்மை ஆசிரியர், சிடிசென்டியம் |
| வலைத்தளம் | |
| http://larrysanger.org/ | |
அவரது இளமைக்காலம் அங்காரேஜ்,அலாஸ்காவில் கழிந்தது.[2] சிறு வயது முதலே அவருக்கு மெய்யியலில் ஆர்வம் இருந்தது.[5] சாங்கர் மெய்யியலில் இளங்கலைப் பட்டத்தை 1991ஆம் ஆண்டு ரீட் கல்லூரியில் படித்தார். முதுகலைப் பட்டத்தை 1995ஆம் ஆண்டிலும் முகமைப் பட்டத்தை(Ph.D.) 2000ஆம் ஆண்டிலும் ஒகைய்யோ மாநிலப் பல்கலைக்கழகத்தில் பெற்றார்.[6] அவரது மெய்யியல் ஆய்வுகள் அறிவு குறித்த கொள்கைகளை பற்றியதாக இருந்தது.[5]அவர் பல இணைய தகவல் களஞ்சியத் திட்டங்களில் பங்கெடுத்தார்.[7] நூபீடியாவின் முன்னாள் முதன்மை ஆசிரியர்;[8] (2001–2002)காலகட்டத்தில் நூபீடியாவின் சந்ததி விக்கிப்பீடியாவின் முதன்மை அமைப்பாளர்;[9] மற்றும் சிடிசென்டியத்தின் தற்போது செயலிலில்லாத முதன்மை ஆசிரியர்.[10] அவர் நூபீடியாவில் பணிபுரிந்தபோது கட்டுரை வடிவமைக்கும் செயல்பாட்டை உருவாக்கினார்.[11] விக்கிப்பீடியா உருவாக்குவதில் பெரும்பங்காற்றினார்.[12] விக்கி மென்பொருளைக் கொண்டு விக்கிப்பீடியா அமைக்கும் கருத்தை முன்மொழிந்தவர் அவரே.[12] துவக்கத்தில் விக்கிப்பீடியா நூபீடியாவின் கூடுதல் திட்டமாக இருந்தது.[12] விக்கிப்பீடியா சமூகத்தின் முதல் தலைவராக விளங்கி[13] பல ஆரம்ப கொள்கைகளை வடிவமைத்தார்.[14] விக்கியை அடிப்பையாகக் கொண்ட மாற்று விக்கித்திட்டமான சிடிசென்டியத்தை வழிநடத்தினார்.[15]
சாங்கர் 2002ஆம் ஆண்டு விக்கிப்பீடியாவை விட்டு வெளியேறிய பிறகு விக்கிப்பீடியா திட்டத்தின் குறைபாடுகளை கூறிவந்தார்.[16] விக்கிப்பீடியா பல சிறப்புகளைக் கொண்டிருந்தாலும்,துறை வல்லுனர்கள் இல்லாதநிலையில், நம்பிக்கைத்தன்மையை இழந்துள்ளதாகக் குறை கூறினார்.[17] திட்டத்திலிருந்து வெளியேறிய பின்னர் ஓகைய்யோ மாநிலப் பல்கலைக்கழகத்தில் மெய்யியல் விரிவுரையாளராக பணிபுரிந்தார்.[5] புவி பற்றிய துறை வல்லுனர்களால் எழுதப்பட்ட தகவல் களஞ்சியத்தை தொகுத்தார்.[18] செப்டம்பர் 15, 2006 அன்று விக்கிப்பூடியாவின் பிரிவாக (fork) சிடிசென்டியம் என்ற திட்டத்தை பொது ஊடகங்களுக்கு அறிவித்தார்.[19] முறையாக மார்ச் 25, 2007அன்று இது பயன்பாட்டிற்கு வந்தது.[20] இந்தத் திட்டம் ஓர் நம்பிக்கைக்கு உரிய தகவல்களஞ்சியத்தை உருவாக்குவதை நோக்கமாகக் கொண்டது.[21] இணையத் தகவல் களஞ்சியத்தில் பொறுப்பு மிகுந்த தொகுப்பாளர் அமைப்பை உருவாக்க சாங்கர் விரும்பினார்.[10]
தற்போது வாட்ச்நோ என்ற திட்டத்தில் பணியாற்றி வருகிறார்.[22] மற்றும் பல இணைய சமூகங்களின் கூட்டு செயல்பாடுகளில் அறிவுரையாளராகவும், எழுத்தாளராகவும் பேச்சாளராகவும் பகுதிநேரப் பணியாற்றுகிறார்[23]
மேற்கோள்கள்
வெளியிணைப்புகள்
- Larry Sanger - சாங்கரின் வலைத்தளம்.
- User:Larry Sanger/Origins of Wikipedia - விக்கிப்பீடியாவின் தோற்றம் குறித்த கட்டுரை.
- Epistemic Circularity: An Essay on the Problem of Meta-Justification - index.
- Video interview: Larry Sanger talks about Wikipedia and his plans with Citizendium -
en Larry Sanger